1 Abhingi bhakwijyula ukubhika papo ibhatiko sya tupango tutwo masyu agha ghitikisiwe pakati pa mwitu, 2 samumwo bhatu bhulile utwe bhabho bhafumile bhandilo bhakuti bha kumaso nu bhabhobheli bha bhajyumbe. 3 Nalole une pipi, bhaketile kubwanalole kubwandilo kubwando wa bhombo isi syosa ukufuma kuwandilo isiketile ukuti nyisa kukwangu nakusibha ndupatiko lwake gwakwimilila Theofilo. 4 Pakuti ukubha na maha aghakumanya ubhanalole bha bhombo shakumanyisya. 5 Popo mashiku gha Herodi, umtwa gwa Yudea, pali nu mpiti jyumo ujyutishi gwagha Zekaria, gwa chikolo cha Abiya. Umkolo gwake afumile kumlindwana gwa Haruni, nilita lyake bhamwitishagha Elizabeti. 6 Bhoshi bhali nubwanalole kumaso gha Chala; bhendagha kishita mbibi mundaghilo shoshi kangi na mndaghilo sha Mtwa. 7 Lole bhatali numwana, kunogwa jyakuti Elizabethi ata papagha nakutubhalilo utwo fwoshi bhabhili bhali bhalghame ngani. 8 Popo syafumile bhuno u Zakaria ali mkati ambepo mwa Chala, bha akubhamba ibhombo gya bhuputi ukukongana ulubatiko lwa kabhalilo kake. 9 Ukongana ni mila shabha isya kusala jyumu uputi jumo jyujyo akubhomba ali asaligwe kukula ukwingila mkati mchipanga cha Mtwa papo nukufukiza ubhuvumba. 10 Ichibhughatia choshi icha bhandu chali chiputagha pase akabhalilo kakufukiza ubhufumba. 11 Popo ugwandumi gwa Mtwa alisile alinile palubhavu gwa kukalilo ku madhabahu ya kufukiza. 12 U Zakaria anyomwike bha abhona; ugwagha bwagwashi she. 13 Lole ugwa ndumi abhulile manye, ''Gwoghopage Zakaria, papo nyinyiputo sipulike. Umukolo gwako Elizabeth indi apape umwana. Ilita lyake indi mwite Yohana. 14 Indi ukabhe nulusekelo nukusala, nabhinji indi bhaka kusekela ukapapi bwa kwake. Papo indi akabhe mkulumba pa cheni pamaso gha Mtwa. 15 Atali akanjwe idivai pamo ifyakungwe ivikali, indi akisule umbepo umwelu ukufuma mlyanda mwa mama gwake. 16 Na bhandu abhinji mwa Israel indi bhakamwitike Mtwa Uchaala ghubho. 17 Indi akaghende mcheni kumaso cha Mtwa mkati mwumbepo na maka gha Eliya. indi akabhombe bhubhu ukughomosha indubhula jya bhabha kubhana pakati batabhaghile kutibhakaghende mmahala ghabha bhali nu bhanalali. Indi akabhabhe bhubhu ukabhabhika ukwijyanda kwa Chaala gwa bhandu abha bhabhikigwe kunongwa jyake.'' 18 U Zakaria mwamwile ugwa ndumi, ''Indingamanye bhulele? Papo une ndimgome nukolo gwangu ifijwa vyangu fyabha fingi ngani.'' 19 Ugwandumi amwamwile nukujyugha, ''Une nimile mcheni mwa Chaala. Indumi gwe kukubhula ilisyu ili inunu.'' 20 Teshe, ufaukajyughe, ufi ubhe utakajyughe kujyugha pishiku ilyo ibhombo ijyo jyikwakubhoneka. Papo utoligwe ukwitika amashu gangu gango itighakafikile kutubhalilo tuto.'' 21 Popo abhandu bhali bhamubhulagha u Zakaria. Bhasweghile popo lili akile akabhalilo akingi mchipanga. 22 Lole bha afumile pashe atajyugha nabho. Bhamenye ukuti afiwene ivilanta bhaali mchali chi. Endehile kulangisha icholangisha ashalitie chimya. 23 Akafua kumashiku gha bhubhobhili mwake bhashamali akabhuka ana gharuka kukafya kukwake. 24 Bho u Zakaria ghaluka kukajya ukufuma kubhubhobhi mwu mchali chi, umkolo gwake akabha nulufukwe. Gwope afumile mmnyumba jyabho kutubhalilo twa mieshi mihanu. Ajyughile, 25 ''Ili lilyo u Mtwa ali bhabhile kukwangu bhakalitesha ukumpendea nukumtisha ishoni jyake ncheni mbhandu.'' 26 Popo, pakati umwenzi gwa tuhanuna kamo gwa ulufukwe lya Elizabeti, Uchaala akamubhula ugwandumu u Gabrieli ukubhuka mkajya ka Galilaya kakwitishiwa Nazareti, 27 Kumlindwa jyujyo asingiliwe numlisha jyujyo ilita lyake ali gwe Yusufu. Umwe akabha gwachikolo cha Daudi, ilita lyake umlinawa ujyo ali gwe Maliamu. 28 Akisa kukwake nu kujyugha, ''Nukumlamuka, ugwe umwabhilile ichisa ichikuli! Uchaala aghanigwe nugwe.'' 29 Lole amasyu agha gwandumi ghamchangenyie atamenie koni ughandumi akujyugha nukundamuka aka koshwingo kukwangu. 30 Ugwandumi amubhulile, ''Utabhe mwagha, Maliamu, papo uchaghile ichisa ukufuma kwa Chaala. 31 Tesha, utigweghe ulufukwe mkati mlwanda lyako indi ukapape umwa. Nugwe indi ukamwitishe ilita lyake 'Yesu.' 32 Indi akabhe mkukulu nukwitishiwa mwana gwa jyujyo ali kumwanya ngani. Umtwa Uchaala indi akampe ichitengu cha bhutwa cha Dabiti ubhabha gwane. 33 Indi akatabhale pamwanya pachikolo cha Yakobu bhila nu nubhunya fyale bwake kutwikukabhenu bhumalikilo. 34 Umaliamu amwamwile ugwandumi, isi sikukufumia msila siki, papo ndaghonite lumo numlisha jyumo? 35 Ugwandumi amwamile nu kujyugha, ''Umbepu umwelu indi akakwisile pamwanya papako na maka gha jyujyu alipamwanya ngani indi akise pa mwanya jyako. Panogwa jyakuti mwelu jyujyo, akwakupapigwa indi bhakamwitishe mwana gwa Chaala. 36 Na uteshe, ugwamwinu gwako Elizabeti ali chifumba cha mwana jyujyu utubhalilo ywa bhughome. Ilino mwezi wa tuhanu na kamo kukwe, jyujyo bhamujyugha ukuti atakupapa. 37 (Maana hakuna lisilowezekana kwa Mungu.'') 38 Umaliamu ajyughile, ''Tesha, unune indibhobhili gwako umkolo gwa Mtwa. Sheleke shebhe kukwangu samumo ubhujyughi bwako.'' Popo ugwa ndumi amlekite. 39 Popo pakati pamasiku ago Umaliamu atilile lubhilo abhukile pakati pakajya pa vighamba vyo vilili, namishi mchisu cha Yudea. 40 Abhukile mnyumba jya Zakaria nu kumulamuka uElizabeti. 41 Popo, afumile kwa Elizabeti bhaapulike ukalamuka kwa Maliamu, umwana mlyanda lyake anyelite nu Elizabeti apokelite umbepu umwelu. 42 Akutile ilishu lyake nukujyugha kulishu ilikulu, ''Usajigwe ugwe ngoni vilundilo fya bhakolo numwana jyujyo alimlwanda lyako asajingwe. 43 Poshili bhulele kukwangu papo umama gwa Mtwa shambhaghi ukwi kukwangu? 44 Popo mteshe, syebho pulike mfyufyo fyangu ilishu ilya kulamuha ugwe umwana mlwanda lwangu anyelite nukusekela. 45 Po asajingwe umkolo jyula jyojyo amwitike akufumia umwololo gwa bhambo ghila shajyughiwe ukufuma kwa Chaala.'' 46 Umaliamu ajyughile, mmwojyo gwake ngumwimika Uchaala, 47 Nu ndubhula jyangu jyisekile mkati mwa Chaala upoki gwangu. 48 Popo ateshishe ulyijyisho lya pashe pa mubhobheli gwako mmkolo. Tesha, ukufuma lilo pakati pafikolo vyoshi itibhanyi tishe nukusajya. 49 Popoojyujyo apapiwe abhabhite ibhombo ingulu kukwangu ingamu jyake mwelu. 50 Ichisa chake chikwikala ukufuma ivikolo ni viholo kubhala bhabhu bha kwijyisha kukwake. 51 Anangishe amaka gha tukono twakwe; akabhanya mbanya bhabho bhaki vunagha pamwanya pamahala gha ndubhua shabho. 52 Akabhisha pasheabhanu bha mnyafyale ukufuma pa vitengu vya bhutwa nukubhakwesha pamwanya bhabho bhali pashe. 53 Abhalishishe abha sala kuvindu ivisa, lole abhakabhi abhabhingite utukono twene. 54 Atishishe ubhutuli kubha Israeli umubhombeli gwake, pakukubhusha ukunangisha ichisa. 55 (Samumo akajyughilo kwa bhabha gwitu) kwa Abrahamu ibhapo jyake bwila.'' 56 Umaliamu ikile nu Elizabeti bhajwabha mieshi mitatu papo kaghaluha kukajya kukwake. 57 Sona aha bhalilo kafika ka Elizabeti ukupapa umwana gwake akapapa umwana umhisha. 58 Popo afumite pishikula naneukujya kumufwapula Umwana shambhaghile ukumwitisha ingamu jyake. 59 Sasa ilitokea siku ya nane kwamba walikuja kumtahiri mtoto. Ingewapasa kumwita jina lake), '' Zekalia, ''Ukukola ingamu jya bhabha gwake, 60 Lole umama gwake akamula nukujyugha, ''Nashiku; ati akabhe gwe Yohani.'' 61 Bhaka mubhulu, nashiku najyumo ugwaminu gwako akukole ligwa kungamu ijyo.'' 62 Bhakamulande ichakula ngisha ubhabha gwake ukunangisha kuti umwe akalanda ukuti abhe gweni. 63 Bhaha gwake akalanda gha ichitapwa, cha kusubhila, akasibhila, ''Ngamu jyake gwe Yohani.''Bhoshi bhakashi gha nalyo. 64 Popo umlumu gwake gwighuliwe nululimi gwake lukabha lwabhune. Akajyugha nukumpalisha Uchaala. 65 Ubhogha ubhuka bhoshi bhobhinile pamupene nagwe. Imbombo ishi shabhonekite mkati mkajya koshi mvighamba vya Yudea. 66 Bhoshi bhubhaka pulika bhakasengula mndubhula shabho, bhajyughile, ''Umwana ujya akabha gwa bhulele? Papa akakono kachala kulipampene na gwe. 67 Bhabha gwake Zakaria akisula numbepo umwelu akatisha ubhusololi, nukujyugha, 68 ''Imikiwange Mmtwa, Uchala gwa Israeli, kunogwa atulite nukubhomba nubhupoka bhandu bhoshi. 69 Atwinulile ulubhafu lwa bhupaki mkajya ka mbhambili gwake Dabiti, ukufuma mfikolo fya bhabhobheli bha Dabhiti, 70 Samumwo ajyughile mmlomu gwa bhakugweluka bhake bhabhu bhakabhapo akabhalilo kawandilo. 71 Akatupaka ukufuma kubharughu bhitu nukufuma mtukono twabho bhobha kutukala. 72 Akabhomba sabhubhu ukunangisha ichisa cha bhabha gwake ukukubhusha ulufingo lake ulusa, 73 Ukulabhila chicho achi jyughite kwa Abrahamu ubhabha gwitu. 74 Alabhile nukusimikisha ukuti shimubhaghile ukumubhambela jyujyo kishita kuongopa papo mpokigwe ukufuma ukukono twamlughugwinu. 75 Pa bwelu nu bwanaloli pandashi jyake mashiku gwitu goshi. 76 Inga, nugwe gwi mwana, indi bhakakwite msololi jyujyo ali pamwanya, ingani papo utiukajyughe pandashi pamasogho Chala kubhatendekesha isila nukubhatendeke sya abhandu kunongwa jya kwisa kwake ukubhalinganie abhandu bhake ukuti bhakwakupokigwa kusila jya luhobhokelo ibhimbi shabho. 77 (Kuwafahamisha watu wake kwamba, wataokolewa kwa njia ya kusamehewa dhambi zao), 78 Ili likafuma kunongwa jya chisa cha Chaala gwitu, papo isubha ukufuma kumwa itihikime, 79 Ukumlika kubhabho bhakwikala mchisa na mchifuni cha bhufwe. Indi akabhambe ulu ukatulangosha utulundi lwinu kusila jya lughano.'' 80 Lwoshi, ulu umwana akakula nu kubha nukubha na maka mmbepo nukwikala mlungalanga paka pisiku lya kufuma kukwe Israeli.