¹ Metuh tahun kalima bolas masa pamarintahan Kaisar Tiberius, katika Pontius Pilatus manjadi gubernur Yudea, Herodes manjadi raja Galilea; Filipus manyari Herodes manjadi raja homan Iturea rang nua Trakhonitis; lalu Lisanias manjadi raja Abilene, ² Hanas Kayafas manjabat sabagai iman agung, datangja firman Hatalla ka Yohanes, ana Zakharia, am tingal ka padang belantara. ³ Maka, badari ja Yohanes ka uras daerah ka sakitar Yordan mamarahkan baptisan patobatan akan pangampunan dosa, ⁴ bera am tatulis ka lalam kitab Nabi Yesaya: ''Itie suara urang am basoru ka padang belantaran, 'siapkanja jalan bagi Tuhan, luruskanja jalan bagi-Nya. ⁵ Satiap lembah akan ditimun, lalue satiap gunung ka bukit akan dirotakan. jalan am babelok-belok akan diluruskan, ka satiap jalan am honta rota akan dimuluskan. ⁶ Lalu, uras urang akan maila kasalamatan mula Tuhan!''' Yesaya 40:3-5 ⁷ Lalue, Yohanes baparah ka urang banya am datang akan dibaptis laienya, ''Uy, kolai katurunan ular beludak! Sapa am maingat kolai akan manari kaniri mula murka am akan datang? ⁸ Laie iyah, hasil buah-buah am manunyukan patobatan kolai. umet baparah ka kanirimu kaniri, 'Abraham yaham hiya umuh diri!' Aku baparah ka kolai, saingatnya mula batu iyah Hatalla tahu mahuaskan ana-ana bagi Abraham! ⁹ Bahkan, mulai botie tie kapak jadi digora kan ka akar puhun. Satiap puhun am honta mahasilkan buah am bai akan ditobang lalu dibuangkan ka lalam api.'' ¹⁰ Urang-urang batanya ka Yohanes, ''Amun bebeh, apa am harus kami ngawikan?'' ¹¹ Inya manyawab, ''Satiap urang am hompu dua baju, inya harus mambaginya dengan urang am honta hompu. Lalue, satiap urang am hompu puseh laie, harus mangaruhkan hal am samah.'' ¹² Barapa pangumpul pajak am datang akan dibaptis. Urang batanya ka Yohanes, ''Guru, apa am harus kami ngaruhkan?'' ¹³ Yohanes mamarah urang, ''Umet manarik pajak lobih mula am jadi ditotapkan bagimu.'' ¹⁴ Barapa tentara batanya ka inya, ''Bera apa dengan kami? Apa am harus kami ngawi?'' Yohanes baparah ka urang, ''Umet maminta duit mula sapa pun sacara paksa atau dengan tuduhan palsu. Cukupkan ja kanirimu dengan gajimu.'' ¹⁵ Katika uras urang sadang mangharapkan kadatangan Mesias, urang uras batanya-tanya lalam hati tuntang Yohanes, apakah inya Kristus atau bukan. ¹⁶ Yohanes manyawab urang lalau baparah, '' Aku mambaptis kolai honi arai. Akan tapie, sasiku urang am lobih bakuasa mula aku akan datang. Akan mamuka tali sandal-Nya pun aku honta layak. Inya akan mambaptis kolai dengan Roh barasih lalu api. ¹⁷ Alat panampi jadi tege ka jari-Nya akan marasihkan dasar pangirikan lalu akan mangumpulkan gandum am bai ka lalam lumbung-Nya. Akan tapie, Inya mahangus sekam ka lalam api am honta akan basa padam.'' ¹⁸ Dengan banya nasehat am bukan, Yohanes malajarkan Injil ka banya urang. Yohanes Pambaptis Kapanjara ¹⁹ Akan tapie, laie Yohanes manyalu Herodes, raja homan, tingi hal am jadi digawikannya dengan Herodias, bini manyari Herodes, lalue laie uras hal jahat am jadi digawinya, ²⁰ maka Herodes manamahkan itie tingi urasnya dengan manyobloskan Yohanes ka lalam panjara. Yesus Dibaptis ²¹ Metuh uras urang dibaptis, Yesus jam dibaptis. Lalue, metuh Inya badoa, langit tabuka, ²² lalue Roh Barasih turun ka tingi-Nya lalam wujud burung marpati. Lalue, tege suara datang mula langit lalu baparah, ''Kolai yaham Ana-Ku am kusiha. Ka-kolai am Aku bakahona.'' Silsilah Yesus ²³ Metuh Yesus mulai palayanan-Nya, Inya baumur kira-kira tolu puluh tahun. Urang bapandapat bahwa Yesus yaham ana Yusuf. Yusuf ana Eli. ²⁴ Eli ana Matat. Matat ana Lewi. Lewi ana Malkhi. Malkhi ana Yanai. Yanai ana Yusuf. ²⁵ Yusuf ana Matica. Matica ana Amos. Amos ana Nahum. Nahum ana Hesli. Hesli ana Nagai. ²⁶ Nagai ana Maat. Maat ana Matica. Matica ana Simei. Simei ana Yosekh. Yosekh ana Yoda. ²⁷ Yoda yaham ana Yohanan. Yohanan ana Resa. Resa ana Zerubabel. Zerubabel ana Sealtiel. Sealtiel ana Neri. ²⁸ Neri ana Malkhi. Malkhi ana Adi. Adi ana Kosam. Kosam ana Elmadam. Elmadam ana Er. ²⁹ Er ana Yesua. Yesua ana Eliezer. Eliezer ana Yorim. Yorim ana Matat. Matat ana Lewi. ³⁰ Lewi yaham ana Simeon. Simeon ana Yehuda. Yehuda ana Yusuf. Yusuf ana Yonam. Yonam ana Elyakim. ³¹ Elyakim ana Melea. melea ana Mina. Mina ana Matata. Matata ana Natan. Natan ana Daud. ³² Daud ana Isai. Isai ana Obed. Obed ana Boas. Boas ana Salmon. Salmon ana Nahason. ³³ Nahason yaham ana Aminadab. Aminadab ana Admin. Admin ana Arni. Arni ana Hezron. Hezron ana Peres. Peres ana Yehuda. ³⁴ Yehuda ana Yakub. Yakub ana Ishak. Ishak ana Abraham. Abraham ana Terah. Terah ana Nahor. ³⁵ Nahor ana Serug. Serug ana Rehu. Rehu ana Peleg. Peleg ana Eber. Eber ana Salmon. ³⁶ Salmon yaham ana Kenan. Kenan ana Arpakhsad. Arpakhsad ana Sem. Sem ana Nuh. Nuh ana Lamekh. ³⁷ Lamekh ana Metusalah. Metusalah ana Henokh. Henokh ana Yared. Yared ana Mahalaleel. Mahalaleel ana Kenan. ³⁸ Kenan ana Enos. Enos ana Set. Set ana Adam. Adam yaham ana Hatalla.