¹ Yi tabam ming ghwut ming atsatsak nnyiā nyin wu nte anyet ba li ba kīda di do nwai atsatsak zanang Achiā nyin wu ashiā atanzwe ani. ² Kī nang yi na nang ayin kyang, yi yok tswot nunu ba nang anyet bwoi akalah be nnyiā ma kavwuo naai ne nbiyang aghirak nvak, ba ka shiā dyep anibishii. Atsak alyat wa ntak ming anyin ba wa kan san zang be zi. ³ Kīnang ana nang kyang yok hwon bwak-myan ahu hu lyen kyang nang bwak-yak ahu nyiā ani ba, ⁴ da nyan ke nang a na nnang kyang hu da bang ani; Achiā a wu a nwan da bang ani a tanná. ⁵ Kīnang yi na naai, yi yok nyiā nang anyet bwoi akalah be ani ba da nyan ke nang ba nchat yong ma kavwuo naai ming nkyung nvak, anyet ba ka li be ani. Atsak alyat wu wa ndyat ming anyin ba wa kan san zang be zi. ⁶ Awot nyin, kīnang yi na naai, yi takup ammi ntwe-nyio, yi nyim nyinyit hu, yi naai Achiā nyin wu a shiā di takup ani gu a tán nyin zang zi. ⁷ Kīnang yi naai yi yok shai-bo-shai swang alyat sang anu ba nang anyet nwai hwui be nyiā ani; ba ngyai ana fak afinfang be wu wa. ⁸ Anyawa, yi yok li nang ambe ani ba, da nyan ke nang Achiā nyin wu lyen nkyang nang yi chat yi si lyip gu ani. ⁹ Yi naai angii: Achiā atanzwe, ayirok ake ka yet atsatsak. ¹⁰ Tyok áhu hu bai. Adidam áwu a swan anya, nang hu ndi atanzwe ming abin ani. ¹¹ Jong zit kyang-yak mam afwun. ¹² A lyang atite zit be, nang nzit ma ndyang anyet bang zit atite ani. ¹³ Ayok nat ming anzit da vwuo ke nang anan mak zit ani ba, a tin zit nbwak anyet nyiā aktuk nkyang. ¹⁴ Kī nang alyang anyet katuk nang ba nyiā a dio ani, Achiā awu ashiā atanzwe ani na lyang katuk ahu. ¹⁵ Kīnang alak lyang sin be hu Achiā ma na lak lyang si nwan hu. ¹⁶ Had afwun, kī yi na fwui anu, yi yok lap agyii nyin be ba, nang ayaa bang-abin be nyiā ani da nyan ke nang ban shai aghii be anyet baka li nang ba nfwui nunu. Atsak alyar nshai ming anyin ba wakan san zang be zi. ¹⁷ Nyin, kī nang yi fwui nunu yi kwon amyiā di psipsiā nyin hu, yi kwui aghii nyin be. ¹⁸ Kīda yi do tak anyet ne nyiā yi fwui nunu ba, se ming Achiā nyin wu ashiā da bang ani. Achiā nyin wu a nwan da bang ani na tan nyin zang zi. ¹⁹ Yi yok tung apsiā nyin zwe sak abin ba, da vwuo ke nang chinchaai ming tsuwat nan gye abyian, atang ba ta fwoi ba nyiin ani ba. ²⁰ Hu nan di anya ani, hu na yet asham yi tung apsiā nyin zwe atanzwe da vwuo ke nan chinchaai ming tsuwat nan byian, atang ba nyiin ani ba. ²¹ Hu yet kwap za avwuo ke nang zwe a zi nshiā ani azawa nang fwo ahu nan shiā. ²² Ali kikya yet long hu sai vam hu ani. Kī anyawa, ka ali ake yet, kakap vam ahu nan hyat ming sai. ²³ Ka ali ake yet ba, vam ahu kakap nan hyat ming lyin. Kīnang sai hu shiā mi vam ahu ani yet lyin, lyin hu na shishi hu niwa! ²⁴ Ayin simi nyiā tam ming ayaa Áti'ali afiyang ba, da nyanke nan gu nan chat atianyiun a lak atianyiug wu ani, kī da anya ba ana jong atianyiung fwo guhu a ghwon atianyiung wu. A simin hwui Ágwaze ming zwe ba. ²⁵ Anyawa nntak nyin, yi yok dam swan nyin zi ba, kyang yi na gye yi swo ani, kuh vam nyin hu kyang yi na kup ani. Swan nyin zi swak yak, vam hu si swak ayaa turo daa? ²⁶ Yi li akaman ne tyong mi gwun hu ani! Ba chwui basi chak ba, di mbe ba tung a tyai ma yaa gban ba, da li, Achiā atanzwe jyet be gye ming swo. Yi swak be ming yet atan nkyang daa? ²⁷ Anyana ma nyin mat adidam guwu a maai mbiyang achak anyiung din swat atachiā guhu? ²⁸ Iwhaha nang yi ndan ayaa turo hwui. Yi nwan fure zi ayit gag nang zi ndaai ani, zi nyiā tam ba zi si nok ayaa turo ba. ²⁹ Ntak nyin, Soloman kakap ming shii guhu hwui nkyang anya ba. ³⁰ Kīnang Agwaze kup chyat ayit zi ayaa turo, zi nshiā afwun, atswon awu chiā min dong ani, ana nyiniwa a nwai kup nyin ayaa turo nyin anyet sang nwak shim mi fwo? ³¹ Da nyan kai yi yok ghaan lyat nyiā, 'Iwhaha nang zi na gye? kuh 'Iwhaha nang zi na swo?, ming 'Iwhaha nang zi na kup apsiā zit? ³² Nkyang nai nya nang anyet nwai hwui he chat; Achiā atanzwe lyen nang zi nchat ne kakap. ³³ Yi chat tyok mbiyang yet guhu da tse, akum nkyang ke a mbiyang nyin dio. ³⁴ Da nyan akyai yi yok surap atswon ke ba, da nyan ke nang atswon ke nsurap apsiā ke ani. Kyang hu maai mam hu ani hu wha yet katuk ke hu.