¹ పచ్చాడియాపర్ హమ్ హమార్ దల్లేనే ధామ్ సకేకొని హమ్ ఏకాద్ ఏధేన్సు శేరేమా రేరో ఆచోకన్ కేలేన్, ² ఏ భావేటీర్ కార్ణే తమామా కుణీతీ హటో నీ సర్ కేజు, తమేనే హిమ్మత్ దేనే, తమార్ విశ్వాసేనే మద్దత్ కరేనే. ³ క్రీస్తూర్ ఆచ్ఖబర్ ప్రచార కరేమా హమాతీ భళన్ దేవేర్ కామ్ కర్ రోజకో హమార్ భాయి ఛజకో తిమోతీనే మేలే. ⁴ హమ్ తమార్ డై రాజనా అపణేనే భావేటీ ఆవెఛే కన్ తమేనే అగ్ డీజ్ మాలమ్ కీదే ఊజ్ భావేటీ ఆయికన్ తమేనే మాలమ్. ⁵ అస్ భావేటీ పాయోనజ్ అపణ్ నియంవేకన్ సదా తమేనే మాలమ్ ఏర్ కార్ణే ఆబె మనె ఒప్క్యి ఛేనిజనా, సైతాన్ తమేనె బల్లావాటేమా ఖేoఛన్, హమ్ కీదెజకో భావేటీర్ కామ్ సే వ్యర్ద్ వేజావెఛే కాయికోకన్, తమార్ విశ్వాస్ కు ⁶ అబె తిమోతీ తమార్ డైతీ హమార్ కనె ఆయొ హమ్ తమేనే దేకాకన్ హమ్ కు ఆసపడ్ రేజు, తమ్ సదా హమేనే దేకేనె హనూజ్ ఆసపడ్ రేఛోకన్, హమేనె ప్రేమేతీ హమేసా హర్దేలారేఛోకన్, తమార్ విశ్వాసేర్ కార్ణేనన్ ప్రేమేర్ కార్ణే ఖుషీతీ ఛజకో ఆచ్ ఖబర్ ఉ హమేనె కో. ⁷ వాసే భాయిబందో, హమార్ సే తక్ లిబేమా సే భావేటీమా, తమార్ విశ్వాసేనే దేకన్ తమార్ కార్ణే హమ్ హిమ్మత్ లేల్ దే. ⁸ కు కన్ కతో, తమ్ ప్రభుమా ఘట్ హూబ్ రోతో హమ్ బంచ్గే జూజ్. ⁹ పణ్ తమేనే దేకన్, తమార్ విశ్వాసేమా ఛజకో ఖోడేనే రద్ కరేనే హమేనె వకత్ దేకన్. ¹⁰ రాతన్ దియె పూరో దల్లేతీ దేవేనే మన్వికర్తే రాజనా, అపణ్ దేవేర్ హుడియాoగె తమార్ కార్ణే హమ్ పాయెజకో స్వగ్లిఖుషీర్ కార్ణే, దేవేనే ఛాజజు వందనం కేరేఛా. ¹¹ హమ్ తమార్ కన్నె ఆయెనె అపణోబాప్ ఛజకో దేవన్, అపణో ప్రభుఛజకో యేసు సూద్ వాట్ తయార్ కర్ సకేజా. ¹² ఉజ్జీ అపణ్ ప్రభుయేసు ఓర్ పవిత్తర్ జన్ సేతీ ఆవె జనా, అపణ్ బాప్ ఛజకో దేవేర్ హుడియాoగె, తమార్ దల్లేవూనె పవిత్తరేర్ కార్ణే కసాఫ్ నరజు, ఊ కాటో కరేనె ధాకద్ దఛే. ¹³ హమ్ తమార్ కార్ణే ప్రేమేమా కు దాడూదాడూవద్ తే రాజు, తమ్ సదా హనూజ్ ఏకీర్ కార్ణే ఏక్, స్వగ్లి మన్ క్యాజగు, ప్రేమేమా వద్ తే ప్యాల్ తే రోజు, ప్రభూ మేర్ కర్ సకేఛే.