¹ Atuk Asabat āgyang Yesu si nat āmali ākwoi aswon ānyet Bwok akalah a gye yak, nang ba nwan gu zozwop. ² Nang ati nzwan āgyang swan āzaswon gu. ³ Yesu si lyip āyaa bwak Yahudawa be ming ānyet bwok akalah be nyiā, "Hu shiā din vak a shyim ati nzwan atuk Asabat kī da hu yet ba?" ⁴ Basi swan nyonyáng. Yesu si tabat at nzwan wu āsi shyim gu, āsi chiā gu si nkat. ⁵ Gu nyiā ming āmbe, "Anyanana ma nyin nang āfai gu ming zon gu na kwe mi tadyong asakwot atuk Asabat a nwai tin gu?" ⁶ Basi lak shim ālyat nang āsi nyiā āni. ⁷ Yesu ndi ānyet be nang a yai āni nkhaai psipsiā be ātan nkyang swat āni, āsi kīrak ming āmbe da me-ntyap, gu nyiā ming āmbe, ⁸ "Kīnang āyin yai nyin song nyirang, yi yok khaai psipsiā nyin atan akavwuo nswat ba da nyan ke nang āsi mi ntin nyin da vwuo nswat ke a nwak achachet āgyang anyet āni ba. ⁹ Kīnang hu li anya, huna yet kyang nsum da vwuo nyin. ¹⁰ Kī nang āyai a, nat āta swan da ba dadai kyang swat, ka ati a yai a āni bai, āna nyiā ming anwan, 'Akpandang, durok nat ātanzwe āzau!' Azawa nang anan jong a shii āzaghi ānyet ba bai nyirang hu ani. ¹¹ Ma ātuu a jong apsiā gu shii ani āna chyok ming angu, ātuu ama chyok ming apsiā gu ani ana jong gu shii." ¹² Yesu si bo tak ati yai nyirang wu nyiā, "Kī nang a yai ānyet nyirang, yok yai akpandang bya ming Ānanyiuk mbiyang ānyet nzwe ba, da nyan ke nang mbe ma na ngyai ba tan nyin āni. ¹³ Kī nang a yai ānyet gye yak, yai ānyet sang kyang bya, ming ānyet chong akyaat, ayaa mamam, ming ānyet āfifan, ¹⁴ āna shiā dyep da nyan ke nang ba na ntana āni ba. Āna tana atuk durok ātsatsat ānyet. ¹⁵ Nang ātanghīrang kaku swan dindùng da vwuo gye yak ke ming Yesu nfāk nkyang nai ani kqa nyiā ming Yesu, Ātsatsat āyin wa dimi ta swan a gye ākwonkwong di nchuk Āgwaze zi. ¹⁶ Yesu nyiā ming angu, "Āgyang aniyet yai ānyet ma didit ba bai gye yak. Â ntyak jzii yak hu āni, āsi tam akhwo gu, nyiā gu nat ata yai aniyet be nang a chat ba bai āni, ¹⁷ a gye ming āmbe nyiā 'Yi bai da nyan ke nang antyak wan kudang kyang āni. ¹⁸ Basi tabat shai ālyat. Atiānyiung nyiā ming angu, 'Nsan abin, kikya nang nnat li hu. Sakut yi yok ning.' ¹⁹ Āgyang ānyet nyiā, 'Nkwai che ntsaai khap tswon, yi yok nnat mak be. ²⁰ Āgyang mabe ma nyiā, ning nsi nbwo abyiuk āfai wa, da nyan ākyai nna bai ba.' ²¹ Akhwo guwu si bai āsi mi tak ming ati'ali wu nkyang nai. Ati'ali wu si moi lyen gu nyiā ming akhwo guwu, 'Nkat āngang din vak a yai ning ānyet sang zwe ming ānyet kiyat, ming ānyet āfifan ming amamam.' ²² Akhwo wu nyiā ming angu, Ati'ali aka nyiā kyang a liyat āni, akavwuo si nbwat ma didit mi tutu hu.' ²³ Atia'ali wu nyiā ming akhwo wu, 'Nat din kyai nvak mbiyang agugwop a yai kudang ayin ali ani ba ābai ami hyat ali ke. ²⁴ Ntak nyin ānyet be nang a tsan yai hu āni na nirak nkyangyak ne ba." ²⁵ Jan si bai nang asurong ānyet hwui gu, āsi bwak ālyat ming āmbe nyiā, ²⁶ Ati'u āna bai da vwuo ning nang gu lak Āchiā gu, Ayang gu, Ānanyiuk gu Asam ming Anap āni ba, i'i, ming swan guzi ma na yet ngwon ntam ning ba. ²⁷ Āti'u ākyak kon āna npkang gu āni asi hwui ning ba ma na yet ngwon ntam ning ba. ²⁸ Anyawa ma nyin na chat nokagangang nok da āna swan Adam kyang gu na hyat a ntyaknok hu āni ba? ²⁹ Kīda anya ba ko āwak tse nok zi di nang gu tyak nok hu ba, kakap ānyet ba li tse nok zi āni na tabat mai ātse ālyat nyiā, ³⁰ 'Atiwui kyak nok nang gu tyak āni ba. ³¹ Kīnang agwam wa na durok ānat swáng mi g nman lap-atang nchkwop āwak di nang gu dam ba, ant mean swáng ming agwam āshiā ming alap-afang nswak nfiyang ani? ³² Kī da anya ba hu yet gu'a tam mi g ākwoi aswon wu a naai nang ba ni shiā gbang. ³³ Anyawa kudang āyin alak kau nkyang nang gu nyiā āni kakap gu a hwui ning āni āna yet ngwon ntam ning ba. ³⁴ Nfāk yet, kīnang nyinyang ne hu tyak, na bona yet nfāk nya? ³⁵ Huna yet asham ming abin ke ming taki hu ba ma. Āna wuyem. Āti'u ānyiā afufwo fwong āni a fak."