¹ Ānyet saai gandu ming ānyet katuk-nyiā si bai āmi swan a fwong Yesu. ² Ānyet bwoi akalah mbiyang ānyet luru si tabat fwang ming āgyang be, a lyat nyiā, "Ātyok wui san ānyet ākatuk-nyiā a gye yak ming āmbe." ³ Yesu si lyat ming āmbe da me-nkhang nyiā, ⁴ "Anyana ma nyin a byiā zon-siyep nchikwop, jyung zi bwuk, alak ghwon akum nswak akubunyiun ming jyiug ke ānat chat jyung zi āshiā hu? ⁵ Kīnang gu shiā zi a kyak afirak azangwan ātse atáng adidyep. ⁶ Ka ābwok ābai āmali āmi yai akpandang gu ming ānyet nswat ndung atak ming āmbe, 'Yi bai yi biyang ning āgwai da nyan ke nang nshiā zon-siyap ning jzi zi bwuk āni.' ⁷ Ntak nyin anyawa hu na ndi ātanzwe kīnang ati-katuk-nyiā anyiung shot akwe āsi naai, hu lan gag hu na ndi ming ānyet ātsatsat nyiā nswak akubunyiug ming anyiung ani. ⁸ Kīda anya ba, dang abyiuk wa a biā tswe kurum swak, kīnang tswe jyiung bwuk, a nwai chi long mi fitila, a lyang ali ke a chat zozwop se nang gu shiāzi? ⁹ Kīnang gu shiā zi gu ayai akpandang gu ming anyet nswat ndung, a tak ming ambe nyiā, 'Yigwai ming aning da nyan ke nang nnshiā tswe kurum ning jzi zi bwuk ani. ¹⁰ Anyawa da vwuonman ntam Agwaze ne ana song da tianyiung ayet ati katuk ani kīnang gu naai." ¹¹ Yesu bo nyiā, 'Atyok agyang biā zam suyang, ¹² adadai wu nyiā ming Achiā wu, 'Achiā, jong ning ma nini nkyang na yet chit ning zi ani.! Achiā wu su kau be nkyang zwe gune mbe afiyang. ¹³ Asi kyak nmam ba, ba dadai afaike si durok anat chiyet swat-nte, azawa gu si ta nbuk kudang kyang di gwun. ¹⁴ Gu ntwot wun gu kudang kyang si tyak ani, aworamade si kwe ma kīrang ke, asi tabat chat kyang gu na gye ani. ¹⁵ Asi nat ata chat tam ming ati akīrang, asi jong gu tam chok ayaa alede. ¹⁶ Azawa gu sin shiā gye akukum nkyang yak ayaa alede be da nyan ke nang gu nshyat kyang-yak ani ba. ¹⁷ Aba dadai afai ke mbwok a nwo mi didau ke ani, ka nyiā mi g apsiā ke, "Anyet amang byia amami nman ntam Achiā ning ke ba gye yak a wuyem ani, nang ning azi kwui ming zong! ¹⁸ Nna durok nnat ming Achiā ning wu nta hye ming angu, " Achiā nshot da nyan katuk nnyiā adio ani mbiyang agwam atanzwe. ¹⁹ Nget abo yai ning ngwona ba, yok ning ndinang akhwo a ani." ²⁰ Aba dadai afai ke sibai ming Achiā wu. Nang kani shiā ma zan, achiā wu si si li ke asifak kunak ke, asi tyong chung ata mup, asi chot gu anu. ²¹ Afai wun yiā ming angu, "Achiā, nshot nkwe zaghi'a ming tanzwe.Nmaai angyai ning afai a ba.' ²² Achiā wu nyiā ming akhwo wu, 'Bai ming achuchuk aturo angang a kup gu, a chiā gu a tan nwak mbwak mbiyang akwetak. ²³ A nat at bai ming aga-gbandang ade nyak a fiyet gu dio. Zi gye nswong. ²⁴ Da nyan ke nang afai ning nkhu asi durok ani. Aku bwuk, asi shiā gu! Basi tabat song agye an-swo. ²⁵ Jan nyiā nang anekhwop afai wu nbwok chok. Gu ntat kpankpiyen ming ali ke ani, asi fak nang a tswot nkyang a song. ²⁶ Asi yirong atianyiung amami akhwo be asi lyip gu kyang hu bai ani. ²⁷ Akhwo wu si tak gu nyiā, "Ananyiuk awu wa bwok abai hu wha nang Achiā awu nhyat aga-gbandang abe nnyak, da nyan ke gu nbwok shansham ani. ²⁸ Anekhwop afai wu si moi lyen, asi lak nwo amali ke, Achiā wu si ghut amali ke asimi tabat naai gu. ²⁹ Anekhwop afai wu si shim Achiā wu nyiā, 'Achiā, li, ze ma didit nang nnyiā'a ntam, nsi nyiā lak fwong ba, da ning nbwo a abun ba, akan jong ning aba ngwon nzon nsi fiyet, ngye, nsong ming akpandang ning be, ³⁰ nang afai awu nbai ani, gu ata hyat zwe azi ming kham ani, guwa nang a fiyet gu aga-gbandang abe nyak. ³¹ Achiā wu nyiā ming angu, afai ning, ashiā ndung ming aning kudang jan, nkyang nang nbyiā ani yet asinwan nya. ³² Hu yet asham kya zi nyiā agwai da nyan ke nang ananyiuk a nkhu, abo bwok achet, asi bwuk asi shiā gu manini."