Yesus Kona taing Ka Pilatus ¹ Limah iyah, saluruh urang diam badirie lalue manaing Yesus ka paharap Pilatus. ² Lalue, urang nampara manuduh Yesus lalue bapaner, "Kami badapat Urang ditie manyosat bangsa kami lalue mangirah kami mambayar pajak ka Kaisar, umakan mamaner Inyah am Kristus, sikue urang Raja." ³ Pilatus batanya ka Yesus, "Apakah Kolai Raja urang Yahudi?" Yesus manjawab, "Iyah am kolai paner." ⁴ Limah iyah, Pilatus bapaner ka imam kapala lalue urang banyae,"Aku honta dapat panyalah Urang itei." ⁵ Akan tapie, urang manuntut samil basorue honie suara nyaring,"Iya mahasut urang honie ajaran-Nya kasulurh wilayah Yudea nampara mulae Galilea sampai ditie!" Yesus konae Taing ka Herodes ⁶ Metuh Pilatus manongar hal iyah, inya batanya apakah Yesus urang Galilea. ⁷ Lalue, limah inya ingat Yesus baasal mulae wilayah kakuasaan Herodes, Pilatus jam mangirim Yesus ka Herodes am metuh inya tege ka kota Yerusalem. ⁸ Metuh Herodes mailae Yesus, inya bujur ramie. Inya jadie lamat honae badapat kan-Inya laie inya jadie manongar banyae hal tentang Yesus laie inya baharap tahu mailae sutie mukjizat am digawie laie Yesus. ⁹ Lalue Herodes manunyuk banyae pertanyaan ka Yesus, tapie Yesus hontae mamorie jawaban apa jam ka inya. ¹⁰ imam kapala umakan ahli Taurat am badirie diyah manuduh Yesus am kasar. ¹¹ Bahkan, Herodes umakan para tentaranya jam mahina lalue maolo Yesus, Limah iyah, urang mamasangkan jubah am romis lalue mangirim-Nya ka Pilatus. ¹² Metuh iyah, Pilatus umakan Herodes metuh bamusuh, tapie metuh arie iyah urang basahabat. Pilatus Gagal Mambebaskan Yesus. ¹³ Limah iyah, Pilatus mangumpulkan para imam kapala, para pamimpin Yahudi, lalue urang banyae, ¹⁴ lalue bapaner ka urang, "Kolai manaing Urang itie ka aku bera sikue urang am manyosatkan urang banyae. Akan tapie, metuh aku maadil-Nya ka paharapmu, aku hontae badapat panyalah bera am kolai tuduh ka-Inya. ¹⁵ Herodes jam hontae badapat panyalah-Nya sampai inya mangirim Urang itie baulang ka dirie. Ilae, Inya hontae mangaruh kasalahan am layak baulih hukuman matie. ¹⁶ Laie iyah, jadie aku mahajar-Nya, aku akan malopas-Nya." ¹⁷ [Mulae satiap arie raya Paskah, Pilatus harus malopaskan sikue urang tahanan akan urang banyae.] ¹⁸ Akan tapie, urang banyae yah basorue basamah, "Singkirkan Urang itie!Lopaskan Barabas akan kamie!" ¹⁹ yah am sikue urang am konae penjara laie talibat lalam pemberontakan ka kota lalue mangawie mampatie.] ²⁰ Laie Pilatus honae malopaskan Yesus, maka sekali mulae inya bapaner ka urang banyae. ²¹ Akan tapie, urang totap basorue, " Salibkan Inya! Salibkan Inya!" ²² Akan ka tolue kalinya Pilatus batanya ka urang, " Ngapae? Kajahat apa am jadie konae gawie Urang tie? Inya honta basalah. Aku honta baulih panyalah apa jam ka-Inya am layak baulih hukuman matie. Laie iyah, aku akan mahajar-Nya lalue malopas-Nya." ²³ Tapie, urang tarus bajujue lalue manuntut honie suara nyaring nyaman Yesus konae salib. Lalue, suara urang jam monang. ²⁴ Akhirnya, Pilatus mamutuskan mangabulkan kahonae urang. ²⁵ Inya mambebaskan urang am diminta laie urang banyae, am konae penjara laie mamberobtak umakan mampatie. Akan tapie, manyorahkan Yesus ka kahonae urang. Panyaliban Yesus. ²⁶ Metuh para tentara manaing Yesus badarie, urang manahan sikue urang, Yah am Simon muale Kirene am harue datang mulae banua. Para tentara maomahkan salib Yesus ka bahunya lalue manyuruhnya manaing salib iyah ka kalakang Yesus. ²⁷ Banyae urang am mairing Yesus, lalue ka antara urang tege labinie am nangis lalue manampae Inya. ²⁸ Akan tapie, Yesus manampai ka urang lalue bapaner, "Uy putri Yerusalem, hinang kolai manangis Aku. Tangislah akan diriemu kanirie umakan anaemu. ²⁹ Akan tiba waktunya metuh urang akan bapaner, 'Bahagialah labinie am mandul, lalue am rahimnya ma hontae malahirkan babiyae, lalue susunya honta akan basae manyusuie.' ³⁰ Metuh urang akan bapaner ka gunung, 'Runtuhlah ka tingie kamie!' lalue ka bukit, 'Timbunlah kamie!' ³¹ Laie, amun urang mangawie hal itie metuh puhun masih hirup, apa am akan tajadie metuh puhun iyah rangkai?" ³² Tege jam dua urang panjahat am konae taing lalue konae hukum matie baumae Yesus. ³³ Metuh urang sampai ka sutie homan am banama "Tengkorak," para tentara manyalibkan Yesus umakan kadua panjahat iyah, sikue urang ka sorap kanan-Nya lalue sikue mulae ka sorap kiwae-Nya. ³⁴ Limah iyah Yesus bapaner, "Uy Ompai, ampunilah urang, laie urang hontae ingat apa am urang gawie." Lalue para tentara manibar undi lalue mambagi pakaian-Nya ka antara urang. ³⁵ Urang banyae badirie koyah manyaksikan urasnya, tapie pamimpin Yahudi maolo Yesus samil gorah maolo nya. Urang bapaner, "Inya manyalamatkan urang bukan, jadie biarkan Inya mayalamatkan dirie-Nya kanirie amun Inya yah am Kristus, Am Konae pilih Laie Hatalla.!" ³⁶ Kawan tentara jam maolo Inya, lalue urang datang lalue manawarkan anggur asam ka-Inya, ³⁷ lalue bapaner,"Amun Kolai Raja urang Yahudi, selamatkan dirie-Mu kanirie!" ³⁸ Lalue, tege jam sutie tulisan ka tingie-Nya:"ITIELAH RAJA URANG YAHUDI." ³⁹ Salah sikue mulae panjahat am bagantung diyah mahinae Yesus, ujaenya, "Bukan nya Kolai Kristus? Selamatkan dirie-Mu umakan kamie!" ⁴⁰ Akan tapie, penjahat am bukan manyalue inya lalue bapaner,"Hontakah kolai golae ka Hatalla laie kolai jam manarimae hukuman am samah? ⁴¹ Dirie memang saharusnya manarimae sama apa am jadie am dirie gawie, tapie Urang tie hontae mangaruh salah apa jam." ⁴² Lalue, inya bapaner ka Yesus, "Ya Yesus, ingat aku metuh Kolai tamae ka lalam kerajaan-Mu." ⁴³ Limah iyah Yesus bapaner ka inya," Aku mamarah am sabujurnya ka kolai, arie tie jam kolai akan uma Aku kalalam Firdaus." Kematian Yesus ⁴⁴ Metuh waktu iyah sakitar jam 12 siang, potang manutup saluruh daerah yah samapai jam 3 kolam ⁴⁵ laie mata arie jadie ptang lalue tirai lalam bait Hatalla rabit jadie 2 bagian. ⁴⁶ Lalue Yesus basorue honie suara nyaring, "Uy Ompai ka lalam jarie-Mu Kusorahkan nyawa-Ku." Limah mamaner iyah, Yesus mahutus nyawa-Nya. ⁴⁷ Metuh kapala pasukan mailae apa am jadie tajadie, inya mamuliakan Hatalla lalue bapaner, "BUjur, Urang tie honta basalah!" ⁴⁸ Metuh urang banyae datang bsamah mailae perisriwa iyah manyaksikan apa am tajadie, urang pulang samil mahomat dara urang. ⁴⁹ Uras am kasene Yesus lalue babarapa labinie a m jadie mariring-Nya mulae Galilea badirie jauh lalue manyaksikan hal itie. Yesus konae Kubur ⁵⁰ Tege sikue urang kalakie banama Yusuf, anggota Dewan Penasihat, Sikur urang am baie umakan am bujur. ⁵¹ (Inya kanirie hontae manyatujui kaputusan umakan tindakan urang). Yusuf baasal mulae kotae Arimatea, sutie kota urang Yahudi. Inya jam urang am manananti Kerajaan Hatalla. ⁵² Inya badarie ka Pilatus lalue maminta mayat Yesus. ⁵³ Lalue, inya jam manurunkan mayat Yesus mulae kayu salib lalue mambungkusnya honie kain linen. Limah iyah, inya mangaling-Nya lalam sutie kubur am konae pahat ka bukit batu. Diyah, hompan basae arae sikue urang jam am konae galing. ⁵⁴ Arie iyah yah am Arie Persiapan, lalue arie Sabat akan segera nampara. ⁵⁵ Labinie am datang uma Yesus mulae Galilea mairing Yusuf. Urang mailae kuburan iyah lalue apa ulah bangkai Yesus konae galing ka lalamnya. ⁵⁶ Limah iyah, urang pulang manyadia rampah umakan minyak lalue mauusut bangkai Yesus. Metuh arie Sabat urang baiistirahat sasuai akan hukum Taurat Musa.