كنوز بأوعية من الفخار

¹ وبما أنو الله برحمته كلفنا بهذي المهمة، لهذا ما نيأسش. ² إنما إحنا نبذنا كل ما يعمل في الخفاء، وكل اللي يجيب العار. وما نستعملش الخداع، وما نحرفش كلام الله. إنما نُعلن الحق بوضوح فالناس تمدحنا بقلوبهم أمام الله ⁴ لأنو سيد هذي الدنيا أعمي عقول اللي هم مش مؤمنين، علشان مايشوفوش نور البشارة اللي تُبين جلال المسيح، اللي هو تعبير صادق عن طبيعة الله ⁶ لأنو الله اللي أمر أنُه يشرق نور من الظلام، أشرق بنوره بقلوبنا، علشان نعرف جلال الله اللي في شخص المسيح. ⁸ فإحنا نواجه الصعوبات من كل جهة، بس إحنا ما نتعبش، ما نلاقيش حل مناسب، لكن ما نيأسش. ⁹ الناس تضطهدنا ، بس الله ما ينسانش. يضربونا، بس إحنا ما نموتش . ¹⁰ وين ما نروح، نحمل موت يسوع دائماً بجسمنا علشان يظهر بها كمان حياة يسوع ¹² إذن الموت يعمل بنا ، والحياة تعمل بكم. ¹⁴ ونعرف أنُه الله اللي أقام ربنا يسوع من الموت، شيقيمنا إحنا كمان مع يسوع، ويجي بنا معكم لمكانة. ¹⁵ كل هذا علشانكم . فكلما وصلت نعمة الله إلى عدد كبير من الناس، يزيد الشكر اللي يُقدم لجلال الله. ¹⁷ لأنو الضيق اللي نواجهه هو سهل ومؤقت،بس هو يجهز لنا جلال أبدي عظيم يفوقه. ¹⁸ إذن إحنا ما نشوفش للأمور اللي نشوفها، إنما للأمور اللي ما نشوفهاش. لأن اللي نشوفه مؤقت . أما اللي ما نشوفوش فهو أبدي .