¹ Limah iyah, metuh tege ribuan urang bakumpul lalue urang saling manoja,Yesus nampara bapaner ka murid sahompan tajadi, "Hati-hati akan ragi urang-urang Farisi, iyah kamunafikan. ² Laie, uras am tatutup hona dibuka lalue uras am tatabu hona di nyatakan. Laie iyah, apa am kolai paner kahoman am potang akan tadongar ka lalam torang lalue am kolai binsi ka lalam kamar akan dikabar ka tingi hatap-hatap dangau. (Gola kan Hatalla) ⁴ Aku bapaner kakolai, ui kawal-kawal-Ku hinang gola ka urang am ulih mamati tubuh, tapie limah iyah honta ulih ngaruh lobih jauh mula. ⁵ Tapie, Aku hona maingat kolai ka sapa am patut kolai gola; golalah kan inya, am jadi mamati, laie bakuasa manibar kolai lalam naraka. Au, inya yah am patut digola-mu. ⁶ Bukan iyah 5 iku burung pipit dijual baya roga 2 bingkap meh? Tapie, mayan siku mula burung-burung iyah am dilupa ka paharap Hatalla. ⁷ Maka, jumblah balau ka palamu jam tahitung, Hinang gola, kolai jauh lobih baroga mula pamanya burung pipit." (Paringatan akan urang am Manyangkal Yesus) ⁸ "Aku baparah kakolai, satiap urang am mangakui Aku ka paharap urang bukan, iyah jam akan diakui laie Ana Kalunen ka paharap malaikat-malaikat Hatalla. ⁹ Tapie, satiap urang am honta mangaku Aku ka paharap urang bukan inya honta diakui ka paharap malaikat-malaikat Hatalla. ¹⁰ Lalue, sapa am mamaner sasuatu am malawan Ana Kalunen ulih diampun, tapie sapa am mahina Roh Barasih honta akan diampun ¹¹ Metuh urang manaingmu ka sinagoge lalue ka paharap para pamimpin lalue panguasa, hinang khawatir tuntang apaulah kolai mambela kanirimu lalue apa am harus kolai paner, ¹² laie metuh iyah jam Roh Barasih hona malajar kolai tuntang apa am harus kolai paner." (Saumpama tuntang Urang Kaya) ¹³ Siku mula antara urang banya iyah bapaner ka Yesus, ''Guru, suruh manyariku hona mamagi warisan kan aku.'' ¹⁴ Tapie, Yesus bapaner ka inya, ''Manyari, sapa am ma incang Aku jadi hakim lalue palantara tingi kolai?'' ¹⁵ Limah iyah, Yesus bapaner ka urang, ''Bajaga-jaga lalue waspada lalam sagala macam kacakah laie hidup siku urang honta bagantung ka pamanya am digora.'' ¹⁶ Lalue, Yesus bakesah suti saumpama ka urang, ''Tege tanah am hompu siku urang am kaya raya am ma hasil banya pakulih-nya. ¹⁷ Jadi, urang iyah bapikir lalam hatinya, 'Apa am harus kukaruh laie aku honta bagora homan mangora hasil pakulihku?' ¹⁸ Lalue, inya bapaner, Itie, am hona di karuhku. Aku hona mamungkar karangkingku lalue mangaruh-nya am lobih bakah. Kadiah, aku hona mangora uras gandum lalue barang-barangku. ¹⁹ Lalue, aku bapaner ka jiwaku, 'Ui jiwaku, kolai banya bagora barang am tagora hona batahun-tahun; baistirahat, holu lalue makan, marai, lalue barami-rami!' ²⁰ Lalue, Hatalla bapaner ka urang iyah, 'Ui urang bungul! Malam itie jam, jiwamu hona dialap mula kolai. Lalue, sapa am mangora barang-barang am di gora mu yah?' ²¹ Beraiyah am tajadi ka urang am mangora harta kan kanirinya, tapie honta kaya ka paharap Hatalla.'' (Hinang Khwatir) ²² Yesus bapaner ka murid-murid-Nya, " Laie iyah, Aku bapaner kakolai, hinang khwatir akan pahirupmu, tuntang apa am akan kolai puseh. Atau, khawatir tuntang tubuhmu, tuntang apa am akan kolai honi. ²³ Laie, hidup lobih penting mula pusehlai lalue tubuh lobih penting mula pakaian. ²⁴ Ilae burung-burung gagak. Urang honta mahamur lalue manuai, urang jam honta bagora gudang atau karangking, tapie Hatalla mamori urang makan. Kami jauh lobih baroga mula burung-burung iyah. ²⁵ Sapa mula antara kolai am laie khawatir ulih manamah sahasta mula umur hidupnya? ²⁶ Amun kolai honta ulih mangaruh hal-hal am koni itie, ngapa kolai mangkhawatir akan hal-hal am bukan? ²⁷ Ilae kambang bakung, apaulah urang tumuh. Kambang-kambang iyah honta bagawi koring lalue mamintal, tapie aku mamaner kakolai, lalue Salomo lalam kamuliannya jam honta bapakaian romis-romis salah suti mula kambang-kambang iyah. ²⁸ Amun Hatalla maaci rumput ka huma, am arie itie tumuh lalue pagi dibuang ka lalam api, honta inya maacimu lobih mula rumput iyah? Ui, kolai am kurang parcaya! ²⁹ Jadi, hinang kolai mangau apa am hona kolai puseh lalue apa am akan ditamaraimu, lalue hinang mangonangnya. ³⁰ Laie, bangsa-bangsa ka dunia mangau iyah urasnya, tapie ompaimu ingat bahwa kolai mamerlunya. ³¹ Sabalinya, gau holu Karajaan Hatalla, maka urasnya itie jam ditamahkan kakolai." Kumpulkan Harta ka Surga ³² 'Hinang gola, ui kawal koni, laie ompaimu bakenan mamori kakolai Karajaan iyah. ³³ Jual urasnya apa am kolai gora lalue bori sadekah. Karuhkan kolai kantung duit am honta rusak, iyah harta ka surga am honta tahu hila, am honta ulih dialap maling atau rusak laie poluh. ³⁴ Laie, ka homan hartamu tege, ka diah jam hatimu tege.'' (Umat am Satia Mangaruh Gawienya) ³⁵ ''Honalah punggungmu totap bakobat lalue palitamu totap banyala. ³⁶ Jadi bera urang-urang am mananti tuannya pulang mula pesta kawin nyaman urang tahu laca mamuka pintu kaninya, metuh tuan iyah pulang lalue mangatok pintu. ³⁷ Diberkati umat-umat, am badapat tuannya am siap sadia, metuh inya datang. Aku baparah kakolai, sabujurnya, inya akan mangobat punggungnya akan malayan lalue manyuruh palayan-palayannya akan duru makan. Inya hona datang lalue malayan urang. ³⁸ Amun tuan iyah datang metuh tongah malam atau nahari lalue tadapat urang lagi mangaruh beraiyah, diberkati urang! v 39 Tapie ingat bai-bai, amun siku hompu dangau ingat jam barapa maling iyah datang ka dangaunya, inya pasti honta hona maubah dangaunya dibobol. ⁴⁰ Laie iyah, kolai harus salalue siap sadia laie Ana Kalunen hona datang metuh am honta kolai ingat.'' ⁴¹ Limah iyah, Petrus batanya ka inya, '' Tuhan apa kolai mangesah saumpama itie baya ka kami mah atau ka urang banya jam?'' ⁴² Timat Tuhan, ''Sapa kapala palayan am satia lalue bijak sana am di percaya tuannya hona manguasa para umat an bukan, hona mamori makan metuh arie am tepat? ⁴³ Diberkati umat iyah, am metuh tuannya datang, manapat inya lagi mangaruh gawie nya. ⁴⁴ Aku bapaner kakolai, sabujur-nya, tuan iyah hona mamilihnya nyuruh maila uras am digoranya. ⁴⁵ Tapie, amun umatnya iyah bapaner lalam hatinya, 'Tuanku honta kan laca datang,' lalue nampara manukuh umat am kalaki lalue umatnya am labini bukan, limah makan lalue marai sampai mabu, ⁴⁶ metuh tuannya datang metuh ari am tiba-tiba honta ka ingat laie umat am iyah, sang tuan hona mamati umat iyah lalue mangoranya barota kan urang-urang am honta satia. ⁴⁷ Siku umat am ingat kahona tuannya, tapie honta siap saragab lalue mangaruh sasuai kahona tuannya hona maulih banya manukuh. ⁴⁸ Tapie, umat am honta ingat apa am dikahona tuannya lalue mangaruh hal-hal am pantas ulih manukuh, inya hona maulih tukuhan am lobih koci. Satiap urang am dibori banya, dituntut banya. Lalue, urang am dipercaya lobih banya am dituntut lobih banya mula. (Yesus Mangaruh Pamisah) ⁴⁹ Aku datang hona manibar api ka dunia, lalue Aku baharap api iyah jadi banyala! ⁵⁰ Tapie, tege baptisan am harus Aku jalan, lalue Aku mansai tatekan sampai hal itie digonap. ⁵¹ Apa kolai manyangka bahwa Aku datang hona manaing perdamain ka tingi bumi? Honta, Aku bapaner kakolai, bukan kahancur! ⁵² Nampara wayah itie, lima urang lalam suti kaluarga hona dipisah. tolu urang hona malawan dua urang lalue dua urang hona malawan tolu urang. ⁵³ Urang hona dipisah; Ompai hona malawan aka kalakinya, lalue ana kalaki hona malawan ompainya. Inai hona malawan ana labininya, lalue ana labini hona malawan inainya. Mantuha hona malawan manantu labininya, lalue manantu labini hona malawan mantuhanya.'' (Manafsirkan Zaman) ⁵⁴ Lalue, Yesus bapaner ka urang banya, ''Metuh kolai maila awan bakumpul sorap barat, kolai laca bapaner, 'Hujan hona turun,' lalue hujan bujur-bujur turun. ⁵⁵ Metuh kolai mansai ari baribut mula salatan, kolai bapaner, 'Arie iti hona pori kancang,' lalue hal iti bujur-bujur tajadi. ⁵⁶ Kolai urang munafik! Kolai tahu manafsir lagu langit lalue bumi, tapie ngapa kolai honta tahu manafsir zaman itie?'' ⁵⁷ ''Ngapa kolai kaniri honta tahu mamutus apa am bujur? ⁵⁸ Metuh kolai ingkas barota musuhmu hona maharap pamarentah, bausaha hona maurus masalahmu kaninya lalap pajalan nyaman inya honta manaing kolai ka hakim lalue hakim hona manyorah kolai ka ana buahnya, lalue ana buahnya iyah hona manibar kolai ka lalam panjara. ⁵⁹ Aku bapaner ka kolai,kolai honta tahu maluar mula koyah amun kolai honta mayar hutangmu sampai lunas am tarahir.''