¹ Yesu si bo kīrak ming nman ntam gu ne nyiā, "A byiā ati nzwe agyang, ming byiak nwan zwe gu zi, asi tak ming byiak zi nang zin khaai nkyang nang gu byiā ani. ² Asi yirong gu, asi lyip gu nyiā, 'Iwhaha nang afak a lyat da nwan? Jong ning sangag zi nang a nyiā ming tam ahu ani da nyan ke nang a nan ghwon tam hu ani. ³ Byiak ntam zi si tabat lyat ming apsiā zi, nyiā, "Iwhaha nang nna nyiā manini nang Ati'ali ning wu nan vwong ning di ntam hu ani? Ning nbyiā chet khap ba da ning nsin nat naai ba. ⁴ Ndyen kyang nna nyiā ani, da nyan ke nang kī nghwon tam hu anyet na san ning ma kase be ani.' ⁵ Byiak avwuo ntam zi si yai abok Atiali gube a nyanyin asi lirim be, kyak da atiā atse wu, nyiā, 'Atite amang byia nang a bang Atiali ning wu dio? ⁶ Asi shim nyiā, ashasha nchikwop hyau alyit wa. Byiak zi nyiā ming angu, "Nge kwe-akusambwat atite hu a lyang a nduru angang, ashasha nswak nfwon. ⁷ Gu nyiā ming atianyiung wu, 'Nwan niwa nang abang? Asi shim nyiā, ashasha alkama nchikwop wa. Gu nyiā ming angu, nge kwe-akusambwat atite hu a lyang a nduru ashasha nswak arinai.' ⁸ Atinzwe wu si ghai ming byiak ntam gu zi da nyan ke nang gu ndi sang mumwang guhu da bwang wu ani, sisak zi nang nman swat-nte ne nsang achuchuk ming anyet bebe alan nman shiā mi sai ani. ⁹ Ntak ming anyin akpandang ning, yi bwoi kpandang ming anyet nzwe swat-nte, kī nang zwe zimi tyak, bana yai nyin yi swan ndung ta nat sangbap. ¹⁰ Kī yi byiā tsotswat di nyiā a chuchuk ntam, anyawa nang yi nan nyiā tsotswat di achachest ntam be. ¹¹ Kīnang yi nyiā tsotswat ming zwe nswat-nte zi ba, anyana na jong nyin atstsak nzwe wu? ¹² Amgbam ming anya, kīnang yi nyiā tsotswat ming kyang ayin ba anyana na jong nyin si nyin hu? ¹³ A nbyiā akhwo ana bang tam ayaa Aiali afiyang ani ba, kīnang gu mak, ana lak atianyiung a chat atianyiung, kīda anya ba ana chiā fwo da vwuo anyiung a ghwon anyiung ke. A sin hwui Agwaze ming zwe swat-nte zi di njan jhyung ba." ¹⁴ Nang Afarisawa be nfak tyet hwui ani, nang ba ngyet anyet chat kurim ani, basi tabat mai a mang gu alyem. ¹⁵ Gu nyiā ming ambe, "Yi chat tak anyet be nyiā yi yet anyet nyiā atsatsak nang Agwaze lyen nfwo nyin ne? Kyang nang atibishii dyep ani yet a shishik wa azaghii Agwaze." ¹⁶ Yesu si bo nyiā, Kwe-akusambwat Musa hu ming atam akwonu Agwaze be kumin shiā ata ntat jan zi nang Yoona nbai ani. Kyak di njan azai, asi ntabat shai alyat avwuo nswat Agwaze ke, kudang ayin si tabat kwan gu ashiā nwo. ¹⁷ Angbam ming anya, ahyohuro kyang wa tanzwe ming abin ba swak aba chinchuit zunzwo amami alyat Agwaze ne ka shyak. ¹⁹ Aku byiā atinzwe agyang asi hwui ayaa turo ashong ming abobwat nang ba byiā kwe amami ani, gye aswon di fwong nyinyang gu kudang mam. ²⁰ Agyang anyet angai Lazarus ani yet akunak kya asi byiā achachet ayaa gap si chong ata swat azakanyio atinzwe ke anaai. Da nyan ke nang gu nfwong zong ani, ²¹ asi chat gu a kwok chinchong nkyang-yak zi kwoi abin niyet atanzwe atia gye yak atinzwe wu ani, ban ming anya, nang akabu chong ata nyai ayaa gap atitak gube. ²² Atuk ke nang Lazarus nkhwu ani, ayaa zazirak ntswe Agwaze be si bai ba simi kyak gu anat dio nkyung Ibrahim. Atinzwe wu si ma khwu asi nyat gu. ²³ Swan gu zi si nat a mali aghaghai ndong, azawa gu sin tabat swo zot atse a nwan tanzwe ata ndi Lazarus nang gu myan din firing Ibrahim afwon nyinyang. ²⁴ Atinzwe wu si hyat kun, gu nyiā, 'Achiā ning Ibrahim, fak kunak ning a tam Lazarus ata le asakwot din gaswong a nshyim ning alyem ning ke da nyan ke nang nshiā di swo zot amami ndong ani.' ²⁵ Ibrahim si tak gu nyiā, 'Ngwon ning, nyiā adidam jan zi nang a nshiā mi swat-nte hu ani, asi byiā kudang kyang, asi swo tse gye nyinyang, nang Lazarus swo zot. ²⁶ Da li manini a shiā a mami nyinyang nang nwan a shiā di swo zot. Kang ming anya, makawochiā zit ming anyin, aghandang, atsung agham khap zit, anyet ba shiā da manyi zit ke ani simin byiak anat ming anyin ba, anyawa asi ba shiā da manyi nyin ke ani si min byiak abai ming anzit ba. ²⁷ Huwha atinzwe wu nnyiā, 'Nnaai'a Achiā ning Ibrahim, tam Lazarus a mali Achiā ning ke mi swat-nte, ²⁸ nbyiā ananyiuk a fwon, gu a nat ata hwat be afufwo ba yok katuk kī da nbe ma bado bai ami shiā ning amali ndong kai.' ²⁹ Awot Ibrahim si tak gu nyiā, 'Ananyiuk abe byiā Musa ming atam akonu Agwaze be, ba fwong kyang ba miyam ani! ³⁰ Atinzwe wu nyiā kaai, Ibrahi Achiā ning, kīnang ayin na nat da vwuobe tin amami anyet ba kwui ani, bana yok katuk be hu. ³¹ Ibrahi si bo tak ming angu nyiā, 'Kīda ba fak Musa ming atam akonu Agwaze be ba, ma anyawa nang ayin si mi ndaai be ba shim ba ma nyet ba shyip basi tagham di nkom ani ba.