¹ Metuh iyah, metuh arie sabat, Yesus bajalan malalue salamar huma gandum. Metuh iyah, murid-murid-Nya ngutip babarapa gandum, mangusu-ngusu-nya honi jari urang, lalue mamuseh-nya. ² Babarapa urang Farisi batanya, "Ngapa kolai mangaruh hal am honta di karuh metuh arie Sabat?" ³ Yesus manimat bungi urang lalue bapaner, "Honta kah kolai basa mamaca apa am di karuh Daud metuh inya lalue urang-urang am barota inya mansai kaporan, ⁴ apa ulah cara-nya tama ka Dangau Hatalla, ngalap roti persembahan, mamuseh roti iyah, lalue mamori-nya ka urang am barota inya, lalue honta tahu museh-nya, kecuali para imam?" ⁵ Lalue, Yesus bapaner ka urang-urang Farisi iyah, "Ana kalunen tege Tuhan tingi arie Sabat." (Yesus mamai metuh Arie Sabat) ⁶ Metuh arie Sabat, Yesus ingkas ka sinagoge lalue malajar. Ka diah tege siku urang am jari kanan-nya lumpuh. ⁷ Ahli-ahli Taurat lalue urang-urang Farisi mampaharti Yesus hona ma ilae apa kah Inya akan mamai metuh arie Sabat, nyaman urang bagora alasan hona manuduh Inya. ⁸ Tapie, Yesus ingat apa am di pikir urang terhadap inya. lalue Inya bapaner ka urang am jari-nya lumpuh iyah, "Huas lalue badirie ka tongah." Lalue urang iyah huas lalue badiri koyah. ⁹ Yesus bapaner ka urang, "Aku batanya ka ikam, manih am tahu di suruh akan di karuh metuh arie sabat: mangaruh bai atau mangaruh jahat? Manyalamat nyawa atau mamati-nya?" ¹⁰ Limah manampai sakaliling-nya, ka urang banya, Yesus bapaner ka urang am lumpuh jari-nya am lumpuh iyah, "Tojur jari-mu. "Lalue, urang iyah manojur jari-nya lalue jari-nya jadi bai. ¹¹ Tapie, urang-urang Farisi lalue ahli-ahli Taurat jadi gusar lalue barunding tuntang apa am hona urang perbuat terhadap Yesus. (Pamilihan Kadua Bolas Rasul) ¹² Metuh arie iyah, Yesus nai ka bukit hona badoa, lalue koyah Inya badoa ka Hatalla sapanyang malam. ¹³ Limah iyah, Inya manimai murud-murid-Nya lalue mamilih dua bolas urang mula antara am bukan, iyah urang-urang am di joku-Nya rasul: ¹⁴ Simon am di nama-nya "Petrus", Andreas manyari Petrus, Yakobus, Yohanes, Filipus, Bartolomeus, ¹⁵ Matius, Tomas, Yakobus ana Alfeus, Simon an di joku urang Zelot, ¹⁶ Yudas ana Yakobus, lalue Yudas Iskariot am jadi parongka. (Palajaran Yesus) ¹⁷ Limah Yesus lalue para rasul turun, Inya badiri ka suti homan am rota. Lalue, datang ka inya sarombongan bakah para murid-Nya lalue urang banya am datang mula saluruh wilayah Yudea, Yerusalem, lalue mula daerah pantai kota Tirus lalue Sidon. ¹⁸ Urang uras datang hona manongar Yesus lalue hona ma ulih kabai mula sagala macam panyakit urang. Lalue, urang-urang am kona rasok roh-roh jahat ulih bai lai-nya. ¹⁹ Uras urang ba usaha hona manyuntu tubuh Yesus laie tege kuasa am maluar mula inya lalue mamai urang banya. ²⁰ Yesus manampai ka murid-murid-Nya iyah lalue bapaner, "Diberkatilah kolai am miskin laie kolai hompu kerajaan Hatalla. ²¹ Diberkatilah kolai wayah itie am kaporan laie kolai akan konyang. Diberkatilah kolai wayah iti am nangis laie kolai akan gorah. ²² Diberkatilah kolai metuh urang pangili kan kolai, honta mahirau kolai, mahina kolai, lalue mancemar nama baimu laie Ana Kalunen. ²³ Barami-rami metuh arie kolia ma alami-nya, lalue nangkeru rami lai upahmu bakah ka surga; lai samahkan hiya umuhmu kelakuan para nabi. ²⁴ Tapi, calaka hai kolai am kaya laie kolai jadi baulih kanyaman hidup. ²⁵ Calaka kolai am wayah itie konyang laie kolai akan mansaie kaporan. Calaka kolai wayah itie am gorah laie kolai akan manangis. ²⁶ Calaka kolia amun urang banya mamaner hal-hal am bai tuntang kolai laie bera iyah hiya umuh urang metuh bapaner tuntang nabi-nabi palsu." ²⁷ "Tapie, Aku baparah ka kolai am manongar Aku. Siha kan musuh mu lalue mangaruh baie ka urang am pangili kan kolai. ²⁸ Berkati urang am mangutu kolai lalue badoa kan urang am manyia-nyia kolai. ²⁹ Akan urang ma ngapek pipi-mu, surung mula pipi-mu am bukan. Lalue, sapa am marubut jubah-mu, hinang ngirah-nya akan marobut baju-mu jam. ³⁰ Bori kan ka satiap urang am maminta ka kolai, lalue amun tege siku urang mangalap hak hemu hinang ngalap-nya ba ulang. ³¹ Perlakukan urang bukan apa ulah kolai mamperlaku laie urang. ³² Amun kolai baya siha kan urang am mangasihi kolai, apa kah pujian am di bori ka kolai? Laie, urang am badosapun tahu siha kan urang am mangasihi urang. ³³ Amun kolai baya ngaruh ka baie ka urang am baie kan kolai, pantas kah kolai baulih pujian? Laie urang badosa sekalipun tahu ngaruh hal am samah. ³⁴ Amun kolai manyomi barang ka urang bukan kolai maharap imbalan, apa pujian am di bori ka kolai? Laie, urang am badosa pun maminyam ka urang ka urang am badosa am bukan nyaman urang ulih narima-nya ba ulang honi jumblah am samah. ³⁵ Tapie, kasihi musuh-mu lalue babuat am bai, borikan pinjaman ka urang bukan tanpa manarima imbal balik-nya. Laie beraiyah, kolai akan baulih upah am bakah lalue kolai akan jadi maha tingi, laie Hatalla iyah baie paharap urang-urang am honta ingat batarima kasih lalue am jahat. ³⁶ Laie iyah, hona-kah kolai babalas kasih,samah bera ompai-mu am ponuh laie kasiha." (Hinang Mahakim Urang Bukan) ³⁷ ''Hinang mahakim nyaman kolai honta di hakim. Hinang mahukum nyaman kolai honta di hukum. Ampuni nyaman kolai kona ampun. ³⁸ Bori kan lalue kolai akan di kakolai mula: Suti takar am baie, am di ulih-mu, am di guncang lalue balimpah, lalue am di bunsang ka paharap-mu. Laie honi ukuran am samah am honi-mu ma ukur-nya, am iyah honi maukur ulang kakolai." ³⁹ Yesus mangesah ka urang saumpama itie, "Ulih urang buta manuntun urang buta? Honta-kah rang nua tahu jatu ka lalam lubang? ⁴⁰ Siku murid honta lobih mula guru-nya. Tapie, satiap urang am jadi talatih tahu jadi bera guru rang jam. ⁴¹ Ngapa kolai manampai tahi kayu ka mata manyari-mu, tapie kolai honta ingat balok kayu ka mata-mu kaniri? Apaulah kolai ulih bapaner ka manyari-mu, 'Manyari nauh-nya ku maluar tahi kayu iyah mula mata-mu', sadang-kan kolia kaniri-mu honta ulih ma ilae balok kayu ka mata-mu? Ui urang munafik! kaluar kan holu balok kayu iyah mula mata-mu kaniri. Limah iyah, kolai ulih ma ilae nyaman jelas hona maluar tahi kayu mula mata manyarimu." ( Puhun am Baie Mahasil Buah am Baie) ⁴³ "Puhun am baie honta akan mahasil buah am buru, lalue puhun am buru honta akan mahasil buah am baie. 44 Satiap puhun am di kasene mula jenis buah am di hasil. Urang honta mamumpung buah ara mula pulau baduri, lalue ngutip anggur mula pulau belukar. ⁴⁵ Urang am baie maluar hal-hal am baie mula hatinya am baie lalue urang am maluar hal-hal am jahat mula hatinya am jahat, Apa am maluar mula nyawa siku baasal mula apa am mamonuh hatinya." (Dua Macam Fandasi) ⁴⁶ ''Ngapa kolai nimai Aku, 'Tuhan, Tuhan,'tapie honta mangaruh apa am Aku am dilajar ku? ⁴⁷ Aku honta manunyu kolai, bera apa urang datang ka aku, manongar am dilajar Ku, manongar palajaran Ku, lalue mangaruhn-nya. ⁴⁸ Inya bera urang am mahuas dangay, am mangali lalam-lalam, lalue ma omah fandasi ka tingi batu. metuh banjir datang, arai tama kalalam dangau iyah, tapie honta ulih maunui-nya laie dangau iyah di huas rang toguh-toguh. ⁴⁹ Amun, urang am manongar ajaran-Ku tapie honta manulatnya, inya bera urang am mahuas dangau ka tingi tanah tapi honta honi fandasi. Metuh arai lalam datang, dangau iyah jumang lalue rusak am bakah."