خدام العهد الجديد

¹ فهل يعني هذا أنحنا بدأنا نمدح أنفسنا من جديد؟ أو تشوفوا إنحنا مثل بعض الناس، محتاجين توصية لكم أو منكم؟ ² فأنتم رسالة توصيتنا، مكتوبة بقلوبنا، ومعروفة ومقروءة من كُل الناس. ³ فالواضح أنكم رسالة من المسيح طرحه بأمانتنا. ومش مكتوب بحبر، فمكتوبة بروح الله الحي. ومش على ألواح حجر، ففي ألواح من قلوب البشر. ⁵ وما يعنيش هذا إنحنا ندعي إحنا قادرين بأنفسنا نعمل أي شيء صالح، فكفاءتنا من الله. ⁶ فالله هو اللي خلينا نكون مبشرين العهد الجديد، عهد قائم على الروح مش على شريعة مكتوبة بحروف. فاللي هو مكتوب بحروف يؤدي للموت، وأما الروح يجيب الحياة.

⁷ فالشريعة كتبت بنقش على حجر، ومن البداية جاءت بجلال، حتى بني إسرائيل ما قدروش يشوفوا لوجه موسى للمعة وجهه، ومع أنه الجلال هذك انتهي، فإن كان العهد القديم اللي يحكم بالموت، جاء بالطريقة هذه، ⁸ فالأحسن يكون عهد الروح مصحوب بجلال أكبر

¹⁰ واللي له جلال بالماضي ما فيش له جلال الآن لما نقيسه بهذا الجلال اللي يفوقه بكثير. ¹¹ فإذا كان المنتهي له جلال ، فاللي يبقي يكون له جلال أعظم. ¹³ ومش مثل موسى اللي كان يغطي وجهه، عشان بنو إسرائيل ما يشوفوا هذك الجلال وهو يختفي ¹⁵ والغطاء ما يزال لليوم موجود على قلوبهم لما يقرأوا شريعة موسى. ¹⁶ ولما يرجع أي واحد منهم للرب، يرتفع الغطاء ¹⁸ وإحنا كُلنا نشوف لمجد الرب بوجوه نفس المرآة وبدون حجاب عليها، لأن الروح يغير حياتنا لنشبه صورة الله، فيزيد مجده فينا.