¹ Yesus, am ponuh akan Roh Kudus baulang ka Yordan. Limah iyah, Inya konae pimpin laie Roh Kudus manguang padang pasir ² salama 40 arie akan konae cuba laie Iblis. Inya hontae makan apa jam selama arie iyah jam. Metuh jadie baakhir, Inya jadie kaporan. ³ lalue, Iblis bapaner ka-Inya, "Amun Kolai Anae Hatalla, suruh kan batu itie jadie roti." ⁴ Yesus menjawabnya,"Tege tatulis, 'Kalunen hirup bukan mulae roti."'Ulangan 8:3 ⁵ Limah iyah, Iblis manaing Yesus ka homan am tingie lalue mamarintahkan ka-Inya uras pangawie dunia sacara sakilas. ⁶ Lalue Iblis bapaner ka-Inya," Aku akan mamorie-Mu kuasa umakan kemuliaan katingie uras iyah, laie urasnya jadie konae borie ka aku. Lalue, aku mamoriekannya ka sapa jam am aku kahonae. ⁷ Jadie, amun Kolai manyomah aku, maka uras hemu hompu-Nya." ⁸ Lalue, Yesus menjawab, "Tege tatulis, 'Kolai harus manyomah Tuhan Hatallamu, lalue baya ka-Inya kolai harus bebaktie."'Ulangan 6:13 ⁹ LImah iyah, Iblis menaing Yesus ka Yerusalem lalue maomah-Nya ka puncak Bait Hatalla. Uja Iblis ka Yesus, "Amun Kolai Anae Hatalla, jatukan dirie-Mu muale ditie ka lobae, ¹⁰ laie tege tatulis, 'Tentang Kolai, Hatalla akan mamarintahkan malaikat-Nya akan manyaga-Mu.'Mazmur 91:11 ¹¹ Lalue, ' Honie jarie urang, urang akan mahekup-Mu nyaman kaki-Mu hontae tahontung ka batu."'Mazmur 91 : 12 ¹² Jawab Yesus ka Iblis,"Tege tatulis, 'Hinang mancuba Tuhan Hatallamu."'Ulangan 6 : 16 ¹³ Limah Iblis jadie mancuba Yesus, inya badarie maningal-Nya lalue manantie kesempatan am bukan. (Permulaan Palayanan Yesus ka Galilea) ¹⁴ Yesus baulang ka Galilea akan ponuh kuasa Roh, lalue barita tentang-Nya manyebar ka saluruh daerah sakitarnya. ¹⁵ Lalue Inya namparae malajar ka sinagoge lalue uras urang mamujie-Nya. (Yesus Kona Tulak ka Kota Asal-Nya) ¹⁶ Limah iyah Yesus badarie ka Nazaret, kota homan Inya bujang. Bera kebiasaan-Nya, Yesus badarie ka sinagoge metuh arie Sabat lalue badirie lalue mamacae. ¹⁷ Kitab Nabi Yesaya konae borie ka-Inya, lalue Inya mambuka kitab iyah lalue badapat bagian am manuliskan, ¹⁸ "Roh Tuhan tege ka-Aku, laie Inya jadie maurap Aku nyaman mamorie Kabar Baie ka urang miskin. Inya mautus Aku nyaman mamberitakan pembebasan ka para tawanan, lalue manyangkae pailae urang buta, lalue mambebaskan urang am tatindas, ¹⁹ lalue akan mamorie kabar tahun rahmat Tuhan jadie sampai."Yesaya 61 : 1-2 ²⁰ Yesus manutup kitab yah lalue maulangkannya ka penjabat dangau ibadah, lalue limah iyah Inya durue, Mata uras urang ka lalam sinagoge yah tapaku ka dirie-Nya. ²¹ Lalue, Yesus mulai bapaner ka urang, "Arie tie, gonaplah apa am dituliskan Kitab Suci itie metuh kolai mandongarnya." ²² Lalue, uras urang mambujurkan-Nya samil taheran-heran laie paner romis am maluar mulae nyawae-Nya. urang bapaner,"Bukannya Inya yah anae Yusuf?" ²³ Limah iyah, Yesus bapaner ka urang,"Kolai pasti akan maucapkan peribahasa tie ka-Aku,'Tabib, sangka kanlah dirie-Mu kanirie! Kami manongar tentang hal-hal am Kolai gawie ka Kapernaum, gawiekan iyah jam ka ditie, ka kota asal-Mu kanirie."' ²⁴ Limah yah Inya bapaner,"Aku bapaner ka kolai, sabujurnya hontae ara nabi am kona tarima ka kota asalnya kanirie. ²⁵ Lalam kabujur, Aku mamarah ka kolai, tege banyae janda ka Israel metuh zaman Elia, metuh langit tatutup palamat tolu tahun lalue onam bulan, metuh kaporan hebat tajadie ka saluruh negeri. ²⁶ Tapie, Elia honta diutus ka sapa pun kacuali ka sikue urang janda ka Sarfat, ka daerah Sidon. ²⁷ Lalue, tege banyae panderita kusta ka Israel metuh zaman Nabi Elisa, tapie honta ara sikue urang jam mulae urang am dibarasihkan selain Naaman, urang Siria yah." ²⁸ Katika manongar hal iyah, uras urang ka lalam sinagoge yah gusar. ²⁹ Maka, badirie urang lalue manarik Yesus ka luar mulae kota yah, lalue manaing-Nya ka puncak bukit homan kota urang kona bangun nyaman manjatuhkan-Nya mulae tingie. ³⁰ Tapie, Yesus balalue mulae tongah-tongah urang lalau badarie. (Sikue Urang Kalakie Kona Bebas mulae Roh Setan) ³¹ Yesus badarie ka Kapernaum, sabuah kota ka wilayah Galilea, lalue maajar urang banyae metuh arie Sabat. ³² Urang kagum taharap pengajaran-Nya laie paner-Nya ponuh kuasa. ³³ Ka sinagoge, tege sikue kalakie am karasukan roh setan am najis. Urang yah basorue honie suara nyaring, ³⁴ "Biarkan kami kanirie! Apa urusan-Mu dengan kami, hai Yesus, Urang Nazaret? Apa kolai datang nyaman mahancurkan kami? Aku ingat sapa Kolai, Am Barasih mulae Hatalla!" ³⁵ Tapie, Yesus mangusar roh setan yah, Uja-Nya, "Suni! Maluar mulae urang tie!" Lopas yah setan yah manibar urang yah ka tanah, ka paharap uras urang, inya maluar mulae tuwuh urang yah lalue hontae manyakitinya, ³⁶ Honie ponuh kekaguman, uras urang am tege ka diyah bapaner sutie mulae am bukan,"Paner apa tie? Laie honie wibawa lalue kuasa Inya mamarintah roh-roh najis yah lalue urang maluar." ³⁷ Lalue, berita tentang Yesus tasobar ka uras homan ka saluruh daerah yah. (Mantuha Labinie Petrus lalue Urang Banyae Kona Baie) ³⁸ Limah yah, Yesus maningalkan dangau ibadah lalue badarie ka dangau Simon. Metuh iyah, mantuha labinie Simon metuh kanyaman, laie iyah urang maminta Yesus nyaman manyangkanya. ³⁹ Lalue, badirielah Yesus ka damping mantuha labinie Simon lalue mangusar kanyaman yah, lalue kanyamannya baie. Metuh iyah jam, mantuha labinie Simon huas lalue mulai malayani urang. ⁴⁰ Metuh mataarie mulai tangolam, uaras urang manaing kaluarga urang am manderita banyae panyakit ka Yesus. Limah yah Yesus maomahkan jarie ka tingie urang masing-masing lalue mayangka urang. ⁴¹ Setan-setan jam maluar mulae urang banyae yah samil basorue, "Kolai tie am Anae Hatalla!" Tapie, Yesus mangusar urang, Inya hontae mauwahkan urang bapaner laie urang ingat nyaman Inya yah Kristus. (Yesus bakhotbah ka kota-kota bukan) ⁴² Ka arie paginya mulae Yesus ingkas ka homan am sunyi nyaman manganirie. Urang banyae mangaue-Nya, lalue maetuh urang manomukan-Nya, urang bausaha mahalang Inya nyaman hontae maningalkan urang. ⁴³ Tapie, Inya bapaner ka urang, "Aku harus mamarahkan Injil Karajaan Hatalla ka kota-kota bukan jam laie akan itie am Aku diutus." ⁴⁴ lalue, Yesus bakhotbah ka sinagoge-sinagoge ka Yudea.