¹ Katikae su'ung arie, Yesus ingkas bakaliling kota umakan desa akan manyampaie kabar Injil Karajaan Hatalla. Kaduae bolas rasal tege umae Inya, ² beweh jam babarapae labinie am jadi di sangkae laie Yesus mulae sagalae roh-roh tabaie lalue sagala macam panyakit. Ka antarae pamanya iyaham Maria, am di jokue Magdalena, am dilopas Yesus mulae tujuh roh tabaie. ³ Tege jam Yohana binie Khuza bandahara Herodes, Susana, Lalue masih banya labinie bukan am mahonie balanyae pamanya kanirie marompuh Inyae. (Saumpamae tahoyue Mahamur Bonih) ⁴ Katikae urang banya bakumpul lalue urang mulae kota bukan kan Yesus, Inya bapaner akan pamanya honie suti saumpamae: ⁵ "Siku urang ingkas mahamur bonih. Katikae inya mahamur, tege sabagian am jatue ka sisi jalan lalue tajoja-joja, umakan di puseh laie burung- burung tarowang. ⁶ Sabagian mulae jatue homan am babatue, lalue katikae bonih iyah nampara tumuh bonih iyah jadi kolas laie mayan arai. ⁷ Sabagian am bukan jatue ka tongah ruwut badurie lalue tumuh barotaenya lalue ruwut iyah mayopitnya. ⁸ Sisa am bukannya jatue katanah subur lalue batumuh baie mamorie hasil sampaie saratus kali lipat banyanyae." Limah jadi hapus saumpamae iyah Yesus basorue, ''Inya am bagorae poning honie manongar, honanya mahoning baie-baie!'' ⁹ iyah, murid-murid Yesus batanyae kan-Nya tahoyue artie saumpamae iyah. ¹⁰ bapaner, "Akan kolaie di borie pangatahuan kan rahasia Karajaan Hatalla, tapie akan urang bukan di borie pangatahuan honie saumpamae supayae 'Mantuwanie paharap, pamanya hontae maila, umakanmanongar pamanya hontae paham.''' Yesaya 6:9 (Conto Yesus tahoyue Saumpamae Bonih) ¹¹ Itieam artie saupamae iyah: ''Bonih iyah iyaham bunggie Hatalla. ¹² Bonih am jatue ka sisi jalan iyah iyaham pamanya am manongar bunggie Hatalla. Limah iyah. datangam imun lalue mangalap bunggie iyah mulae hati pamanya supaya pamanya hinang parcaya lalue salamat. ¹³ Bonih am jatue ka tanah babatue iyaham urang-urang am manongar bunggie Hatalla lalue manarimaenya laie ramie, tapi hontae baurat. Pamanya bayae nyulue mae parcayae, tapi katikae ka oyoh datang, pamanya laca babali mulae Hatalla. ¹⁴ Bonih am jatue tongah ruwut durie iyaham urang-urang am manongar bunggie Hatalla, tapie nyulue mae tumuh, pamanya di sekak laie asae gola, katatau, umakan kasanang hirup laie iyah pamanya hontae mahasil buah am mansa. ¹⁵ Tapie bonih am jatue ka tanah am subur iyah iyaham urang-urang am manongar bunggie Hatalla lalue mangaraenya lalam hatie am bujur, lalue baie, umakan babuah laie kajuju.'' (Ilaekan Cahayamu) ¹⁶ ''Hontae arae urang manakil palitae, limah iyah manutupnya honie gantang atawae maomahnya lowa homan tidur. Sabaienya, inya maomah palitae tinggie turus kakie palitae iyah supayae urang am tamae ka lalam dangau ulih mailae cahayanya. ¹⁷ Sabab, mayan arae takalinung am hontae akan ditampa, lalue hontae arae am tatawu am hontae kan di ungkar lalue ditaing ka am torang. ¹⁸ Laie iyah, tanturekan mah beraapae kolaie manongar laie sapae am bagorae akan diborie lobih banya mulae. Tapie, sapae am hontae bagorae, mulae inya akan dialap, iyahgin apae am di kiraenya bagorae.'' (Babuhan Yesus am Sabujurnya) ¹⁹ Lalue, inae umakan kawan-manyarie Yesus sampaie manguang-Nya, tapie pamanya hontae tahue manamping-Nya laie karumun urang. ²⁰ Jadi, iyah diparah akan-Nya, ''Inaie umakan kawan manyarie-Mu tege badirie ka luar yah, pamanya hona badapat kan Kolaie.'' ²¹ Tapi, Yesus manimat pamanya, ''Inaie-Ku umakan kawan manmyarie-Ku iyaham pamanya am manongar bunggi Hatalla laliue manulatnya.'' (Yesus Mahontie Ribut Karas) ²² Lalam suti arie, Yesus lumpat lalam jukung barotae kawan-murid-Nya lalue Inya bapaner akan pamanya, ''Ayo dirie nipah kasisi bukan mulae danau itie.'' Balaca, ingkasam pamanya ka sorap. ²³ Tapie, kametuh pamanya balayar, Yesus tatidur. Lalue, batiup karas ribut kadanau iyah lalue jukung pamanya tamae araie laie iyah mambahaya pamanya ²⁴ Limah iyah, kawan murid datang kan Yesus laca mamiksi-Nya samil bapaner, ''Gurue! Gurue! dirie kan calaka!'' Lalue, Yesus gin misik lalue mangarahang riwut karas umakan galumang am ganas iyah. Riwut karas iyah gin bahontie lalue galumang tasi iyah ranai. ²⁵ Lalue, Inya bapaner kan pamanya, ''Ka manih imanmu?'' Pamanya jadi gola lalue heran samil bapaner siku kan am bukan, ''Sapae Urang iotie? Inya baya mamorie parentah akan riwut umakan arai, lalue pamanya manulat-Nya.'' (Siku Urang Gerasa Dilopas mulae Roh Jahat) ²⁶ Lipas iyah datangam Yesus umakan kawan murid-Nya ka daerah urang Gerasa, dipah sorap Galilea. ²⁷ Ka metuh Yesus lumpat ka natai, inya diguang siku urang kalakie mulae banuae iyah am di kumpang laie roh-roh jahat. Urang iyah jadi lamat hontae mahonie bajue lalue hontae diam ka dangau, tapie ka kuburan. ²⁸ Katikae urang iyah mailae Yesus, inya yah basorue lalue suntup ka paharap-Nya. Honia bunggie am nyaring inya bapaner, ''Apae kohona-Mu ka aku, hai Yesus, Ana Hatalla Am Tinggie? Aku minta ka-Kolaie, hinang manyakit aku!'' ²⁹ Sakatikae iyah jadi laie Yesus marentah roh jahat maluar mulae urang iyah. Imun iyah rancak jadi manunae urang iyah sampai inya dipasung, honie rantai, lalue di jagae urang, tapie inya ulihnya mamutus rantai lalue ditaing laie imun ka homan-homan sunie. ³⁰ Limah iyah, Yesus batanya ka urang iyah, ''Sapae namamu?'' Timat urang iyah, ''Legion'' laie tege banya imun am tamae inya. ³¹ Imun-imun iyah maminta ka-Inya supayae hinang marentah pamanya badarie ka luwang pampatie. ³² Ka homan iyah, tege banya kawanan bawie metuh mangau pamakannya ka towin bukit. Imun-imun iyah mamintae ka Yesus mauwah pamanya tamae kalalam kawanan bawie iyah, lalue Yesus mauwah pamanya. ³³ sakatikae imun-imun iyah gin maluar mulae urang iyah lalue tamae ka lalam bawie, lalue kawanan bawie iyah badari turun towing bukit mangkeru ka danau lalue tangolam. ³⁴ Sakatikae kawan panyagae bawie mailaenya, pamanya badarie lalue mangesah kajadian iyah ka kota umakan satiap banua sakitarnya. ³⁵ Jadi, urang banya datang hona mailae apae am tajadi. Pamanya manguang Yesus lalue tailae urang am jadi dilopas mulae imun-imun iyah metuh duru damping kakie Yesus, jadi mahonie pakaian, lalue jadi bapikir baie. Hal itie mangaruh pamanya gola. ³⁶ Pamanya am mailae kajadian itie mangesahnya kan urang bukan berae apae urang am di rasuk imun iyah disangkae. ³⁷ Lalue, uras urang am diyam ka daerah sakitar Gerasa manguang Yesus nyuruh badarie mulae pamanya sabab pamanya rawan laie pangola am nyangit. Laie iyah, Yesus lumpat jukung lalue baulang ka Galilea. ³⁸ Tapie, urang am jadi dilopas mulae imun-imun iyah maminta ka Yesus supayae inya tahue umae Yesus. Tapie, Yesus manyuruhnya ingkas, ujae-Nya, ³⁹ Pulangkeh ka dangaumu lalue kesahkan am jadi dikaruh laie Hatalla akan kolaie.'' Urang iyah gin ingkas kan sapanyang kota lalue mangesah apae am jadi Yesus karuh kan-Nya. (Ana Yairus Hirup mulae lalue Siku urang Labinie Disangkae) ⁴⁰ Katikae Yesus baulang ka Galilea, urang banya manamang-Nya laie uras jadi manantie-Nya. ⁴¹ Diyah tege siku urang banamae Yairus am datang kan-Nya, inya iyaham siku urang kapalae dangau sambayang. Samil suntup manyomah ka kakie Yesus, Yairus mamohan supyae Inya datang ka dangaunya ⁴² laie inya bagorae siku ana tunggal am baumur duae bolas tahun, ana iyah hona matie. Lalue, katikae Yesus manguang koyah, urang banya bakaja-kajal mangaliling-Nya. ⁴³ Diyah tege siku urang labinie am jadi duae bolas tahun bapanyakit muwuh darah karas, laie hontae arae siku urang gin am ulih manyangkanya. ⁴⁴ Labinie iyah manamping Yesus mulae lakang lalue manyutue hujung jubah-Nya makae sakatikae iyah jam muwuh darahnya bahontie ⁴⁵ Lalue, Yesus bapaner, ''Sapae am manyuntue-Aku?'' Laie uras urang maulim, Petrus bapaner, ''Guru, urang bakarumun ka sakaliling-Mu lalue bakaja-kajal umae Kolaie!'' ⁴⁶ Tapi, Yesus bapaner, ''Urang tege manyuntue-Aku laie Aku mansaie tege kuasa am maluar mulae-Aku.'' ⁴⁷ Katikae labinie iyah mailae inya hontae ulih manawu nirienya, inya manguang ka Yesus samil kakiti lalue suntup ka paharap-Nya. Ka paharap uras urang, inya mangesah ngapae inya manyuntue Yesus, Lalue berae apae inya laie sakatikae barigas. ⁴⁸ Limah iyah, Yesus bapaner kan inya, ''Ana-Ku, laie kolaie parcayae kolaie barigas. Ingkas keh kasanang umae kolaie.'' ⁴⁹ Katikae Yesus masih bapaner, siku urang mulae dangau kapalae dangau sambayang iyah datang lalue bapaner ka Yairus, ''Ana labiniemu jadi matiam. Hinang mulae maoyoh Guru.'' ⁵⁰ Tapie manongar hal iyah Yesus bapanerakan Yairus, ''Hinang gola. parcaya mae lalue anamu kan salmat.'' ⁵¹ Katikae Yesus sampai ka dangau Yairus, Inya mangirah sapae ja tamae barotae-Nya kacualie Petrus, Yohanes, Yakobus, umakan inaie ompaie ana iyah. ⁵² Uras urang manangis umakan mangaruau ana labinie iyah, tapie Yesus bapaner, ''Hinang manangis, inya hontae matie bayae tidur mae.'' ⁵³ Urang banya iyah gin mangorah-Nya laie pamanya mailae ana labinie iyah jadi matie. ⁵⁴ Tapie, Yesus marigap longan ana iyah lalue manimaienya, ''Misik kam, nak!'' ⁵⁵ Makae, baulang samangat ana iyah lalue sakatikae iyah jam inya badire. Lalue Yesus manyuruh supayae ana iyah di borie am tahue di puseh. ⁵⁶ Kaduae urang tuhaenya hengan, tapie Yesus mangirah pamanya hinang mangesahnya kan sapae ja tahoyue kan nam jadi.