¹ Yesus bapaner ka kawan murid-Nya, "Tege sikue urang kaya am bahompue kepala gawie. Lalue, ka urang kaya yah dilaporkan amun ketua pegawienya jadie mamboroskan hartanya. ² Laie iyah, urang kaya yah manimaie ketua gawienya lalue bapaner, 'Apa am aku dongar tentang kolai tie? Borikan tanggung jawab katingie tugasmu laie kolai hontae ulih am manjadie bendaharaku.' ³ Ketua gawie yah jam bapikir,'Apa am akan ku gawie laie metuh tie tuanku jadie mahontie aku mulae gawie ku? Aku honta kuat amun mancangkul lalue malu amun maminta. ⁴ Aku ingat apa am harus ku gawie nyaman amun aku dibahontie manjadie bendahara, urang-urang ulih manarimaku ka dangau urang.' ⁵ Limah iyah, inya jam manimaie satiap urang am bahutang ka tuannya. Ka urang pertama inya bapaner,'Berapa urang kolai ka tuanku?' ⁶ Urang yah manjawab, 'Seratus bat minyak zaitun.' Lalue, ketua gawie yah bapner ka inya. 'Alap tie surat utangmu, laca am durue umakan tuliskan 50 bat.' ⁷ Limah yah ketua gawie yah batanya ka urang bukan, 'Berapa banyae utangmu?' Urang yah manjawab,'Seratus kor gandum/' Lalue bendahara bapaner ka inya'Alap surat utang kolai lalue tuliskan amun utang kolai 80 pikul.' ⁸ Limah iyah, urang kaya yah mamujie kerua gawie am honta jujur yah laie inya bagawie honie kacerdikan. Laie, anae-anae dunia tie lobih cerdik lalam baurusan ka sesamanya mulae anae-anae torang. ⁹ Aku paner ka kolai, karuh lah persahabatn honie duit am honta bujur nyaman metuh duit yah habis, kolai ulih ditambang ka dangau abadi. ¹⁰ Sapa pun am setia lalam hal-hal am konie, inya jam setia lalam hal-hal am bakah. Lalue, sapa pun am honta jujur lalam hal-hal am konie, inya jam honta jujur lalam hal-hal am bakah. ¹¹ Jadie, amun kolai honta ulih dipercaya akan mangawie harta duniawi, sapa am hona percayakan harta am sabujurnya ka kolai? ¹² lalue, amun kolai honta ulih di percaya lalau mahonie hompue urang bukan, sapa am akan mamorie apa am saharusnya yah kolai hompue? ¹³ Honta arae pengawie am ulih malayanie dua tuan laie inya akan membenci am sikue lalue suka dengan tuan am bukan. Lalue, inya akan patuh ka tuan am sikue lalue maabaikan am bukannya. Kolai honta ulih melayani Hatalla lalue duit." (Peringatan ka Urang Farisi) ¹⁴ Urang-urang farisi am yah pencinta duit , manongar hal itie lalue maolo Yesus. ¹⁵ Yesus bapaner ka urang, "Kolai yah urang-urang am mambujurkan dirimu kanirie ka paharap kalunen, tapi Hatalla ingat isi hatimu am sabujurnya laie am diagung-angungkan ka antara kalunen ayah sesuatu am manjijikan ka paharap Hatalla. ¹⁶ Hukum Taurat umakan kitab kawan nabi diajarkan sampai masa Yohanes; metuh masa Yohanen, Kabar baie tentang Kerajaan Hatalla jadie diparah lalue uras urang memaksa nyaman tama ka lalamnya. ¹⁷ Tapie sabujurnya, loboh mudah akan langit umakan bumi honae lonyap dari pada sutie titik lalam hukum Taurat dibatalkan. (Tentang Perceraian) ¹⁸ "Satiap urang am manceraikan binienya lalue kawin dengan labinie bukan, inya ngaruh zinah. Lalue, urang am mangawin labinie am diceraikan kalakienya, jam mangatuhb zinah. (Urang Kaya Umakan Lazarus) ¹⁹ "Tege sikue urang kaya am rajin bapakaian ungun lalue kain linen, lalue basenang-senang satiap arie lalam kemewahan. ²⁰ Ka pintu gerbang urang kaya yah, tabaring sikue urang miskin am banama Lazarus, am tuwuhnya ponoh dengan borok. ²¹ Inya baharap diborie makan apa am jatue mulae muaja makan urang kaya yah; bahkan kawan asu datang lalue majilap boroknya. ²² Metuh katika, urang miskin yah matie lalue ditaing laie kawan malaikat ka pangakuan Abraham. Urang kaya yah jam matie lalue dikuburkan. ²³ Ka lam maut, metuh disiksa, urang kaya yah mailae ka tingie lalue malilae Abaraham mulae jauh basamah dengan Lazarus ka pangkuannya. ²⁴ Lalue, urang kaya yah basorue,'Ompai Abraham, kasihanilah aku lalue suruhlah Lazarus mancelup ujung jarinya ka arai lalue manyogarkan lirahku laie aku manderita lalam nyala api tie.' ²⁵ Tapie, Abraham bapaner,'Nae, ingat amun kolai masih hirup, kolai jadie manerima hal-hal am baie, tapi Lazarus manerima hal-hal am buruk; keken tie, ka ditie Lazarus dihibur, sementara kolai disiksa. ²⁶ Selain iyah uras, tege jurang bakah am mamisahkan dirie sahingga urang am honae manyebrang ka ditie ka homan kolai honta ulih menyebrang, lalue urang am ka homanmu jam honta ulih ka koman kami.' ²⁷ Lalue, urang kaya yah bapaner,'Amun bera iyah, aku mohon ka kolai Ompai, utus kan Lazarus ka dangau ompaiku, ²⁸ laie aku bahopue lima manyarie kalakie. Biarkan Lazarus mamarah ka urang nyaman nona urang honta tama ka homan penyiksaan tie.' ²⁹ Tapi, Abraham bapaner,'Urang bahompue Hukum Musa lalue kitab kawan nabi, biarkan urang maingat nya mulae urasnya tie.' ³⁰ Uja urang kaya yah mulae,'Honta, Ompai Abraham, Amun sikue urang mulae antara urang matie datang ka urang harue urang honae batobat.' ³¹ Timat Abraham ka urang kaya yah,'Amun kawan mayariemu honta mandongarkan Hukum Musa umakan kitab kawan nabi, urang honta akan ulih diyakinkan, bahkan laie urang am bangkit mulae antara urang matie.'"