¹ Lula ghwo, u Yesu akabha isyule umbepo umwisa, akaghaluka ukufuma ulusoko u Jordani, akatangila nu mbepo mkaghamba. ² Kumashiku amalongo mana, ukwo akagheli ghwa nu setano. Akabhalilo ako atakalya, nakamu pa bhumalilo akabhalilo ako akipulika isala. ^{3 4} Usetano akamwusha, ''Linga ughwe uli mwana ghwa Chala, lilaghile ijhondo ili libhe mkete.'' U Yesu akamwamula, ''Lisimbighwe, 'Umundu atakubhakwo kunongwa jya mikate jhene.'' ⁵ Sona usetano akamulongosha pamwanya pa mwisho ughwa kaghamba, akamlangisha uchisu choshi icha pase kukabhalilo akanandi. ⁶ Usetano akamubhula, ''ingukupa indaghilo ijyha kwikata ifyisu vyoshi pampene ni fyisa vyake. Imbaghile ukubhwomba isho kunongwa fyoshi filimmaka kukwangu ifilaghile, sona imbaghile ukumpa ghweshi jhujho na mupa. ⁷ Po isho linga, ghwafulamila nukumbulika, fyoshi ifi vyoshi fikubha fyako.'' ⁸ Lole u Yesu akamwamla nu kumubhula, ''Lisimbighwe, ''Jhikulonda ukumwiputa ubhabha Uchala ghwako, na jhikulonda ukumbhombela mweneshe.'' ⁹ Pakatashi usetano akamusoghosha u Yesu ukufika Muyerusalemu nu kumubhika pabhujho ubha pamwanya ingani ya nyumba ijha chaliki nukumubhula, ''Linga ughwe uli mwana ghwa Chala, iponinya pase ukufuma pamu. ¹⁰ Papo lisimbighwe, ''Akubhalaghila abhandumi bhake bhakutule nukukulindilila, ¹¹ Tibhakwinule kumwanya nutukono twabho inga ukuti manye ghikome utulundi twako pamwanya pi jhondo.'' ¹² U Yesu akajhugha akamubhula, ''Lijhughite, ''Manye umughelaghe ubhabha Uchala ghwako.'' ¹³ Usetano ghwo amala ukumughela u Yesu, akabhuka ulwake nukumuleka ukufika pakabhalilo akanine. ¹⁴ Sona u Yesu akaghaluka Mgalilaya kumaka agha mbepo, na kapango ukumujhugha jhujhu shikabhala nukunyambannia mkati mchisu icha mpipi fyoshi. ¹⁵ Akamanyisha mkati mufipanga fyabho, bhoshi bhakampalisha. ¹⁶ Ishiku limo akagha Mnazareti, mchisu chicho akakulilamo. Isammwo shikabhela indaghilo shake akingila mchipanga ishiku lwa lwiputo, nu kwima nukubhelenga amasimbo. ¹⁷ Bhakampa ingombo ilya msololi Isaya, akalisatwa ingombo nu kwanda ubhujho jhijho bhandikite, ¹⁸ ''Umbepo ghwa Chala alipamwanya pangu, papo ambakite amafuta ukulumbilila inongwa inyisa kubhapina. Andumite pakujhugha ubwabhuke kubhapinyighwa, nukuti bhabho bhatakutesha bhateshaa sona. Ukubhapa ubhwabhuke bhabho bhakubhabhonelo, ¹⁹ Ukujhugha ichinja chicho ubhabha akulangisha amisa ghake.'' ²⁰ Sona akapinya igombo, akamghalushikisho umulongoshi ughwa chaliki, na akikala pase. Amaso ghwa bhandu hwoshi bhabho bhakabha pakati pachaliki ghakamtesha jhujho. ²¹ Akanda ukujhyugha nabho akati, ''Umusughu amasimbo ili lyafikila mufyufyo fyinyu.'' ²² Ghweshi umundu pala ashibhweni shisho akujhugha u Yesu, na bhingi mumwabho bhakaswigha na mashu agha mahala ghagho ghabhonekite pakati pamlomu ghwake. Bhakabha bhakujhugha, ''Ujhu muluminashe ughwa Yusufu, tamwomumwo?'' ²³ esu akabhabhula, ''Naloli timujhughe injugha ijhi kukwangu, ''Tabibu, ghwipoke ghwi mwene. Shoshi shisho twashipulika, ukubhomba Mkapelenaum, bhomba panu pope pachipanga chako.'' Sona akajhugha, ²⁴ ''Naloli ingubhabhula umwe, najumo umsololi jhujho bhakumwitika pakati pachisu chake.'' ²⁵ Lole ingubhabhula umwe naloli ukuti pakabha nu bhafyile bhingi mu Izilaeli pakati pakabhalilo aka Eliya, papo ibhingi likipinga kutakabha nifula kufyinja fitatu nakanadi, akabhalilo kako kukabha ni sala ingulu pakati pachisu choshi. ²⁶ Lole Eliya bhatakatumighwa na jhomojhwene kukwako, lole kumufyile jhumujhweneshe akikala Sarepta papipi nakajhaaka Sidoni. ²⁷ Sona, kukabha na bhamaketa bhingi muislaeli pakati pakabhalilo ka elisha umsololi, lole najhumo na jhumajhwemchene kukwobho jhujho apolite lole ingwitika umundu ughwa Msiria. ²⁸ Abhandu bhoshi mkati mchipangaa bhakisula ubhagwa ghwo bhaghapuli agha ghoshi. ²⁹ Bhakima nukumtangisha ukufika kulubhafu ulwa kaghamba na pasoni papo isokoni lyabho likasengigwa pamwanya inga bhaghele ukumutanga pase. ³⁰ Lole akaghenda akisa pakati papabhwo nu kubhuka ishake. ³¹ Sona akilomuka Mukapelenaum, pakati pachisu icha Mgalilaya. Ulwiputo lumo akabhwa akumanyisha abhandu mkati mchaliki. ³² Bhakaswigha ni fimanyisho fyake, papo akamanyisha kundaghilo. ³³ Po ishiku ilyo mkati mchaliki, kukabha numundu akabha ni ndumbula iya mbepo inyali, sona akalila kwishu ihya pamwanja, ³⁴ ''Tulinakoni nughwe, Yesu ghwa Mnazaleti? Ghwishila pakutughogha? Imenye ughwe ghweghini ughwe ulimsangalufu ghwa Chala!'' ³⁵ U Yesu akamupwatile imbepo akati, ''Sumba ughwe mmie, sona utile mumundu ujhu!'' Imbepo jhila jhikamughwisha umundu jhula pase pakati papabho alamtila umundu jhula atakamubhikila nubhubhafu nabhumo. ³⁶ Abhandu bhoshi bhakaswigha, nukughenda nukujhugha imbombo isho gweshi jhumo nu munine. Bhakajhugha, ''Ukuti mashu gha chokolo chiki agha?'' Akwamulisha indumbula inyali kundaghilo isha maka sona tibhatile.'' ³⁷ Po inongwa pamwanya pa Yesu shikongela mulubhafu mwosho pakati palubhafu papo pakushungulila umkoa ujho. ³⁸ Sona u Yesu akatila pakati pachisu icho nu kwingila pakati panyumba iya Simoni. Lole, umama umajhifyala ghwake u Simoni akabha bhinite isekema ingulu, na bhakamsuma kukwake. ³⁹ Apo, u Yesu akabhijhila, akajhikana isekema jhikamulekela. Nakalinga akima na kwanda ukubhabhombela. ⁴⁰ Isubha lulwo likabha likukila, abhandu bhakamwisila u Yesu gweshi jhumo akabha mubhwine gwa sekema shoshi shila. Akabhika utukono twake pamwanya iya gweshi umubhine nukubhaposha bhoshi. ⁴¹ Imbepo shila shatilite abhingi bhabho bha kakutagha ishu nu kuti, ''Ugwe ulimwana ghwa Chala!'' U Yesu akabhapwatila amapepo atakabhitikisha ukujhugha, kunongwa jhijho bhakamanya ukuti umwene alighi Kristi. ⁴² Akabhalilo ghokwajha pakucha, akabhuka kukwo kutaana bhandu. Ulukomano ulwa bhandu bhakabha bhakumulonda sona bhakisa pakati palubhafu papo akabha. Bhkaghela ukumushingila manye ayange pabhutali nabho. ⁴³ Lole akabhabhula, ''Jhikundonda ukuti indumbilile inongwa inyisa isha bhunyafyele ubha Chala pakati pachisu ichinine ichingi, papo ijhi nongwa jhijho ingisila panu.'' ⁴⁴ Sona akaghenda nukulumbilila mkati mchaliki pakati palwayahudi bhoshi.