¹ Valongo vangu msiyo khufwata lufuvo lwa Bwana Yeesu khilisiti, Bwana va vutukufu, hwa hupendelela vaanu fulani. ² Ngita muunu fulani de ayangilaka mumikutano yenyo afwalile ipete cha zahabu ni fwalo nofi, ³ na muhavonese uhumjali necho yula umuna fwalo inofi nuhuchova, "Tafazali uveve tame apa mahali panofi" lakhini mukhamuchovele umasikhini yula, "Uveveuyime pala," au "Tame panyi pa magulu khangu." ⁴ Je,simwiukumiyana yunye veene,nuhuva vamusiavanya mawaso mabaya? ⁵ Mupulikhichake, valongo vangu vakhelwa, je, Nguluvisiavachakwi avamasikhini va inyi ukhuva va tajili ni lufuvo nukhulisi uvutwa weavaahidile yeavakhelye? ⁶ Lakhini musaliwe vamasikhini! Je, siyo vatajili vevahavatesa unyenye,na siyo avene vevahabulusa humahakama? ⁷ Je,siyo vatajili vevilika ilitawa lila ilinofi ambalyo lyemwikhemelelwa? ⁸ Hata ewe, nde mutimisiche isheliya ya vutwa ngita sheyiyandikhilwe mamaandikho, "uhakhela ujilani vaho ngita yuve mwene," mwifanya finofi. ⁹ Lakhini uvone mpendelele baasi ya vaanu, mwitenda injanangifu, mwihukumiwa na isheliya yiveleukhuva yevidenya isheliya. ¹⁰ Khwa khuva yeyondi yei tii isheliya yondi, na bado ahigungudwikhe sheliya yondi! ¹¹ Hwahuva u Nguluvi yeachovile, "Usiziini,"ndyo pia achovile, "Usiyo khubuda." kama nde siwi zinii,lakhini wi buda, adenyile isheliyaya Nguluvi. ¹² Khwahiyo mlongelake nukhutii ngita vala ambavo mvele jilani huhukumiwa ni sheliya ya vuhulu. ¹³ Hwa khuva ihukhumu yiyicha pepasiveli ni huluma hwa vala vesivana huluma. Huluma yihitukusa hushanya mwa hukhumu. ¹⁴ Khuna vunofi gani, valongo vangu, ndee umuunu ichova alinayo lufuvo, lakhini asina matendo? Je,ulufuvo iyo yiwesa ukhumuokola? ¹⁵ Ngita valongo va khikosi au vahidala ni muhitaji va fwalo au ishahulya sha khila khigono, ¹⁶ na yumonga venyo ahavachovela, "Mhelelake hwa amani, muhayote umwoto na mlye finofi," lakhini simuhavapeleamahitaji kalasima ka mvili,io yifaa khina? ¹⁷ Hali kazalika,lufuvo yene, nde siyina matendo, yifwele. ¹⁸ Bado munu fulani iwesa uhuchova, ''wina lufuvo, na uneene ndina matendo." Ndivonese lufuvo yaho bila matendo, nayune hacha ndikhuvonesa iimani yangu hwa matendo khangu. ¹⁹ Vaamini ukhuva huna Nguluvi yeyu monga; uvele sahikhi. Lakhini majini nako kiamini ewe nuhudendema. ²⁰ Je, wisaha uhumanya, uve muunu mupumbafu, namuna sheyivele iimani iyo pesipaveli na matendo shesiyifaa? ²¹ Je, siye baba vetu Ablahamu avaliliwe ihaki hwa matendo peamuhumiche umwana vamwene u Isaka pashanya pa litehelelo? ²² Mwawene uhuva lufuvo lwa mwene lwafanyile ikhaasi na matendo khamwene, lufuvo yamwene yafishe kusudio lya mwene. ²³ Maandikho katimie kekichova, "Ablahamu amuyaminile unguluvi, na avalililwe uhuva munya haki." Ewe Ablahamu akhemelilwe lafiki va Nguluvi. ²⁴ Mwivona uhuva hwa matendo umunu ivalilwa ihaki, na siyo hwa lufuvo tu. ²⁵ Hali kazalika, je, siaveli Rahabu yula ukahaba avalililwe ihaki hwa matendo, ave avakalibise avajumbe nukhuvasindikha hwa balabala yingi? ²⁶ Hwakhuva kama vile umuvili ndesikuveli ni mbepo vufwele, denideni iimani pesiyiveli na matendo yifwele.