¹ Yesu nyiā ming nman ntam gune, "Atsak alyat wa, nkyang nshiā na na chiā ayin a nyiā katuk ani, hu swan ati'u ana chiā nkyang anyai na nbai ani! ² Huna swak ming yet asham a lap gu nfang chikwop swak amenfwo ate gu ming kyai asakwot nang gu na nchiā aba dadai ngwon ka nyiā katuk ani. ³ Yi nwan ming apsiā nyin. Kīnang ananyiuk nyin nyiā katuk, yi ghai ming ambe. ⁴ kīnang ba naai yi sak mi fwo. ⁵ Nman ntam ne nyia ming Achiā be wu, "Nbiyang zit awun mi fwo, ⁶ Yesu nyiā ming ambe " Kī yi byiā sak ming awun mi nfwo nang aba dadai ntswe yak ani, yi na tak ming ankon ako nyiā, kai, "Nghat aninan abe anat ta tip apsiā'a mi kyai asakwot, ka fak, ka nyiā anya.' ⁷ Anyana ma nyin ana byiā akhwo a kap gu ming chok gu zon ani, atak ming angu chachirk di bwok ayit nyiā, 'Bai angang a swan zi gye kyayak? ⁸ Á wana tak ming angu nyiā gu, 'Chat á kyang ána gye áni, ā lap āfang ā tabat nyiā'á ntam ndo tyak gye ming swo asakwot. Ba dadai njan nwan asi ma gye a swo daa? ⁹ Ana fak shok akhwo zi ba da nyan ke nang gu nchiā guwa ani, anya wa? ¹⁰ Anyawa nyin miyang, kīnang yi nyiā tam nang achiā nyin wa ani, yi hye nyiā, 'Nzit ma zi tai akhwo ba. Zi nyiā kyang hu tai zi nyiā wa ani." ¹¹ Husi bai da chak agyang nang ba shiā din vak a niyet Urushelimma nang gu ma chong da gigak Samariya ming Galilee. ¹² Nang Yesu ntiyep anwo ma kīrang agyang ani anyet gbap swak si myim ming angu. Basi yong gbang ming angu ¹³ basi tabat lyat ming chek nyiā, 'Yesu Atiali fak kunak zit." ¹⁴ Yesu ndi be ani, asi tak be nyiā, "Yi nat ming apsiā nyin da vwuo Fada". Bama nnat ani ba si ta shiā shyim. ¹⁵ Atianyiung mami be ndi nang gu shyim ani asi bwok lilyim a lyat ming a gbandang anwat a dyep Agwaze. ¹⁶ Asi ta biyak abin kpenkpiyen ming atitak Yesu be agwai ming angu. A yet ati Samariya wa. ¹⁷ Yesu si lyip gu nyiā, "Ngyai yi shiā anyet swak bya yi shi shyim hu ani'ā? ¹⁸ Akum anyet akubunyiung ke bai ba se nwan ayet anyet akak wu ani nwana bai'a? ¹⁹ Gu nyiā ming angu, " Tagham a nkat. Nwak achuchuk ahu wha jong a san." ²⁰ Afarisawa be ndyip gu jan zi nang avwuo nswat tyok Agwaze ke na nbai ani, Yesu si shim be dio nyiā, "Swat ntyok Agwaze hu yet kyang nang ana li wa ani ba. ²¹ Nang anan nyiā, 'nwan azi' kalak anyiā, 'nwan azau' hu wa shiā dindung ming anyin wa." ²² Yesu bo nyiā ming nman ntam gune, Atuk agyang na bai nang yi na nchat yi li mam nyiung si ngwon atibishii ani, da nyin yina li ba. ²³ Bana tak ming anyin, 'nwan azau', 'nwan azi'! Yi yok nat nwan ba, yi yok hwui be ba, ²⁴ hu na li nang amiram nze nan nchiā miram di nkyung aninyan atanzwe ma angang ani, anyawa nang ngwon atibishi si mi nchiā miram atuk mam kekē. ²⁵ Ada tse ka dai huna yet kpat wha Ngwon atibishii ke ka swo zot di nkyang ma didit anyet njan be ba lak gu. ²⁶ Nang hu ndi din jan Nuhu zi ani, anyawa hu nan di mi mam Ngwon atibishii ke ²⁷ . Jan Nuhu zi, baku gye, basi swo, basi bwoi anyiuk mbe ma basi nwat nnyirang ta nat atuk ke nang Nuhu nnwo kukwon asakwot hu, arigiwa asakwot si bai ami nyip be kakap ani. ²⁸ Anyawa hu ku ndi mi mam Lot ne nang ba shi di gye aswo, basi kwai atse a lyai, basi chwui a nok. ²⁹ Atuk ke nangLot nghwut ma kīrang Sadom ani, asi vah ze agbabgai ndong niyet atanzwe zisi nyip be kakap. ³⁰ Ma anyawa hu na ndi atuk ke nang Ngwon atibishii na ghwut kpai ani. ³¹ Atuk akyai, yi yok ghwon. ati'u a shiā atanzwe tutu gu a chyok anat kwok nkyang gu ba. Ati'u ama nat ayit ani gu yok bwok abai amali ba. ³² Yi dan jan abyiuk Lot zi. ³³ Ati'u a chat swan gu ani, na nwai zi, ati'u ama ndak swan guzi ani na san zi. ³⁴ Ntak nyin, akyetuk akyai, anyet afiyang na miyan da gbirak anyiung. Ana kyak atianyiung a ghwon atianyiung wu. ³⁵ Anyiuk a fiyang na shiā di kwang. Ana kyak atianyiung a ghwon atianying. ^{36 37} Basi lyib gu, "Ā ji ā Atiali?" Awat gu nyio mang be," Ma avwu nang nvam nshio ani, ajawa angulu be ntung.