¹ Sona kumashiku agho, tijikabhe ukuti Kaisari Agusto akabhabhula bhoshi akati tiyike ghingwe inamba ya bhandu bhoshi bhabho bhali pachisu. ² Iyi yikabha namba ya kwanda yiyo yikabhombiwa akabhalilo mu Krenio nu gavana wa Siria. ³ Kila mundu akabhuka kukaya kake kukwandikisha inamba. ⁴ Wepe u Yusufu akatila kumuji wa Nazareti ku Galilaya nukuchulila ku Yudea muchisu cha Bethelehemu, kukwo kukubhoneka uti chisu cha Daudi, papo akafuma kuchikolo cha Daudi. ⁵ Akabhuka kukwandikisha pamupene nu Malianu, yuyo akabha pabhungwamu ukuti abhe nu mwana. ⁶ Po yikabhoneka ukuti, lingabhabha kulakula akabhalilo kakupapa umwana akuwa. ⁷ Akapapa umwana umulisha, uwakwanda, wake akamwifunika imyenda mumubhili ukumushighila imbepu umwana. Popo amubhika pitembe lyakulishikisha ifinyamana, papo yitakabhapo inafasi mumyumba sha bhahesha. ⁸ Kuchisu chila bhakabhako abhamu chungaji bhaka ghonagha kwishamba bhakalindililagha abhonangoshi bhabho pabhushiku. ⁹ Nakalinga, umbepo wa Utwa akisa ukufuma kwa Utwa kukelupa nkwa bhashungulila bhakabha nu mwoghaleka. ¹⁰ Popo umalaika akahabhula, ''Manyamwoghopaghe, apo ingubhe ghela amashu amisa ghagho tighakise nulusekelo ulukulu kubhandu woshe. ¹¹ Umusughu u Yesu apapigwa kunongwa yitu kumuji wa Daudi! Umwene weyo wi Kristo Utwa! ¹² Aka koko kapango timukabhe nakoti mukamwaghe umwana bhamupinyite imyenda aghonite mwitighi lya kulishikisha ifinyamana.'' ¹³ Nakalinga kukabha na bhandu abhingi ukufuma kumwanya, yabha pamupene na bho malaika ukumupalisha Uchaala, nukuti, ¹⁴ ''Ubhutwa bwa Chaala yo alikumwanya ngani, ulwitiko bhe pa chisu, kubhoshi bhabho bhaghaniwe nawe.'' ¹⁵ Po yabha yakuti abhafundigwa gwo bhabhuka kumwanya, abhachungaji bhayughisaywa bhene bhene, ''Tubhukenga ku Bethelehemu, tukateshe ichi chabhoneka, chicho Utwa utumanyishanga.'' ¹⁶ Bhakaghendelela kula nukumwagha u Maliamu nu Yusufu, bhakamu bhona umwana ang'onite mwitighi lya kulishikisha ifinyamana. ¹⁷ Wobhatesha bhakabhabhula abhandu chicho bhabhabhula ukukongana nu mwana. ¹⁸ Bhoshi wo bhapulika amashu angha bhakaswigha shila shisho abho muchungaji bhayugha. ¹⁹ Lole u Maliamu akendelela ukwinong'ona ukukongana, namashu ghagho apulika, aghasengula mumwoyo wake. ²⁰ Abhomuchungaji bhakaghalukagha ukupalisha nukuutufya Uchaala kumashugho bhakapulika ukuyughi gwa kwabha. ²¹ Wo lyafika ishiku lya nane, kakabha kabhalilo kakumutaili umwana, bhakamwita ingamu wi Yesu, ingamu yiyo akapeliwa nu malaika wo ukufukwe lukali mukati. ²² Ishabho gwoshikali ukufika, ukukongana nishelia sha Musa, Yusufu nu Maliamu bhakabhuka nawe kukanisa ku Yerusalemu ukubhika pandashi pa Utwa. ²³ Isapo yikandikiwa shelia ya Utwa, ''Iseumulisha yuyo akwibhula ulufukwe takabhe yuyo afumite wakfu kwa Utwa.'' ²⁴ Bhope palapala bhakisa pakutisha isadaka ukukongana naghagho ghayughingwa pa shelia ya Utwa, ''Amakundi gha jiwa sona amakundi mabhili aghajiwa.'' ²⁵ Tesha, pakabha nu mundu kuchisu cha Yerusalemu yuyo ingamu yake akabha wi Simeoni. Umundu uyo akabha mughaniwa wa Chaala. Umwene akabha ukulindilila ukubhatesha abha Israeli, numbepu mwikemu akabha pamupene nawe. ²⁶ Yikabwa yifunuliwa nawe ukughendela umbepu umwikemu ukuti umwene gali akafya wo akali ukumu u Kristi wa Utwa. ²⁷ Ishiku limo akisa mukati mukanisa alongoshiwa nu mbepu mwikemu. Papo abhowise bhakisa numwana, u Yesu, kughala ghagho ghakulondiwa ukubhatika, ²⁸ Popo u Simioni akamupokela mutukono twake, nukumupalisha Uchaala ukuti, ²⁹ ''Po mubhule umutumishi wako abhukaghe nulutengane Utwa, ukukongana nishu bwako. ³⁰ Bhubwo bwabhoneka pamaso gha bhandu bhoshi, ³¹ (Ambao umeonekana kwa macho ya watu wote). ³² Umwene lumuli nimbombo sha bhapanja nubhukulu bwa bhandu bha Israeli.'' ³³ ubhana nu mama ubhana bhakaswigha kumashu gho ghakayughingwa kunongwa yake. ³⁴ Popo u Simioni akabhasaya nukuyugha kwa Maliamu umama wake, ''Pulikisha gani! Umwana uyu takabhe wa kusobha nu kwokoka kubhandu abhingi ku Israeli sona chilapilo chicho abhandu abhingi tibhakabhe nacho. ³⁵ Sona umupanga tighu kalase isila yako wimwene, inga ukuti inyinongono shako ishamukati inyingi shibhe pa bwelu.'' ³⁶ Umukunguluka umukokolo akabha wi Ana wepe akabha mukanisa. Umwene akabha mulindu wa Fanueli ukufuma akaya ka Asheri. Akabha ni myaka myingi leka. ³⁷ Wepe akabha numlisha wake akikala nawe imiaka saba wo bheghana, Popo akabha mufyele kumiaka themanini na ine. Wepe atakalondagha ukutila mukanisa akabha akwendelela ukumwiputa Uchaala kamupene nukufunga, nukusuma pa bhushiku na pamusi. ³⁸ Sona akabhalilo, kata akisa palapo bhali akanda ukumupalisha Uchaala. Akangalagha nu mwana wakila mundu yuyo akalindililagha ubhukombozi bwa Yerusalemu. ³⁹ Wo bhamala kila kandu kako akabhombagha ukukongana ni shelia ya Utwa, bhakaghaluka ku Galilaya, kwabho, Nazareti. ⁴⁰ Umwana akakula, abhanamaka akongelagha, amahala ni nema ya Chaala yikabha pamwanya pa ke. ⁴¹ Abhowise bhake kumwaka bhaka bhukagha ku Yerusalemu kunongwa ya sikukuu ya Pasaka. ⁴² Wo abha nimiaka kumi na mbili, bhakabhuka sona kukabhalilo kako kakolondi gwa kusikukuu yao. ⁴³ Sona wo bhashala amashiku ghoshi, kunongwa ya sikukuu, bhakanda ukughaluka kukaya. lole umulu miana u Yesu akashala kunyuma kwo ku Yerusalemu nabhowise bhatakamanya ishi. ⁴⁴ Bhakatingi wepe alimwo musafari yabho yiyo bhakachulagha nawe bhakachula isafari ya lishiku. Popo bhakanda ukumulonda mubho wamwabho na mubholafika bhabho. ⁴⁵ Wo bhapotwa ukumwanga, bhakaghalula ku Yerusalemu bhakanda ukumlonda kukukwo. ⁴⁶ Yabha yakuti ishiku ilia bhutatu, bhakamwagha makanisa, abha ikile pakati pabho mwalimu, nukubhabhusha amaswali. ⁴⁷ Bhoshi bho bhakamupulikishanga bhakaswigha nu bhufahamu bwake namajibu ghake. ⁴⁸ Wo bhamubhona, bhakaswigha. Umama wake akamubhula, ''Mwana wangu, kuni bhambombela ishi? Pulikiaha, ubhabha wako nune twakulondagha kubhusulumanywa ubhukulu.'' ⁴⁹ Akabhabhusha, ''Koni kako mwandondagha? Mutamenye ukuti ingulondingwa imbe munyumba ya bhabha wangu? ⁵⁰ Lole bhatakamanya chicho ayughila amashu agho. ⁵¹ Popa akabhuka nabho pamupene mupaka kukaya Nazareti sona akabha pulikagha. Umama wake akasengula amashu ghake mundumbula . ⁵² Lole u Yesu akendelela ukukula namahala nukubha wisongo, sana aghanigwa nu Chaala na bhandu.