¹ Di Jan āzai āgyang ānyet si bwok gu nkyang Galiliawa nang Bilatus ku kyak aswok be ne ming bok ani. ² Yesu si shim be nyiā, "Yi dam nyiā Galiliawa bai ku āwak ming nyiā katuk hu wha ba si nswo zot hu'a? ³ Kaai, ntak nyin. Nyin ma kī da yi shot-kwe yisi naai ba, ámgbam nyin na kwui din vak nyiung. ⁴ Kīda anya ba ānyet swak ming arinai mi Sioam nang agangang avwuo wu ku kwe da be āsi hyaai be ani, yi ngyai ba swak ming katuk nang anyet Urushelimma be nyiā áni wa? ⁵ Kaai, ntak nyin. Kī yi lak shot kwe yi si naai, nyin ma yi na kwui." ⁶ Yesu si bwoi be tashikum, "Āyin biā akon abwabwap nang gu tip ma bin gu āni, asi bai chat sum da ke ami shiā ba. ⁷ Ati abin wu si tak ming ati nwan abin wu nyiā, 'Li, ndye ntat nya nai nchong nchat sum da kon abwabwap kai nshiyat kyang ba. Tyap ke mat abin. Ana nyini wa a nghwon ke nang ka byan āvwuo?" ⁸ Ati chok avwuo wu si shim nyiā, 'Yok ke alirang, nna kap ke nkirak nchiā ke afát. ⁹ Kī ka sum di nze chabai zi, hu na yet asham; kī anya wa ba, ntyap ke nmat abin!" ¹⁰ Yesu si tabat miyam ma vwuo naai atuk Asabat. ¹¹ Nang abyiuk agyang shiā āza, ndiā āwak ming arinai nang gu chong ming akatuk ntswe kwui vam, āsi gwap, chong ákátsak si khyat guu. ¹² Yesu ndi abyiuk wu ani, āsi tak gu nyiā, "Shot mi zwan kwu vam zi." ¹³ Āsi sak gu bwak āsi tagham ayong tsatsirak asi tabat dyep Agwaze. ¹⁴ Ati bang avwuo naai wu si mwai lyen da nyan ke nang Yesu nshyim gu atuk Asabat āni. Ati tyok wu si kīrak ming ākpe ke nyiā, "Nmam ātee nya nang hu tai a nnyiā tam. Yi bai a shyim nyin, ba atuk Asabat ba." ¹⁵ Yesu si tak gu nyiā, 'Ati bwok akalah! Yini bi Akazanki ming nyam nyin zi di lap yi chiyin zi nzt dio di swo asakwot atuk Asabat daa? ¹⁶ Da nyan ākyai, Ngonyem Ibrahim kai nang ātanghīrang lap ndye swak ming arinai ne ani, hu yet asham a byiuk ke atuk Asabat daa? ¹⁷ Gu ntyak lyat āni, ānyet ba lak li gu hu āni si fak nsum, nang akum asurong ānyet ke shiā di gyirap ātanzwe ātsak nkyang nang gu nyiā āni. ¹⁸ Yesu sibo lyip be nyiā, "Āvwuo best Āgwaze ke li ni wa, Iwhaha nang ana ntyan ming angu? ¹⁹ Kali. nang aba dadai ntswe yak kya nang ayin kyak ate ma bin gu kasi te alaai āchiā agbandang akon nang akaman āyit ntat lile be di sinsat zi ani. ²⁰ Gubo nyiā, "Ming Iwhaha nman tyan āvwuo nswat Āgwaze ke? ²¹ Ka li nang áchafak nang abyiuk kiyaiming akashii yak atát āsi mwai atīram āni. ²² Yesu si khyat achuyang akakīrang di vak niyet Urushelimma a miyam be. ²³ Āgyang ānyet si kïrak ming angu nyiā,"Achiā, ānyet ma dadai bya na shiā san hu'a?". Gu nyiā ming āmbe ²⁴ "Yi kwan yi nwo ma ba fafiyep nyinyit wu, da nyan ke nang ānyet ma didit na nkwan di nwo āza ba shiā āni ba. ²⁵ Kīnang ati'ali ka nwo āsi fiyep nyinyit hu, ána yong atause twot lyat nyiā, 'āchiā, āchiā, khwuk zit dio zi nwo.' Gu ashim nyin dio nyiā, 'Ndyen nyin ming āvwuo yi nghuut ani ba.' ²⁶ Nyin ma nyiā, 'Zi gye, zisi swo dindùng ming anwan, āsi miyam zit di nvak. ²⁷ Ming anya āna tak be nyiā, 'Ndyen āvwuo ke nang yi nghuut āni ba.' Yi durok āsi nyin ānyet katuk nyiā! ²⁸ Âna twoi ânyai â nyunyung atuk akyai nang yi na ndi Ibrahim, Ishaku mbiyang ānyet shai ālyat Āgwaze ne ma vwuo nswat Āgwaze ke ani, nang yi yong atause. ²⁹ Bana bai aghuut atin, atak ming nkyung bami swan agye yak dindùng ming Āgwaze. ³⁰ Yi lyen sihwui, ānyet amalyimbe na yet āzaswon, anyet āzaswon be, ba nat lilyim." ³¹ Āba njan ma dadai swak, ānyet shai lyen ālyat Āgwaze si bai a shai guu nyiā, "Durok ghwon āzi da nyan ke nang Harodus nchat a hyat á āni." ³² Yesu si tak ming āmbe nyiā, Yi nat yita tak ming āyaa gwot, 'Yi li, nvwong ākatuk ntswe, nsi shyim ānyet afwun ming atswon, atuk mam tat ke nna tat sangbap.' ³³ Kuda iwhaha ma, hu yet ngye aswon afwun ming atswon ta nat mam hu nhwui āni, da nyan hu ngyet asham a hyat ati shai alyat Āgwaze gbang ming Urushelimma āni ba. ³⁴ Urushelimma Urushelimma, Anyanyan bya hyaai ānyet shai alyat Āgwaze be basi mang ānyet átam ming anyin dio āni ming nfang. Nchat dang ntung nman nyin ne nang shap-nwan ntung nman zi mi fiyep ani, nyin dai āna nyiā nyin dio anya ba. ³⁵ Yili, akai Ali nyin ke aghwon. Ntak nyin, yina li ning ba, kīda yi lyat nyiā, 'Atsatsak āyin wa bai da yurok āchiā ke."