¹ Lalam suatue arie, katikae Yesus metuh malajar urang banya ka Dangu Hatalla lalue mambaritakan kabar baie, imam-imam kapalae umaekan ahli-ahli Agama basamahkan am tuhae-tuhae datang akan-Iyae. ² Urang bapaner akan-Iyae, ''Parahkan akan kamie honie kuasae apaekah Kolai mangruh hal-hal itie? ³ Timad Yesus kan urang, ''Akue jam akan mananyaekan suti patanyaan akan kolai. Jawablah Akue, ⁴ mulae manihkah asal pampanie Yohanes? Mulae surga atau mulae kalunen?'' ⁵ Urang marundingkan hal iyah ka antara urang tege bapaner, ''Amun dirie manjawab, 'Mulae surga,' Iyae akan bapaner, 'Amun berae iyah, ngapae kolai hontae pacayae akan Yohanes?' ⁶ Akan tatapie, Amun dirie bapaner, 'Mulae kalunen,' saluruh urang akan marajam dirie sampai matie laie urang pacayae bahwae Yohanes iyah saurang nabi.'' ⁷ Jarie, urang manjawab kamie hontae ingat mulae manih pamanie iyah baasal. ⁸ Lalue, Yesus bapaner akan urang, ''Amun berae iyah, Akue jam hontae akan mamarah nyae akan kolai honie kuasae apaekah Akue mangaruh hal-hal itie.'' (Saumpamae Kaban Panyewae Kabun Anggur) ⁹ Lalue, Yesus bakesah saumpamae itie akan urang banya, ''Tege siku uarng am manam samacam kabun anggur lalue lalue manyewaekan nyae akan babarapae patani, lalue ingkas ka nageri am jauh akan waktu am lamat. ¹⁰ Katikae musim panen jari datang, iyae manyuruh siku urang pasuruhnyae ingkas akan patani-patani iyah supayae urang mamorikan akan iyae bahagian mulae hasil kabun anggur iyah. Akan tatapie, kaban patani iyah manukuh pasuruh iyah lalue mausirnyae badarie hontae arae naing apae-apae. ¹¹ Lalue iyae jam mangirim pasuruh am bukan, tapie kawan patani yah manukuh pasuruh umakan mangaruhkannyae jari hina,lalue mausirnya badari hontae manaing apa-apa. ¹² Lipas iyah,hompue kabun anggur manyuruh pasuruh am katolue kaban petani yah jam malukae pasuruh am siku iti umakan mausirnya maluar. ¹³ Hompue kabun yah jam bapaner,'Apa am harus akue gawie? akue akan mangirim anakue am aku kasihi, mungkin urang akan manghormati nyae.' ¹⁴ Metuh kawan petani yah mailae ana hompue kabun, urang barunding kan kawalnyae am bukan, 'Iya tie ahli waris hompue kabun anggur tie, ayo dirie mapatie kan iya supaya warisannyae manjari dirie hompu!' ¹⁵ Lalue, urang jam manibar babiyae iyah lalue matiienyae. Lalue apa am digawie hompue kebun anggur iyah akan urang? ¹⁶ Iyae akan datang lalue mambasmi kawan petani iyah, lalue manyewakan kebunnyae akan urang bukan.'' metuh urang banya mandongar umpama itie, urang banya bapaner,''Hinam hal itie sampai tajarie!'' ¹⁷ Akan tatapie, Yesus manampai urang lalue bapaner, ''Amun beraiyah, apa arti ayat itie: 'Batu am dibuang tukang bangunan baubah manjadie batue am toguh'? Mazmur 118:22 ¹⁸ satiap urang am akan jatue ka tingie batu iyah hancur bocah bolah umakan sapa jam am di tinggang batu iyah akan romuk!'' ¹⁹ Metuh ahli-ahli Agama umakan imam kapalae sadar bahwa umpama iyah mamaner akan urang, urang honae manangkap Yesus metuh iyah jam. Akan tetapi urang golae akan urang banya. (Batanya masalah Bayar Pajak) ²⁰ Lipas iyah,kawan ahli Agama mangawasi Yesus umakan mangirim barapa iku urang matae-matae am pura- pura tulus supaya urang manjebak Yesus honie pananyaan supaya urang tahue managkap-Nyae mahonie paner-Nyae kanirie lalue manyorahkan Iyae kalalam kuasae umaekan wewenang gubernur. ²¹ Urang-urang pasuruh iyah jam batanya ka Yesus, "Guru, kami ingat amun Kolai mamarahkan umakan maajarkan am bujur. Kolai jam honta mambedakan urang, tapie maajarkan jalan Hatalla lalam kabujur. ²² Apakah kami diijinkan mambayar pajak ka Kaisar apa honta?" ²³ Tapie, Yesus maingat kalicikan urang umaekan bapaner ka urang, ²⁴ "Coba tunyukan ka-Aku sakeping dinar. Gambar umakan tulisan sapakah am tege ka duit iyah?" Jawab urang,"Gambar umaekan tulisan Kaisar." ²⁵ Maka, Yesus bapaner ka urang, "Amun bera iyah, borikan ka Kaisar apa am manjadie hompue Kaisar, lalue borikan ka Hatalla apa am manjadie hompue Hatalla." ²⁶ Laie bera iyah, urang-urang iyah honta ulih manjebak Yesus honie paner-Nya kanirie ka paharap urang banyae; urang heran laie jawaban-Nyae lalue tasunie. (Pananya Urang Saduki) ²⁷ Limah yah, datanglah ka Yesus bapara urang Saduki, iyah am golongan am honta percaya araenya pahirup, lalue batanya ka-Inya, ²⁸ " Guru, Musa manuliskan akan dirie, amun sikue kalakie matie, iyae bagorae binie lalue honta arae anae, manyarie kalakienya harus mangawin balue manyarienya iyah umakan mamorie katurunan akan inya. ²⁹ Bera itie, tege tujuh urang manyarie. manyarie am pertama kawin, tapi matie mayan anae. ³⁰ Limah yah, manyarie am kadua kawin jam lalue matie jam honta bagorae anae. ³¹ Lalue, manyarie am katolue mangawin labinie iyah lalue hal itie jadie sampai manyarie am katujuh, tapie urang urasnya matie honta bagorae anae. ³² Pas akhirnya, labinie yah jam matie jam. ³³ Laie iyah, metuh arie penghakiman, sapaekah am akan manjadie lakie mulae labinie iyah laie katujuh manyarie yah jadie mangawinnya?" ³⁴ Jawab Yesus ka urang, "Urang-urang metuh zaman itie kawin umakan dikawinkan, ³⁵ tatapi urang-urang am dianggap pantas nyaman baulih bagian lalam dunia am akan datang, lalue lalam pahirup mulae antara urang matie, hontae akan kawin umakan dikawinkan. ³⁶ Urang honta tahue matie mulae laie urang samah kan kaban malaikat. Urang yah am anae-anae Hatalla laie urang jadie dihirupkan mulae pamatie. ³⁷ Musa jam jari manuyukkan soal pahirup urang-urang matie lalam bagian am mancatat soal pulau duri am hangus. Lalam bagian iyah, Tuhan dijokue manjadi 'Hatalla Abraham, Hatalla Ishak, umakan Hatalla Yakub.' ³⁸ Inya bukan Hatalla urang matie tapie Hatalla urang am hirup, laie uras urang hirup ka paharap-Nyae. ³⁹ Salopas iyah, beberapa urang ahli Agama bapaner, "Guru jawaban-Mu bujur." ⁴⁰ Lalue, hontae ara mulae urang am beranie mangajukan pananyae ka-Inya. (Kristus iyah am Tuhan) ⁴¹ Limah iyah, Yesus bapaner ka urang, "Macam apa ulih urang-urang bapaner amun Kristus yah am Anae Daud? ⁴² Padahal lalam kitab Mazmur, Daud kanirie bapaner, 'Tuhan Hatalla bapaner ka Tuanku, "Durue lah ka sorap kanan-ku, ⁴³ sampai Aku mamorie homan musuh-musuh-Mu ka lowa kaki-Mu"'Mazmur 110:1 ⁴⁴ Amun Daud manyokue Kristus sebagia 'Tuan,' macam apa mungkin Kristus yah am anae Daud?" (Peringatan nyaman Bahati-Hati taharap Ahli Agama) ⁴⁵ Katika urang banyae manongarkan, Yesus bapaner ka kaban murid-Nya, ⁴⁶ "Bahati-hatilah taharap kaban ahli Agama am suka bajalan-jalan mahonie jubah panjang, sanang dihormat urang ka pasar, am suka durue ka homan tatingie ka dangau homan sembayang, lalue ka homan tahormat ka pesta-pesta, ⁴⁷ Urang marowut dangau-dangau kawan balue lalue badoa panjang-panjang nyaman diilae urang. Urang-urang bera iyah am manarimae hukuman am lobih borat."