¹ Metuh arie sabat, Yesus datang ka dangau salah sikue pemimpin urang-urang Farisi nyaman makan roti basamahnya lalue urang uras mailae Yesus. ² Waktu iyah, tege sikue urang am manderita busung arai ¹ ka paharap-Nya. ³ Yesus bapaner ka urang-urang Farisi umakan ahli-ahli Agama, " Apa ulih manyangka urang metuh Arie Sabat?" ⁴ Tapie, urang honta menjawab-Nya. Limah yah Yesus jam marigap urang sakit yah lalue manyangkanya, lalue manyuruh urang yah badarie. ⁵ Yesus bapaner ka urang, " Sapakah mulae antara kolai am amun anaenya atau sapi kalakienya jatue ka lalam sumur metuh arie Sabat, honta langsung manariknya maluar?" ⁶ Maka, urang jam honta ulih manimat paner-Nya. (Homan Kehormatan) ⁷ Limah yah, Yesus mangisahkan sebuah perumpamaan ka kawan tamu undangan katika Inya mailae bera apa urang mamilih homan-homan durue am tahormat ka sekitar meja makan, ujae-Nya ka urang, ⁸ " Amun kolai diundang laie sikue urang ka sabuah pesta kawin, hinang kolai durue ka homan kehormatan laie tuan dangau yah mungkin jadie maudang urang am lobih tahormat mulae kolai. ⁹ Lalue, tuan dangau yah mandatang kolai lalue bapaner, 'Borikan homan ka urang tie!' Lalue, kolai jam harus pinah ka homan am paling ronah dengan rasa malu. ¹⁰ Tapie, amun kolai diundang, durue lah ka homan am paling kelakang nyaman katika am maundang kolai datang, inya am bapaner ka kolai,'Sahabat, pinahlah ka homan am lobih tahormat.' Honie bera iyah, kolai akan baulih pahormatan ka paharap urang-urang am durue makan basamah kolai. ¹¹ Sabab, uras urang am maningiekan dirienya akan dirondahkan, tapie inya am marondahkan dirienya akan ditingiekan." (Undangan Makan umakan Balasan) ¹² Lalue, Yesus bapaner ka urang am maundang-Nya yah, "Amun kolai mangaruh pesta makan siang umakan makan malam arie, hinang maundang kawan-kawan, kawan manyarie, kawan kaluarga umakaan tetanggamu am kaya laie urang nona membalasmu dengan maundangmu nyaman makan basamah urang. ¹³ Tapie, amun kolai mangaruh pesta, udangkan urang-urang miskin, urang-urang cacat, urang-urang lumpuh, umakan urang-urang buta. ¹⁴ Lalue, kolai akan diberkati laie urang-urang tie honta ulih mambalas kolai baulang; kolai akan baulih balasannya metuh waktu kebangkitan urang-urang bujur." (Perumpamaan tentang Undangan Pesta Makan) ¹⁵ Katika salah sikue urang am makan basamah-Nya manongar paner-paner tie, urang yah bapaner ka- Inya, "Diberkatilah urang am akan makan roti lalam kerajaan Hatalla." ¹⁶ Tapie, ujae Yesus ka urang yah, " Tege sikue urang am mangatuh pesta makan malam am bakah lalue inya maundang banyae urang, ¹⁷ lalue katika waktu makan malam honae mulai, urang yah manyuruh pasuruhnya nyaman bapaner ka kawan tamunya am jadie diundang yah, 'Datanglah laie urasnya jadie siap.' ¹⁸ Tapie, uras tamu undangan yah mulai mangaruh alasan-alasan. Urang pertama bapaner, 'Aku harue mamolie sabuah kabun lalue aku honae ingkas mailanya. Terima to permintaan maafku tie.' ¹⁹ Am bukan bapaner,'Aku harue mamolie lima pasang sapi lalue aku honae ingkas mailae kawan sapi yah. Terima to permintaan maafku tie.' ²⁰ Sementara am bukan jam bapaner,'Aku harue meh kawin. Laie yah, yah am aku honta ulih datang.' ²¹ Lalue, pesuruh yah jam baulang lalue malaporlan urasnya ka tuan-Nya. Maka, tuannya yah manjadie gusar, lalue bapaner ka pasuruhnya, 'Capat am! Ingka ka jalan lalue satiap gang ka kota tie. Taingkan ka aku urang-urang miskin, urang-urang lumpuh, urang-urang pincang, umakan urang-urang buta.' ²² Limah yah, pesuruh yah bapaner ka tuannya,'Tuan, aku jadie mengawie apa am kolai perintahkan , tapie masih tege homan kosong.' ²³ Tuan yah bapaner ka pesuruhnya, 'Ingkas ka jalan raya lalaue satiap gang. Taing kan jam urang-urang ka dikeh nyaman datang ka ditie nyaman dangauku jadie ponuh. ²⁴ Aku bapaner ka kolai, honta sikue urang jam mulae urang am aku undang sahompan yah akan mamuseh pamuseh am ku karuh.'" (Tentang Maumae Yesus) ²⁵ Banyae urang bajalan basamah-samah dengan Yesus. Limah yah Yesus manolak ka urang lalue bapaner, ²⁶ "Amun sikue urang datang ka-Aku tapie hontae mambenci ompai umakan inaynya, labinie umakan kawan anaenya, mayarie kalakienya umakan mayarie labinienya, bahkan hirupnya kanirie, inya hontae ulih manjdie murid-Ku. ²⁷ Sapa jam am honta mamikul salibnya lalaue mauma Aku, inya honta ulih manjadie murid-Ku. ²⁸ Sapakah ka antara kolai am honae mandirikan sabuah menara, tapie honta durue talobih holue lalue mahitung biaya nyaman ingat apa am inya hompue cukup duitnya ulih manyelesaikannya?" ²⁹ Amun honta bera iyah, katika inya maana fondasi lalue honta sanggup menyelesaikannya, uras urang am mailaenya pasti mangorahkan inya. ³⁰ Urang-urang yah pasti bapaner,"Urang tie mulae mambangun, tapie inya honta sanggup manyelesaikannya.' ³¹ Lalue, raja manih am honae ingkas perang melawan raja am bukan tapie honta durue talobih holue lalue mamikirkan apa inya basamah 10.000 tentaranta ulih malawan musuhnya am bahompue 20.000 tentara? ³² Amun inya honta ulih mangalahkan raja bukan yah, inya harus mangirim utusan lalue mananyakan syarat-syarat perdamaian katika pasukan lawannya yah masih jauh. ³³ Bera iyah jam dengan kolai masing-masing, hontae arae sikue urang kam ka antara kolai am ulih manjadie murid-Ku amun inya honta manyorahkan uras hompunya." (Garam am Tawar Honta arae Gunanya) ³⁴ "Garam am baie, tapie amun garam yah jadie hilang rasa masinnya, bera manih mangaruhnya masin baulang? ³⁵ garam yah bahkan honta arae gunanya akan kabun umakan pupuk sahingga urang baya akan mambuangnya. Sapa am bahompue poning akan mangongar biarkan inya manongar!"