¹ Limah iyah, Yesus mamotapkan tujuh puluh urang pangikut am bukan, lalu Inya mautus urang badari badua akan manyahelu Inya ka satiap kota lalu homan am akan kona guang-Nya. ² Uja-Nya ka urang,''Hasil panen memang amat banya, tapi pangawienya baya tege koci. Laie iyah, mintalah ka Tuan am bagora hasil panen iyah nyaman mautus pangawie mangumpul hasil panen.'' ³ ''Badari! Aku mautusmu bera ana domba ka tongah kawanan serigala. ⁴ Hinang manaing kantong duit, tas, atau sanal. Lalu, hinang manyalu sapa jam lalam pajalan. ⁵ Ka dangau manih jam am kolai tama, panerkan holu,'Damai sejahtera lalam dangau itie.' ⁶ Amun urang am tege diyah cinta damai, damai sejahteramu akan diam ka tingienya. Akan tapi, amun mayan, damai sejanteramu iyah akan baulang ka kolai. ⁷ Diam ka dangau iyah. Makan umakan marai apa am urang saringie kan kolai, laie urang pangawie pantas baulih upahnya. Hinang pinah mula suti dangau ka dangau am bukan. ⁸ Satiap kali kolai tama suti kota lalu urang diah manyamutmu, pusehkan am urang sadiakan ka paharapmu. ⁹ Baiekan urang am kanyaman am diam koyah, lalu panerkan ka urang,'Karajaan Hatalla jadi damping ka kolai.' ¹⁰ Akan tapi, amun kolai tama ka suti banua lalu urang koyah honta manyamutmu, badari ka jalan kota iyah lalu bapaner, ¹¹ 'Bahkan dabu mula kotamu am mapi ka kaki kami akan kami kobar ka paharapmu. Akan tapi, ingat itie: Kerajaan Hatalla jadi damping.' ¹² Aku bapaner ka kolai: metuh arie iyah, tanggungan Sodom akan lobih lompung mula tanggungan kota iyah.'' (Paringatan Akan am Manula Yesus) ¹³ ''Calaka kolai, Khorazim! Calaka kolai, Betsaida! saandainya Aku mangaruh mukjizat am samah ka Tirus rangnua Sidon, maka urang pasti jadi lamat batobat lalu duru lalu bahoni kain kabung umakan abu. ¹⁴ Akan tapi, metuh waktu Penghianatan, tanggungan Tirus rangnua Sidon lobih lompung mula tanggunganmu. ¹⁵ Lalu kolai, Kapernaum, apakah akan kona angkat ka surga? Honta, kolai akan kona tibar ka dunia urang matie! ¹⁶ Sapa jam am manongarmu, bongarkan Aku. Akan tapi, sapa am manulamu, inya jam manula Aku. Lalu, sapa manula Aku, inya manula Inya am mautus Aku.'' (Setan Tunduk ka paharap pangikut Yesus) ¹⁷ Limah ka tujuh puluh pangikut iyah baulang honi sukacita samil bapaner,''Tuhan, setan jam tunduk ka paharap kami lalam nama-Mu.'' ¹⁸ Yesus bapaner ka urang,''Aku mailae Iblis jatu mula langit bera kilat. ¹⁹ Ingatlah laie Aku jadi mamorimu kuasa hoi mayoja ular umakan kala, jam kuasa tingie sagala kakuatan musuh. Honta akan ara am maluka kolai. ²⁰ Akan tapi, hinang kolai basukacita laie roh iyah tunduk ka kolai, tapie laie namamu tatulis ka surga.'' (Yesus Badoa ka Ompai) ²¹ Metuh iyah, basukacitalah Yesus ka lalam Roh Kudus lalu bapaner,''Aku basyukur ka-Kolai Ompai, Tuhan tingie langit umakan bumi, laie Kolai manabukan hal itie mula urang bijaksana umakan cerdas. Akan tapi, Kolao manunyukan ka onin. Ya Ompai, laie iyah am bakenan ka paharap-Mu. ²² Ompia-Ku jadi manyorah sagala sasuatu ka-Aku, lalu manyan siku urang mun am kasene Ana kacuali Ompai. Lalu, mayan siku urang mun kasene Ompai, kacuali Ana umakan urang am ka urang Ana bakahona manyatakannya.'' ²³ Limah iyah, Yesus bapaling ka murid-Nya lalu bapaner ka urang sacara pribadi,''Bahagialah mata am mailae apa am kolai ilae, ²⁴ Laie Aku bapaner ka kolai: banya nabi umakan raja am bujur hona mailae hal am kolai ilae wayah itie, tapi urang honta mailaenya. Lalu, bujur hona manongar hal am kolai dongar wayah itie, tapi urang honta manongarnya.'' (Urang Samaria am Babelas Kasih) ²⁵ Limah iyah, siku urang ahli Hukum Taurat badiri lalu mancuba Yesus, ujanya,''Guru, apa am harus ku karuh nyaman baulih pahirup am kekal?'' ²⁶ Jawab Yesus ka inya,''Apa am tatulis lalam Hukum Taurat? Apa am kolai baca ka lalamnya?'' ²⁷ Urang iyah manjawab,''Kasihilah Tuahan, Hatallamu, honi sagonap hatimu, honi sagonap jiwamu, honi sagonap kakuatanmu, lalu honi saganap akal budimu. Lalu, kasihlah sasamahmu kalunen bera kolai mangasihi dirimu kaniri.'' ²⁸ Yesus bapaner ka inya,''Jawabanmu iyah tepat. Karuhkan iyah maka kolai akan hirup.'' ²⁹ Akan tapi, urang iyah hona mamujurkan kanirinya, maka inya bapaner ka Yesus,''Lalu, sapakah sasamahku kalunen?'' ³⁰ Yesus manjawab iyah lalu bapaner,''Tege siku urang am turun mula Yerusalem ka Yerikho, inya jatu ka jarie para parampok am marampas pakaian umakan mahomatnya, limah iyah maningalkannya galing lalam kaadaan hona matie. ³¹ Kabetulan, siku urang imam malalu jalan iyah.Metuh inya mailae urang iyah, inya badari lalu bajalan ka sisi jalan bukan. ³² Bera iyah jam am kona karuh laie siku urang Lewi, metuh datang ka homan iyah lalu mailae urang iyah, inya malalunya bajalan ka sisi jalan bukan. ³³ Akan tapi, tege siku urang Samaria am metuh lalam pajalan lalu diah. Lalu, metuh inya mailae urang iyah, inya mansai siha kan inya. ³⁴ Lalu, urang Samaria iyah manampingnya, lalu mangobat lukanya. Inya mausutnya honi binya umakan anggur, lalu manaikan urang iyah ka tingie keledainya lalu manaingnya ka suti panginapan, lalu marawat urang iyah. ³⁵ ari paginya, urang Samaria iyah maluarkan duitnya 2dinar lalu mamorikannya ka panjaga panginapan iyah lalu bapaner,'Rawatkan urang am luka itie. Lalu, barapa jam kolai duit habis akan inya, aku akan manggantinya nanti aku baulang.''' ³⁶ Lalu, Yesus bapaner''Manurutmu, sapa ka antara ka tolu urang iyah am jadi samah bera kalunen mula urang am jatu ka jari para parampok iyah?'' ³⁷ Jawab ahli Taurat iyah,''Urang am nanunyukan balas kasihan ka inya.''Lalu, uja Yesus,''Badari, lalu karuhkan hal am samah.'' (Maria rangnua Marta) ³⁸ Metuh Yesus umakan murid-Nya lalam pajalan, Yesus tama ka suti danua lalu siku urang labini banama Marta manyamu Yesus ka dangaunya. ³⁹ Marta bagora manyari labini banama Maria am duru damping kaki Yesus lalu manongarkan pangajar Yesus. ⁴⁰ Akan tapi, Maria hurau sibuk mangawie uras gawian am harus jadi kona gawie. Marta jam damping kan Yesus lalu bapaner,''Tuhan, honta padulikah Kolai laie manyari labiniku maubahkan aku mangawie urasnya itie kaniriku? Suruh inya marompuh aku!" ⁴¹ Akan tapi, Tuhan manjawabnya,"Marta, Marta, kolai khawatir lalu mamusingkan kaniri akan banya hal. ⁴² Baya suti hal am penting. Maria jadi mamilih bagian am lobih baie, lalu bagiannya iyah honta akan tahu kona alap mula inya.''