s1 البيت السماوي

¹ إحنا نعرف أنُه الخيمة أتهدمت اللي نعيش فيها هنا على الأرض، اللي هو جسدنا البشري، فإن الله عنده دار لنا بالسماء، بيت ابدي ما صلحتوش يد إنسان. ² وبينما إحنا في هذي الخيمة ، فإحنا نئن ونشتاق انُه نلبس فوقها البيت السماوي. ³ علشان إذا لبسنوه ماشنكوش عريانين ⁵ واللي جهزنا لهذا القصد نفسه ،هو جاب لنا الروح القدس كعربون لكل هذ ⁷ لأننا نعيش بالإيمان ،مش حسب اللي تشوفه العين . ⁸ إذن عندنا ثقة، ونفضل انُه نسيب هذا الجسم، ونجلس عند المسيح ¹⁰ لأنه لازم أنُه نظهر كلنا أمام كرسي محكمة المسيح علشان يلاقي كل واحد جزاء ما عمل بحياته، كان خير او شر.

¹¹ إحنا نعرف مخافة المسيح ، لهذا نحاول أنُه نقنع الناس الثانيين . الله يعرفنا على حقيقتنا ،وأرجو أنكم انتم كمان تعرفونا بقلوبكم على حقيقتنا. ¹² إحنا ما نرجعش نمدح أنفسنا لكم، إنما نجيب لكم فرصة علشان تتفاخروا بنا، علشان تقدروا انكم تجاوبوا على اللي يتفاخروا بالمظاهر الخارجية، مش اللي بالقلب

¹⁴ فإن محبة المسيح تُسيطر علينا، وإحنا نعرف أنُه إذا في واحد مات علشان الجميع، فمعنى هذا أنُه الجميع ماتوا كمان . ¹⁵ والسبب في أنُه مات بدل الجميع علشان الأحياء مايعيشوش فيما بعد لأنفسهم إنما للذي مات بدل عنهم وبعدين قام . ¹⁷ وإذا كان واحد ينتمي للمسيح فهو خليقة جديدة. راح القديم وجاء الجديد ¹⁹ ذلك أن الله كان في المسيح مصالح العالم مع نفسه، ومحسبش عليهم ذنوبهم ، وقا طرح بين يداتنا رسالة هذي المصالحة ²¹ فالمسيح ما أرتكبش ولا ذنب، صار ضحية عن ذنوبنا، علشان نكون مقبولين عند الله عن طريقه.