¹ Po, muchincja cha kolongo na tuhanu pa bhulaghili ubwa Kaisari Tiberia, akabhalilo Pontio Pilato akabha mala tyaale gwa chisu cha bhuyuta, u heroti akabha gwisongo gwa chisu ichosongo icha mu Galilayi, nu Filipo ugwa mwabho akabha gwi songo gwa chisu icha Iturea nu Trakoniti, u Lisania akabha gwi songo muchisu cha Abilene, ² Na kabhalilo ka bhulongoshi ubwo songo ubwa Anasi nu Kayafa, ilishu lya Chala likamubhu kila u Yohani umwana gwa Sakaria, mulungalangala. ³ Akachula muchisu choshi ukushungulula ulusoko Yordani, akalumbililagha ulwosho lwa kuhobhokela ku nongwa ya kuhobhokela imbibhi. ⁴ Isa mwo chikasimbigwa mukati muchitabhu icha mashu gwa , ''Yasaya umukunguluka, ''Yitendekeshange nganila isila ya malafyale, mubhutendekeshange ubhughendo bwake bwo bhugholokite. ⁵ Kukuti ndebhela tijikisule, kukuti fighamba ni chighamba tipikatengane, imisebho ya yipindanite tishikagholole, nisila sho shipalasigwe tishikandekeshi gwe. ⁶ Abhandu bhoshi tibhakabhone ubwosongo bwa Chaala.'' ⁷ Po, u Yohani akachibhula ichilindilo ichikulu cha bhandu bho bhakamwisila ukuti bhoshigwe nagwepe, ''Numwe bhupapi bwa njoka ingali,gwini abhasokite ukubhukinda ubhukalale bwo bhu kwisa? ⁸ Mupapaghe iseke shoshi kukongana nu kwilata, sona manye mwa ndaghe ukuyugha mukati mumwinyu, ''Tulinagwe Ablahamu yuyo gwi bhabha gwitu; papo ngubhabhula ukuti, Uchaala abhaghile ukumwinulila Ablahamu abhana nukufumila kumayondo agha. ⁹ Isembelibhikigwe nganila kumushu gwa mikokwe. Po, kukuti mukokwe ghugwo ghuta papa iseke inyisa, ghukukendigwa nu kutagha mu mulilo. ¹⁰ Po abhandu mukati muchilundila bhaka mubhusha bhakati, ''Ulu tukulondigwa tukesheki?'' ¹¹ Akamula nu kubhabhula, ''Linga umundu ali nimisekesha mibhili akulondigwa atishe iselekesha limulyene ku munine yo atanalyo nalomo na yuyo ali nifyakulya ingabhomba isa bhubhubwo.'' ¹² Po pitashi abhasongesha songo bha kisa bhope kukwoshigwa, po bhakamu bhula, ''Mumanyishi, tukulondigwa tubhombe koni? ¹³ Akabhabhula, ''Manye mubhunga niange ihela ukukinda shisho shikulondigwa ukubhungania.'' ¹⁴ Bhamuabhashikali bhope bhaka mubhusha bhakati, ''Nga utwe? Tukolo ndigwa tubhombe koni?'' Akabhabhula, ''Manye mweghaghe ihela ku mundu nibhu myashi. muyilanaghe ni mifwalo yinyu.'' ¹⁵ Po, abhandu papo bhali nu bhushukwe bwa kumulindilila Ukristi yuyo akwisa, kukuti mundu ali ninyinong'ono mumwoyo gwake kwa Yohani ukuti gweyo gwi Kristi. ¹⁶ U Yohani akamula nu bhabhula bhoshi, ''Une ngubhosha umwe ku mishi, lole kuli na yuyo akwisa jujo ali na maka ukunginda une, ndabhaghile nukusatula utughoye twa filato fyake. iti akabhoshe umwe kwa mbepo umweli na kumulilo. ¹⁷ Uluselo lwake lulimutukono twake lukusuka akisa ubhujo bwake bwa kupetela ingano nu kujibhungania ingano mwighula lyake. Lole, takaghapembe amapushi nu mulilo gwo ghuta kushima. ¹⁸ Kusoki inine inyingishe, alumbilile utupango utwisa kubhandu. ¹⁹ Yohani amukemile nu Heroti usongo gwa chisu nukumwegha u Helodia, umukagwa mwabho na kubhubhibhi ubhunine ubwingi bhubwo u Helodi abhubhombite. ²⁰ Lole pakatashi u Heloti akabhomba ubhibhi ubhunine ubhubhi ngani. Akamupinya u Yohani mujela. ²¹ Sona shabho nekite ukuti, akabhalilo abhandu bhashi bwo bha kwoshigwa nu Yohani, gwepe u Yesu oshigwe nagwe. Akabhalilo bwo akwiputa, kumwanya kwighukite. ²² Umbepo umwisa akika pamwanya papake kuchifwani cha chimubhilibhili isa kakunda, nukabhalilo kalakala ilishu ukufuma kumwanya likayugha, ''ugwe uli mwanangu mughanigwa. Nisekelile ngani nugwe.'' ²³ Po u Yesu jujo, bwo akwanda umanyisha, ali ni fyinja fifyo fyali amalongo matatu. Akabha mwana (isamwo shikabheligwa) gwa Yosefu, umwana gwa Eli, ²⁴ Umwana gwa Matati, umwana gwa Lawi, umwana gwa Melki, umwana gwa Yana, umwana gwa Yosefu, ²⁵ Umwana gwa Matathia, umwana gwa Amosi, umwana gwa Nahumu, umwana gwa Esli, umwana gwa Nangai, ²⁶ Umwana gwa Maati, umwana gwa Matathia, umwana gwa Semeini, umwana gwa Yosefu, umwana gwa Yuda, ²⁷ Umwana gwa Yoanani, umwana gwa Resa, umwana gwa Zerubabeli, umwana gwa Shealitieli, umwana gwa Neri, ²⁸ Umwana gwa Melki, umwana gwa Adi, umwana gwa Kosamu, umwana gwa Elmadamu, umwana gwa Eli, Umwana gwa Yoshua, umwana gwa Eliezeri,, ²⁹ umwana gwa Yolimu, umwana gwa Matathi, umwana gwa Lawi, ³⁰ Umwana gwa Simeoni, umwana gwa Yuta, umwana gwa Yusufu, umwana gwa Yohana, umwana gwa Eliyakimu, ³¹ Umwana gwa Melea, umwana gwa Mena, umwana gwa Matatha, umwana gwa Nathani, umwana gwa Dauti, ³² Umwana gwa Yese, umwana gwa Obeti, umwana gwa Bohasi, umwana gwa Solomoni, umwana gwa Nashoni, ³³ Umwana gwa Abinadabu, umwana gwa Aramu, umwana gwa Hesloni, umwana gwa Pelesi, umwana gwa Yuda, ³⁴ Umwana gwa Yakobo, umwana gwa Isaka, umwana gwa Abrahamu, umwana gwa Tera, umwana gwa Nahori, ³⁵ Umwana gwa Seruig, umwana gwa Ragau, mwana gwa Pelegi, mwana gwa Eberi, mwana gwa Sala, ³⁶ Umwana gwa Kenani, umwana gwa Alfaksadi, umwana gwa Shemu, umwana gwa Nuhu, umwana gwa Lameki, ³⁷ Umwana gwa Methusela, umwana gwaHenoko, umwana gwa Yaredi, umwana gwa Mahalalei, umwana gwa Kenani, ³⁸ Umwana gwa Enoshi, umwana gwa Sethi, umwana gwa Adamu, umwana gwa Chaala.