¹ Valongo vangu, siyo volofi venyo vitakhiwa ukhuva valimu, muyelewake yemwipata ihukhumu ngomi necho. ² Hwa khuva vondi twikosela mu njila njolofi.Kama yeyondi siaigungudukha mu maneno khamwene, uyo ye muunu mkhamilifu, iwesa ukhu suvila umuvili kwa mwene piya. ³ Lino ngita twivimba lijamu cha falasi mumilomo kyavo vahatu tii, na twiwesa uhugevusa imivili kya veene kyote. ⁴ Tambulake uhutya imeli, yivele ngomi na yisuhumwa ni libepo likali, chiongoswa hwa vusukhani vudebe sana hubita pepondi peisaha unahoza. ⁵ Deni deni,ululimi khivele khiungo khidebe sha muvili, lakhini vikhisifila amakuu sana. Lolake umusitu mkomi shekwiwesa uhuwaswa hwa cheche ndebe cha mwoto! ⁶ Ululimi piya guvele mwoto, vuvele ulimwengu wa vuofu, vuvimbilwe miongoni mwa fiungo fya muvili kwetu, ambawo hunajisi muvili kwote na huvimba pashanya pa mwoto njila ya amaisha, na vene hunyanywa mwoto kwa husimu. ⁷ Khila ayina ya khinyama sha humusoli, fidege, fyefikwava ni fiumbe fya hunyanja khisitiwa na vanadamu. ⁸ Lakhini sihuna mwanadamu hata yumonga ambaye yeiwwesa uhusibiti ululimi,ni vuchafu wesiwitulila, vumemile isumu ya hufisa. ⁹ Hwa lulimi tuhamutukusa u Bwana na Baba vetu, na hwa ulwe tuhavalani avaanu ambavo vavumbilwe hwa mfananiso kwa Nguluvi. ¹⁰ Mumulomo kukwe kwi chova amaneno ka lukhinikho ni laana. Valongo vangu amambo aka sikipaswa ukhuva. ¹¹ Je, ikhisima khimonga khiwesa ukhuhumya amakhasi kekinoga na kesikinoka? ¹² Valongu vangu,Je,mbihi kwa hulibihi kwe wesa uhubaba amatunda ka mzeituni,au msabiibu kwihogola amatunda ka humubihi? Wala himudwivudwivu sha makasi kamwinyo siyihumya amakasi kanya mwinyo. ¹³ Yuyani miongoni mwenyo yeavele ni hekima nu vufahamu? Ebu munu uyo na avonese amaisha mmema mukhasi cha mwene hwa vunyenyekefu wewihumana ni hekima. ¹⁴ Lakhini kama mnawiifu vukhali ni niya ya vubinafsi munumbula chenyo, mtanake uhwifuna nuhuchova uvudesi mwipinga isalwesi. ¹⁵ Iyi siyo hekima yila yeyiyiha hushanya, lakhini badala yakhe yivele ya khiduniya, siyiveli ya mbepo, yivele ya khipepo. ¹⁶ Hwa huva pepa vele nu wifu nuvubinafsi pevuli,khuna fulugu na khila matendo mabaya. ¹⁷ Lakhini ihekima yeyihuma hushanya, hwanja yivele safi, nekhe ukhuhela iamani, uvupole nuvukalimu, yeyimema lufuvo na matunda mema,bila khupendelela vaanu fulani,na salwesi. ¹⁸ Ni lituunda lya haki liyalwa mu amani hwa vala ambavo vitenda amambo ka Lutengamaso.