¹ Aniet khwi Yesu be nang nchad ani, tanzwe njen mang achak akya, ku yet ta hwa zi bo liru nyin dyo bah. ² Mat nyin ma ápyie nyin lyen chiknang mam Atyi-li Yesu nam bai gbangbang, nang átang ning mbai atyetuk ani. ³ Jen nang aniet-bishi nshei mang a ghyang nyia, kuzang kyang kwai shansham mang swat nyinyang ani jen aja za akhwu ke na nkwa da mbe ma gbirip da aka-nyung, ma nang áfe mbyin nin durok abyiik ma gbirip ani! Awot ba na shod bah . ⁴ Aniet khwi Yesu be nang nchat ani, nyi shye mi nlyin bah, nang mam a hwa na nbwuo nyi bwung nan átang ani. ⁵ Angbam nyin, nyi yet mman avwuo sai nia, mang mman atamam. zi yet asi atyetuk ku asi mi ndyin bah. ⁶ Ihwa nbyia, nyi yok kai nde nang akum ániet ke ani bah. Dā akwonu akya, zi swan fwuog cham mang lap vam hu. ⁷ Aniet ba khat nde ani, atyetuk kya ba ni nkhat nde ne. Awot aniet ba hyeng àkan ani, atyetuk kya ba ni nhyeng ne. ⁸ Awot nang zi ngyet aniet atamam bya ani yok zi cham ápyie nzit, zi nin nwuak fwuo din Yesu zi bo chad aghyang. ku na chok zit ma nang nkkubi ntswan nin nkup vam ani. Awot yok zi tyie fwuo di shyei san sang sangbap, ku na chok zit, mā nang bung ntswam nin nkup apyie ani. ⁹ Mat Āgwaze khai nzit da niyan a ka nyiak zit di nwai liyen gu hwa bah; da ākwonu ākyai, da niyan zi ka shye san hwa mami Atyili zit wu Yesu kristi. ¹⁰ Ngu wa khwu da niyan nzit, da niyan ku zi shye mang swuan ku zi khwu, zi ku swan dundung mang gu ta nat sang sangbap. ¹¹ Mat angye, nyi tyia aghyang nyin gbagbak. N nyi bo gbiring ághyang nyin gbagbak. N nyi bo gbiring ághyang di khwi Yesu, ma nang nyi nnyi manini ke ani. ¹² Aniet khwi Yesu be g nchad ani,zi chad nyi nwiak aniet be ba nyia tam mami nyin ani shi. Bi-bya bo kwak nyin ason mami atam Āgwaze ne,awot ba bo gbye nyin. ¹³ Nyi nwuak be atsatsak shi, nyi bo chad ba, mat tam hu nang ba nyia da niyan nyin ani Awot nyi swan swat nyin yang mang ághyang nyina. ¹⁴ Aniet khwi Yesu be nang nchad ani,zi naai nyin, nyi gye aniet akalid. Nyi tyie aniet fwuong nsum gbagbak. Nyi biyang aniet sang chad. Nyi ni nyep nfwuo mang koyan. ¹⁵ Nyi kwan nyi li nang ayin ma nyin tan ákatuk mang ākatuk bah. Da akwonu ákya, nyi kwan nyi nyie ághyang nyi mang kuzang ayin ātam ntam. ¹⁶ Nyi ni nnshye mang alyia sai kuzang jen. ¹⁷ Nyi ni naai Āgwaze nchiring. ¹⁸ Nyi ni ntak āgwai di kuzang kyang ku bai ani. Mat si hwai yet kyang nang agwaze chad da āvwuo nyi aniet khwi ba min āpyia mang Yesu kristi. ¹⁹ Nyi yok nvwuong āzazarak Ntswe wu nyie ntam ma nyin bah. ²⁰ Nyi yok thyuai āliyat ne nang aya atam akwonu Āgwaze mami nyin ba tak ba si tyai nyin dyo ani bah. ²¹ Nyi ni mmak kuzang kyang ātak nyin ani. Nyi bang si hu ku yet atam ani. ²² Nyi ni ntyong kuzang tangkai akatuk aliyat. ²³ Manini ke, yok Āgwaze ma ápyie gu a nwuak swan nyinyang ani, gu jirak angbam nyun nyi yet āzazarak ahyem.Yok a bo tyie angbam tswe nyin zi,nfwuo nyin ne, mang nvam nyin ne, na sang abun, ta nat zi nang Atyi li Nzit wu, Yesu kristi, na nbwuok ā bai ani. ²⁴ Āgwaze ā yei nyin ani, ā yet atsotswad wa a na nyia ani zam. ²⁵ Āniet khwi Yesu be nang nchad ani,nyi ni naai Āgwaze da niyan nzit. ²⁶ Nyi byia angbam aniet khwi be mang vwuk chad ághyang. ²⁷ N kam nyin mami Atyi li Yesu, Nyi jem wusika zi azaghyi anbgam aniet khwi be. ²⁸ Yok Atyi li nzit wu, Yesu kristi, a fak shok nyin angbam.