¹ Di gag hu, āniet khwi Yesu be nang nchad ani, zi naai nyin mami ayirog Atyi-li nzit Yesu, nyi swan swat ku myim Āgwaze ani, má nang zit kan tyiet nyin ani ma anyi wa nyi nswan manini awot zit tyi nyin gbagbak nyi gye ason nyi mbiyang di nyi ania hu bad. ² Mat nyi lyen tyiet hu zi ku tyiet nyin ma tyok Atyi-li Yesu hu ani. ³ Tyiet hi hwa yet, Āgwaze chad nyi jirak āpyia nyin swuan āzazarak nswat, āwot nyi ghwon kuzang tangkai āshishik nyie. ⁴ Ku yet te hwa kuzang ayin alyen si-sag zi gu na mbang vam ngu hu ma āzazarak din vak nang a na nchyin ani. ⁵ Nyi yok nyie ākatuk nshyie vam nang nnwap na chyi Āgwaze ni nnyi ani bah. ⁶ Awot ma aliyad katneen, ayin gu yok bwuo atyi abun ku a shyok gu din vak kwai mang abyíík ngu wu bah mah mat Āgwaze na tan ákatuk nyie koyan anyie tangkai katneen hwi ani, ma nang zit kan tak mā anyin, zi si gba nyin ani. ⁷ Āgwaze ku yei nzit, zi swan ashishik nswat bah. Āwot a yei nzit, zi jirak ápyie nzit zi swan āzazarak nswat wa. ⁸ Mat angyi, atyi a lak tyiet hi ani, a lak khwi tyiet atibishi hwa bah. Agwaze a nang nyin āzazarak ntswe wu ani, ngu wa nang gu lak. ⁹ Da aliyat chad ághyang ne, zi na chat zi liru nyin ndo bah. Mat Nyi ma ápyie nyin, Āgwaze wa kan tyietn nyin, nyi ka chad aghyang. ¹⁰ Atsak aliyad, nyi wa kan tak nang nyi nchad angbam aniet khwi be shye mi fam Abin makidoniya ani. Angbam mang anya, aniet khwi Yesu nang nchad ani, zit tyei nyin gbagbak, nyi gye ason nyi bo nbiyang chad aghyang hu. ¹¹ Nyi kwan nyi swan shonshyon. Nyi tyi alyie di nkyang nang nyi nyie ani. Awot nyi yok tyei aghyi di si aghyang aniet bah. Nyi bo nyie ntam mang nbwak nyin. Nyi biyang āpyia nyin, mang an zi ku ntak mang anyin angyi. ¹² Nyi nyia angyi da niyan nyi ka swan swat shansham da avwuo aniet ba nwai khwi Yesu ani, ba bo chyin nyin, awot nyi ka yok tayak da aghyang aniet bah. ¹³ Manini ke aniet khwi Yesu be nang achad ani, da aliyad tanzwe aniet khwi be ba kan kwi ani, zit chad nyi shye min lyin bah, ka nfwuo nyin ne, na do byian nang akum aniet ba sang tyie fwuo di swuan sang sangbap ani. ¹⁴ Mat ki zi nwuak achuchuk nang swuan ma aniet ba kan kwi ani, ma anya wa zi nwuak achuchuk nang Āgwaze na ntangham aniet kwi ba kan kwi ani mang swuan. Awot Āgwaze na bwuok mang ambe dundung mang Yesu a bai dyo. ¹⁵ Mā nang atyi-li Yesu mā ápyie gu Nhyie ani, zi tak mang anyin, nzit aniet khwi zi ni swuan ani, atuk nang Atyi-li Yesu nā nbwuok a bai ani, zi na khwat ason zi miyin mā Yesua ghwon aniet khwi ba kkan kwi ani bah, ko ma chunchwit. ¹⁶ Mat Ātyi li Yesu mā āpyia ngu si ba bwuok a niyet me Āgwaze tanzwe, a kan mi chad. Āgbandang a tam tswe Āgwaze na yirong mang āgbandang ahnwuat, a bo na tyiap agwe Āgwaze. Awot aniet khwi Yesu bā kan kwi ani, bi-bya na yet ason durong mang swuan ma aniet ba kan kwi ani. ¹⁷ Azawa nzit aniet khwi Yesu be ba ni swuan ani, angbam zit mang anbe á na kyiak zit a na dyo mi kyai tanzwe, zi si miyim ndung mā aniniam mang Ātyi li Yesu. Awot zit na swan ndung mang an-gu ta nat sangbap. ¹⁸ Mat anya, nyi tyie aghyang nyin gbagbak mang aliyad nai.