¹ Limah Yesus jadi uras bahontie paner-Nya ka paharap rang banya, Inyae tamae Kapernaum. ² Koyah, tege saurang Perwira Romawi am bagorae hulun am di sayangnyae. Hulun iyah lagie kayaman pehes hona matie. ³ Katika Per-wira iyah manongar tege Yesus, inyae manyuruh babarapae tua-tua Yahudi maguang Yesus lalue mamintae Inyae datang mayankae hulunnyae iyah.'' ⁴ Metuh urang-urang iyah datang ka Yesus, pamaya bajuju mamintae-Nya. Ujae pamaya, ''Urang itie am pantas dirompuh laie-Mu, ⁵ sabab inya manyihae bansa dirie lalue inya yaham manirie dangau sambayang kan dirie.'' ⁶ Maka ingkas Yesus borotae kan pamanya. Katikae Inyae jadi damping ka dangau perwira iyah, perwira iyah manyuruh babarapae kawalnya nyaman bapaner ka Yesus, ''Tuan, hinang Kolaie maoyoh nirie laie aku hontae pantas manarimae Kolaie ka dangauku. ⁷ Iyaham sababnya, aku kanirie masaie hontae pantas datang ka-Kolaie. Tapi, jokuekan ja suti bungie mae makae hulunku pasti akan barigas. ⁸ Laie, akue jam siku urang mamena parentah tinggie aku tege jam prajurit-prajurit lowa aku. Jakae ku bapaner kan siku urang prajurit, 'Badarie keh!', inya gin badarie, jakae ku bapaner kan prajurit am bukan, 'Datangja!', inyae gin datang. Lalue, jakai ku bapaner kan hulunku, 'Gawiekan itie!', hulunku yah kan mangawienya.'' ⁹ Katikae Yesus manongar bungie iyah, Inyae mansaie aneh akan parwira Romawi iyah. Samil malingau ka urang banya am umae-Nya, Inyae bapaner, ''Akue bapaner kan kolaie, umaekan sa anteroe urang Israel gin Akue honpan basae badapat iman sabakah itie.'' ¹⁰ Metuh rombongan am di suruh ka Yesus baulang ka dangau parwira iyah, pamanya mailae hulunnya jadi barigas. (Ana Siku urang balue Hirup mulae) ¹¹ Metuh sung arienya, Yesus ingkas ka kota banamae Nain barotae kawan murid-Nya lalue rombongan urang banya am umae Inya. ¹² Katikae Inya damping pintue gerbang kota, tege bankai siku urang ana kalakie am di taing kaluar. Urang am matie iyah iyaham ana tungal mulae inaienya am jadi balue. Lalue, tege banya urang mulae kota iyah am barotae-rotae labinie iyah. ¹³ Katikae Tuhan mailae labinie iyah, Tuhan sihae kan inya lalue bapaner, ''Hinam managgis.'' ¹⁴ Limah iyah Inya manamping lalue mayuntue tandu bangkai iyah. Urang-urang am manaing tandu iyah gin bahontie. lalue, Yesus bapaner, ''Hai babiya, Aku bapaner kan kolaie, misikam!'' ¹⁵ Limah iyah, urangam tarienya matie iyah duru lalue nampara bapaner. Lalue, Yesus mamulangnya kan inaienya. ¹⁶ Uras urang am mailae hal iyah uras mansaie gola nampara mamuji Hatalla lalue bapaner, ''Siku urang nabi bakah jadi timul ka tonga-tongah Dirie!" lalue ''Hatalla jadi manyagae ungkup-Nya.'' ¹⁷ Lalue kabar tahoyue Iyae koyah komae ka uras Yudea lalue urasnya homan bukan ka sakitarnya. (Yohanes Pembastis Manyuruh Muridnya ka Yesus) ¹⁸ Murid-murid Yohanes baparah akan Yohanes uras am tajadi diyah ¹⁹ Lalue, Yohanes manimaie duae urang muridnya lalue manyuruh pamanya ka Tuhan hona batanyae, ''Kolaie tiam am akan datang iyah? Atawae, kamie manantie am bukan?'' ²⁰ Katikae pamaya datang ka Yesus, pamanya gin bapaner, ''Yohanes Pembaptis mayuruh kamie akan datang ka Kolaie hona batanyae, 'Kolaie tiam am datang yah? Atawae, kamie manatie am bukan?''' ²¹ Metuh iyah, Yesus lagi mayangkae banya urang milae bamacam panyakit, sampar, lalue roh-roh jahat. Inyae jam mamorie pailae kan banya urang butae. ²² Timat Yesus kan duae urang iyah, ''Ingkaskeh lalue kesahkan Yohanes metuh apae am jadi kolaie ilae lalue didongar: urang butae ulih mailae, urang lumpuh ulih bajalan, urang am panyakit kusta jadi barigas, urang badengen ulih manongar, urang matie di pisik, lalue kan urang-urang susah di borie kabar bai. ²³ Laie iyah, ramie -ramieja iyae am hontae tahalang laie ku.'' ²⁴ Limah suruhan-suruhan Yohanes ingkas, Yesus bapaner kan urang banya tahoyue Yohanes, ''Akan mailae apaejam kolaie ingkas ka padang rimae motan? Mailae buluh am di tiup riwut? ²⁵ Tapie, katikae kolaie ingkas ilae?Urang am bapakaian romis? ilae-keh, urang am mahonie bajue romis lalue hirup lalam kamewahan tegeam ka istana-istana rajae. ²⁶ Jadi, katikae kolaie ingkas ilae?Siku urang nabi? Yah, Aku bapaner kan kolaie, bahkan lobih mulae saurang nabi. ²⁷ Inya yaham urangnya, am tege ta tulis: 'Dongarmah! Aku mayuruh suruhan-Ku holue mulae Kolaie. Inya yah am akan mayiapkan jalan ka paharap Mu.' Maleakhi 3:1 ²⁸ Aku bapaner kan kolaie, ka antarae uras urang am basae di parana laie labinie, hontae arae siku urang am lobih bakah milae Yohanes. Tapi, am paling koni lalam Kerajaan Hatalla, lobih bakah mulae iyae." ²⁹ Katikae urang banya mailae kawan pagumpul pajak manongar hal iyah, pamaya urasnya magaku kan kaadilan Hatalla laie pamaya jadi di baptis honie baptisan Yohanes. ³⁰ Tapi, urang-urang Farisi umakan ahli-ahli hukum Agama manula rancana Hatalla akan pamanya kanirie laie pamanya hompan di baptis laie Yohanes. ³¹ ''Dongar apae jam Aku maumpamae urang-urang am hirup metuh katarunan itie? Berae apae pamaya iyah? ³² Pamaya iyaham berae babiya am duru-duru ka pasar, am basorue kan am bukan, 'Kamie maniup suling akan kolaie, tatapi kolai hontae manari. kamie mangaruau, tatapi kolaie hontae sakit hatie.' ³³ Sabab, katikae Yohanes Pampanie datang lalue hontae museh roti umaekan maraie anggur, kolaie bapaner, 'Inyae dirasuk imun.' ³⁴ Tapi, katikae Ana Kalunen datang makan lalue maraie, kolaie bapaner, 'Ilae keh! Inya siku urang am laha lalue pamaraie! Inya jam kawal kawan pagumpul pajak lalue urang-urangam ba dusae!' ³⁵ Tapi, hikmat dibujurkan laie ana-ananya.'' (Saurang Labinie Badusae maurapi Yesus) ³⁶ Kametuh iyah, tege saurang milae golongan Farisi am maundang Yesus akan makan basamah kan nya. Yesus ingkas ka dangau urang Farisi iyah lalue duru makan. ³⁷ Ka kota iyah, tege saurang labinie badusae. Katikae iya baingat laie Yesus lagi makan ka dangaue urang Farisi iyah, iyae am mamolie sabuah kacae pualam am baisie Minya Harum. ³⁸ Lalue iyae badirie ka lakang Yesus, damping kakie-nyae samil manangis lalue mulai mamasu kakie Yesus dengan araie mataenya lalue mausutnya dengan balauenya. Limah iyah, iya mansium kakie Yesus lalue magurapinya dengan minya harum. ³⁹ Katikae urang Farisi am maundang Yesus mailae hal itie, iya bapaner lalam hatie, ''Jakaie urang itie saurang nabi, iya tentu ingat sapae lalue labinie macam apae am mayoput-nya iya laie labinie itie yaham saurang pandusa.'' ⁴⁰ Yesus managap lalue bapaner,'' Simon, tege am hona ku parahkan kolaie.'' nimat Simon, parahkan ja, Guru.'' ⁴¹ Yesus bapaner,'' tege duae urang am bauntung kan saurang mayomi duit , am saurang bahutang 500 dinar lalue am bukan nya bahutang 50 dinar. ⁴² Katikae kaduaenya hontae sangup mamayar, si payomie duit iyah mahapus hutang pamaya baduae. metuhti, sapae jam ka antarae ka duae uarng iyah am akan lobih mayihae si payomie duit iyah?'' ⁴³ Timat Simon Maumaku, Urang am paling baya dilopaskan hutangnya.''Yesus bapaner kaninyae,'' Kolaie manilainya dengan bujur.'' ⁴⁴ Samil bapaling kan labinie iyah, Yesus bapaner kan Simon, '' Apaejam kan mailae labinie itie? Katikae Akue datang ka dangaumu, kolaie hontae mamorie araie akan mamasu kakie-ku, tatapie iya mamasu kakie-ku dengan araie mataenya lalue mausut-nya dengan balauenya. ⁴⁵ Kolaie hontae mamorie-ku ciuman, tatapie iya ta bahontie hontie mayium kakie-ku sapalamat akue tamae. ⁴⁶ Kolaie hontae mamurus palae-ku dengan binya, tatapi iyae mamiya kakie-ku dengan minya harum. ⁴⁷ Laie iyah, ku parahkan kolaie, dosaenya am banya iyah jadi di ampun laie iya manujukan kasih am bakah. Akan tatapi, urang am kocie diampun, koci jam magasihi.'' ⁴⁸ Lalue Yesus bapaner kan labinie iyah, ''Dosaemu jadi diampuni.'' ⁴⁹ Urang-urang am duru makan basamah Yesus mulai batanyae -tanyae lalam hatie pamaya, ''Sapaejam Urang itie sahinga iya bulih magampuni dosa?'' ⁵⁰ Yesus bapaner kan labinie iyah,''Imanmu, ingkas ja dengan damai.''