¹ Ananyiuk ning be ming khwi Yesu nang nchat ani, nyin ma apyie nyin, nyi liyen nang bai nzit hu da ávwuo nyin nyet ābuk kyang ha bah. ² Mā nang nyi nliyen zi ku nswuo ábung mā si-sag zi nang á ku njhyuai nzit á si nyie mang an zit ma akarang Filibi ani, zit si gbang alyie da Āgwaze nzit wu zi si tag nyin Asham nkhang ngu ke anigbam mang akatuk nfup wu nang zi ku shyei ani. ³ Asham Nkhang nang zit, shyei ani, ka mbyzie álá ko águk mi fwuo bah. ⁴ Da ákwonu ákyai, nang Āgwaze nshim á si khai nzit, a si tyie nzit asham nkhang ke mbwak ani. mat angie, zit shyei nke dá niyan ániet be ba ka fak nyinyang. zi chad Āgwaze gu mai nfwuo nzit ne ani, ngu wa á fak nyinyang zit. ⁵ Nang nyi nlyen āni,nzit zi ku tak nyin lyen anu hwa bah. Da nzit, zi ku chad zit layai nyin ha bah. Zit ku mak nyin nkyang mami wuwok, awot zit si chat zit niyen ne bah. Āgwaze we yet nzit hu. ⁶ Da nzit, zit ku chad shyei dyep hwa dā avwuo ániet, ku da avwuo nyin, ku fa avwuo ághyang ániet bah. ⁷ Nang áyaatām Yesu,zit ku myim zit yet āniet chad bizyang da ávwuo nyin. Angbam mang anya,zit si kkhwi nyin shonshyon nang áyang ning nnyi anambwo mman ngu ani. ⁸ Zit si fak aligyi sai zit shyei nyin Asham nkyang Āgwaze kyag ma-nyin ke bah. Awot zit si nwnak swuan nzit zi za, mat nyi yet āniet nang zit fak ma mbe ani zam. ⁹ Ananyiuk ning be mā khwi Yesu nang nchad ani, nyi thyung si-sag zi kun nyi ntam atamam mang atyetuk da niyan ke zit nan hwai yet nyin kpad di shyei nyin Asham nkhang Agwaze ke. ¹⁰ Nyi yet aniet sheda byia mbiyang Agwaze, nang zit nswan azazarak, atsotswak, mang swat sang abun mami nyin, nyi yet aniet ba nwuak fwuo da Yesu ani. ¹¹ Ma nang nyi nlyen ani,zit ku swan ma kuzang ayin ma nyin nana atyi nin nswan mang mman ngu ani. ¹² Zit ku ghba nyin. zit si tyi nyin gbagbak zit si yong nyin si-sag zi nyi nan nswan swad ku miyim Agwaze ani, atyi a yei nyin mami tyok ngu hu mang akyenkyai shi ngu hwu ani. ¹³ Mat anya, zit gwai Agwaze kuzang jen mat nang nyi kun nsan aliyad Agwaze ne mang nzit ani,nyi ku san nee nang asi atibishi nia ani bah. Awot nyi si san nee na yet asi Agwaze nia, mami achuchuk anya wa nan ndi. Ninia nyia ntam na mi nfwuo nyin ne, nyin aniet be ba nwuak achuchuk ani. ¹⁴ Ananyiuk nung be mi khwi Yesu nang nchad ani, nyi ku meyed aniet khwu Agwaze be ba shyi ma afiyem abin Yahudiya be mun apyie mang Yesu kristi ani. Mat swuo abung hu nang nyi ku swuo nbwak aniet nyin be ani, ma anya wa ba nswuo abung nbwak Ayahudawa be, ba yet aniet be. ¹⁵ Atungkai Ayahudawa hyi hwa ku hyat Yesu mang ayaatam akwonu-agwaze gbangbang. Awot amami be kya bo bon ye-shuk zit bad. Awot ba si bzyian Āgwaze fwuo. Ba si bo nyia nan-van ma aniet ma adidit. ¹⁶ Āwot ba si nvwuong nzit shyei āliyat Āgwaze ne dā āvwuo Nnwab na nwai yet Āyahudawa āni, nyia kalak bā dyo shye san da āvwuo Āgwaze. Hu hwa nbyia ba ngye āson mī nban ākatuk nyia mbe wu. Āwot din gag hu, mwai lyen Āgwaze hu wa kān chyok tanzwe mbe. ¹⁷ Nyin ananyiuk nzit be mi khwi Yesu nang zit Chad ani, mat nang ānghai zit mang anyin da abadadei njen ani (mami vam hwa kkang mang adidam) ;angbam mang anya, zi si bzyian fwuo bat zi chad zi li nyin aghyi mang aghyi. ¹⁸ Ihwa nbyie, zit ku chad zi bai ma nyin. Awot nūng Bulud, nsi kwan nchong da avwuo nyin nchiring bad, awot Atanyirang ke si nvwuong nzit. ¹⁹ Ihwa yet kyang tyia fwuo nzit hu, ku ágwai, ku-zang nzit zi, nang zi bye ntam azaghyi Atyi li Yesu atuk bwuok ngu ke? mee nyin byaa? ²⁰ Á tsak aliyat, nyin bya yet ágwai mang shi nzit hu.