¹ Popo kakafika akabhalilo kako abhandu bhaka mubhunganikila nu kumushungulila u Yesu nu kupulikisha amashu agha Chala, sona akabha imite kumbafu kunyanja ijya ku Genesareti. ² Akaghabhona amato mabhili bha ghimikiti kumbafu kunyanja. Abhalabhi bhakabha bhafuma mukulobha bhali pakusuka injelo shabho. ³ U Yesu akingila mubhwato bhumo, bhubhwobhu kabhabhwa Simoni nukumusuma abhubhike ubhwato mumishi kubhutali panandi ni chisu ichikafu. Popo akikala nakwanda ukumanyisha ukufuma mubhwato. ⁴ Akanda, ukumubhula u Simoni, ''Ukuti bhuka nu bhwato bhwako mpaka pakati pamishi nu kwisha injelo shako nu kwanda ukutobha iswi.'' ⁵ U Simoni akamula akati, songo, twabhumba imbombo bhushika bhwoshi, tutakolite nakamu, lole kumashu ghako itinishe injelo. ⁶ Bhwo bhabhomba isa bhubhubhwo bhabhunga nishe iswi inyingi ni njeo shabho shikanda ukukonoka. ⁷ Popo bhaka bhitisha abanine bhabho bhakabha mubhwato ubhunine ukuti bhisebhafwane. bhisusha amato ghoshi ghakanda ghase nu kwanda ukutwibha. ⁸ Sona u Simoni Petro, bhwo ashibhona shishi, akaghwa mufipetufya jYesu akati, ''Tila kukwangu, papo une indi mubhomba mbibhi Chala.'' ⁹ Papo abhandu abhiingi bhakanda ukuswigha, sona bhoshi bhakabha pamupene naghwe mukushikula iswi shisho bhakashilondagha. ¹⁰ Ishi shikabhongania abho Yakobo nu Yohani umwana ghwa Zebedayo, bhabho bhakabha pamupene nu Simoni. Sona u Yesu akamubhula u Simoni akati manye, ''Ghwoghopaghe, papo ukufuma umusughu nu kwendelela itu ushikulaghe abhandu.'' ¹¹ Bhwobhisa na mato ghabho kuchisu ichikafu, bhakakaleka kila kandu nu kumukonge umwene. ¹² Shika bhoneka ukuti bhwo au muchisu chimo, umundu jyumo jyujyo akabha nubhubhine ubhwa makete akabha ali kulakula. Bhwo amubhona u Yesu, akaghwa afulamila ichemi chake mpaka pachisu nuku msuma utichala linga kulonda ubhaghile ukuhobhokela.'' ¹³ Sona u Yesu akagholosha akakono kake nu kumweghelesha, nukujyugha, ''Ukuti ingulonda. Upone.'' Akabhalilo kalakala bha apona. ¹⁴ Akamulaghila ukuti manye amubhulaghena jyumo umundu lole akamubhula akati, ''Bhukagha kukwako, ujye ghwilangishe kubha chungajyi sona utishe ifya bhupe fifyo ulinafyo kunongwaijya kuti ghwapona isapapo u Musa akajyughila, nukwilingania kwako.'' ¹⁵ Popo inongwa shake shikaghenda mupa kubhutali ingani, ni chilundilo ichikulu icha bhandu bhakisa pakupulikisha bhwo akumanyisha nu kuposha abha bhine ghabho. ¹⁶ Lole akabhalilo koshi akipaghulagha mwene nu kwiputa. ¹⁷ Kakafika akabhalilo kamu akabha akumanyisha, bhakabha bhalipo abha Farisayo na bho mwalimu abhandaghilo bhikile ukufuma nfijyijyi ifya mu mukowa ughwa Galilaya nu Yudea, sona bhamu bhakafuma kukajya aka ku Yerusalemu. Amaka agha Chala ghakabha pamupene na ghwe ukuposha. ¹⁸ Abhandu bhakisa bhapimbite umundu mubhulili jyijyo akabha nu bhubhine ubhwa kulala, bhakalondagha isila ijyakumwingisha mukati ukuti bhamughoneke base pandashi ijya Yesu. ¹⁹ Bhatakajyagha isila ijya kumwingisha mukati kunongwa jya chilundilo, po bhaka kwela pamwanya pamalata nu kumwisha umundu jyula ukwendelela pamalata, nu kwenda pakati pabhandu nukumubhika pandashi pa Yesu. ²⁰ Akabhatesha ulwitiko lwabho, akajyugha, ''Mumanyani, imbibhi jyako ghwa hobhokeli ghwa.'' ²¹ Abhandishi na Mafarisayo bhakanda ukubhusha ukuti , ''Ujyughwini jyujyo akujyugha ifujyo? Hgwini abhaghile ukuhobhokela imbibhi lole ghwi Chala mwene?'' ²² Lole u Yesu, akamanya shisho bhakinong'onagha, akabhamula nukujyugha, ''Ukuti koni mukubhusania mundumbula shinyu? ²³ Koni kapepe ukujyugha, 'Imbibhi shahobhokelighwa' pamu ukuti 'Ima ughendaghe?' ²⁴ Lole mumanye ukuti umulama ghwa Adamu alinandaghilo pachisu isha kuhobhokela imbibhi, ingukubhula ughwe, 'Anyatuka, egha umukwela ghwako ubhukaghe ku kajya kukwako.''' ²⁵ Akabhalilo kakako akanyatuka pandashi jyabho sona akegha umukwela ghweke ghughwo akaghonela. Popo anda nukubhuka kukajya jyake nu kumupala Uchala. ²⁶ Abhandu bhoshi bhakaswigha nu kumpala Uchala. Bhaakabha nu bhwogha, bhakajyugha ukuti, ''twashibhona imbombo imbala pala umusughu.'' ²⁷ Bhwo imbombo ishi sha bhoneka, u Yesu akafuma ukwo nukumubhona umusongesha songo u Lawi ikile pabhujyo ubhwa kubhungani kisha isongo. Akamubhula akati, ''Ingongaghe.'' ²⁸ Popo u Lawi akanyatuka nu kumukonga, akakaleka kila kandu kunyuma. ²⁹ Popo u Lawi akatendekesha ifya kulya kunyumba jyake ifyingi kunongwa jya Yesu. Bhakabhapo abhasongesha isongo abhingi nabhandu abhingi bhakikala pamesa bhakalyanga pamupene nabho. ³⁰ Popo Amafalisayo na bhasimbi abhene bhakanda bhabhajyughagha abhasukulu, bhakajyu ghagha bhakatingi, ''Koni kako mukungwa nukulya na bhasongesha songo pamupene na bhandu abhanine abhabhomba mbibhi?'' ³¹ U Yesu akabhamula, ''Abhandu bhabho bhali nimibhili imyisa bhata kulonda ubhughaga, bho bhala bhene bhabho bhabhinite bhobho iti bhakamulondaghe jyumo. ³² Indakisa kukubhitisha abhandu abhagholofu, ukuti bhilataghe.'' ³³ Bhaka mubhula, ''Ukuti akabhasukulu abha Yohani akabhalilo akingi bhakafungagha nu kusuma, na bhasukulu abha Mafalisayo bhope isa bhubhu bhwo bhakafunga. Lole abhasukulu bhako bhakulya nu kungwa.'' ³⁴ U Yesu akabhabhula, ''Jyikulondighwa umundu ghweshi akabhabhula bhoshi bhabho bhakisa kubhweghi ubhwa mundu ghwa bhwighi ukupinga akabhalilo ughwa bhweghi akali ali pamupene nabho? ³⁵ Lole amashiku ghakwisa ghagho ughwa bhweghi iti bhaka mutishe kukwabho, popo kumashiku agho iti bhakafungaghe.'' ³⁶ Popo u Yesu akajyugha nabho sona kuchifwani. ''Atalipo na jyumo akunyapula ichipande ichamwenda ukufuma kumwenda umupya nukuchibhombela ukutendekesha umwenda umukulu linga abhomba bhubhubhwo, iti anyapule umwenda umupya, nu chipande cha mwenda ukufuma kumwenda umupya chitachibhe chisa ukubhombela nu mwenda nu mwenda ghwa kufwala bhwila. ³⁷ Sona, atalipo najyumo umundu jyujyo akubhika ubhwalwa ubhupya mfitobho ifikulu. Linga bhwo ajya bhubhubhwo, ubhwalwa ubhupya bhu kulandula ichombochila, nu bhwalwa bhukukupuka, nifitobho fikukomanika. ³⁸ Lole ubhwalwa ubhupya mpaka bhubhikighwe mufitobho ifipya. ³⁹ Sona atalipo umundu najyumo jyujyo bhawo ang'wa ubhwalwa ubhukulu,utaulonde ubhupya, papo bhakujyugha, 'Ijya bhwila nyisa.'''