1
Mat nang zi si min gbang alyia di ni li nyin ani bah, zi si li ku yet asham zi swan ma nyin zit ma akarang Atina.
2
Zit si tam mang anyin Timoti, ananyuik nzit wu mi khwi Yesu . A bo yet ákpandang tam nzit mi ntam Āgwaze de shyei Asham nkhang Yesu kristi , gu bai da niyan gu da akwonu nzit, da niyan gu kka kprag nyin, gu bo tyi nyin gbagbak di nwuak fwuo nyin hu di Yesu.
3
Timoti nyia angyi da niyan ki oli ayin gu do fak áwun di si-sag, a nyashuk nyin ani. Mat nyin ma apyie nyin lyen nang yashik hwa á nkhai zit
4
Mat, niyet din jen nang zit kun shyei ndung ma anyin ani, zit ku mi ntak nyin nang á nan yashuk nzit. Awot ma nang nyi nlyen ani, swuo ábung hui si shye nzit.
5
Mat nang gbang alyi hu ku nkhat nung ani n si tan Timoti da avwuao nyin nka nlyen nwuak fwuo nyin hu di Yesu. Nku nfak áwun kei Atanyirang ke, ka yet atyi mai aniet ani, ka mak nyin, nyi ta kwe, awot angbam tam zit kam nyi da nyin ani, ku tyi abuk kyang.
6
Awot amanini ke, Timoti bwuok aniyet da avwuo nyin. A si bai mang anzit Nkhyang na bzyie nyinyang di nwuak achuchuk mang chad ághyang nyin hu ani. A si bo hyi si-sag zi nyi ni njhyung nzit mang shok kuzan njen. A si tak zit nang nyi mbyi didang li nzit, ma nang nzit ma-mayang nfwuong didang li nyin ani.
7
Ananyiuk nzit be mi khwi Yesu , mat anya wa nang zit chad nyin, nyi tyi nzit gbagbak, angbam mang swuo ábung nzit hu mang si-sag zi a kunyashuk zit mat nyi yong mang ched din nwuak fwuo nyin hu di Yesu.
8
Di yong hi, zit shyei mang swuan swai,mat zi lyen nyi yong mi ched mi khwi Atyi-li Yesu.
9
Manini ke, zang tangkai agwai zi na tak Āgwaze ku mai da niyan nyin? mat zi shye mang fwuo sai gbangbang azaghyi Āgwaze da niyan nyin.
10
Zit na nai Āgwaze zam atamam mang atyetuk da niyan zi ka li nyin aghyi mang aghyi, awot zi bo shye awat nang zi na ntyiet nyin kyang nang nyi sang di Nwuak achuchuk nyin hu ani.
11
Manini ke, yok Āgwaze a yet atyi nzit ani ma apyie gu, mang atyili nzit Yesu, gu khwuk zit vak zi bai mang nyin.
12
Yok Āgwaze a tyie chad aghyang nyin hu mang angbam āniet be, ku mbam bat kuzang jen mā nang zit nchat nyin ani.
13
Yok Āgwaze a bo tyi nfwuo nyin ne gbagbak, nyi yet aniet sang ábun, nyi bo yet āzazarak azaghyi ngu, átuk nang Atyi-li nzit Yesu kristi na Nbwuok ndung mā ázazarak ániet khwi, ba yet a sin gu be ani.