¹ Pangelo ishu iya kwanda lya bhuhanu, bwo kukali ingani chisi, uMariamu Magedalena akisa kwipumba, akalibwona lila iyondo bhalilishishe pipumba. ² Po bhakakinda lubhilo ukubhuka kwa Simoni nu Petro na ku yula ugwasukulu bhumunine yuyo uYesu akamughana, sona akamubhula, "bhamwegha Umtwa kwipumba, nutwe tutamenye kwo bhamung'oneka." ³ Sona uPetro na yula ugwa skulu umunine bhakatila ukubhukila kulipumba. ⁴ Bwoshi bhakakinda lubhilo ukubha pamupene; yula ugwa sukulu ubhunine bhakakinda kumaka ingani nu kukinda ⁵ uPetro nu kufika kwipumba ukubha gwa kwanda. Akima sona nu kutesha kwipumba; akalibwona ibwokoshi ilisa ling'onite, lole bhatakingila mukati. ⁶ Sona uSimoni Petro gwepe akifika akingila mkati Mwipumba. Akalibwona lila ibwokoshi lyo liisa ling'onite pale ⁷ na ileso yila yikabha yakumutu gwake yitakabha ying'onite pa mupene na lila ibwokoshi lya mafuta lole likabha ling'onite palubhafu pake mwene. ⁸ Po ugwasukulu umunine gwepe akingila mkati mwipumba; akatesha nu kwitika. ⁹ Po kukabha nu kufinga akabhalilo ako kakabha kakali bhataghamenye amasimbo ukuti shimubhaghile uYesu ashuke sona kufwe. ¹⁰ Sona abhasukulu bhakabhuka sona ku nyumba yabwo. ¹¹ Lyoshi ulyo, uMariamu akabhaimite kwipumba bwo akulila, na bwakwongela ukulila akima sona nu kutesha kwipumba. ¹² Akabhabwona abhandu bhabhili abhafweni ifwelu bhikile pamupene kumundu nu munine kutulundi pabhuyo papo uYesu akabha ang'onite. ¹³ Gwepe bhakamubhula, "Umukolo, koni kulila?" Gwepe akamwamule, "Yuyo nongwa bhamweghite Umtwa gwake, une indamenye kukwobha mubhikite." ¹⁴ Bwo amala ukuyugha isho, akasanuka nu kumutesha uYesu bwo imite. Lole bhatakamanya ukuti gwe gwi Yesu. ¹⁵ Gwepe uYesu akamwamula, "Mama, koni kako kulila? Kumulonda gwini?" Gwepekuno akatinyiukubha gwa kulindilila imbusitani akamubhula, "Mtwa, linga gwegwe umwe ghite, imbule kukwa umumbite, nune indingamweghe." ¹⁶ U Yesu akamubhula, "U Maliamu." Gwepe akasanuke mweneshe nukumubhula ku Kialamu, "Raboni," yani ukugha ulu kwo kwamula ukuti, "Mamanyishi." ¹⁷ U Yesu akamubhula, "Manye ghuyeghelesha, papo ingali ukukwela ukubhuka kwa bhabha; lole ubhuke kubwogwa mwitu bhangu ukabhabhule ukuti indiakakwele ukubhuka ka Bhabha gwangu yuyo sona gwi Bhabha gwinyu, Uchala gwangu nu Chala gwinyu." ¹⁸ U Mariamu Magedelena akisa kukubhabhula abhasukulu, "Namubwona Umtwa," nu kuti abhabhula imbombo isho. ¹⁹ Na bwalyabha lya namasubha ishuku hilyo, ishuku ila kwandalya pabhuhanu, ni milyango yikabha yipingigwe pabhuyo bwa bhasukulu papo bhakabhapo kukubhapelela ichisa Abhayahudi, Yesu akisa nu kwima pakati yao nukubhabhula, "Ulunghano lubhe kukwinyu." ²⁰ Bwo amala ayugha isho akabhalangisha utukono twake nulubhavu lwake. Na bhasukulu bwobha mubwona Umtwa bhakasekela. ²¹ Sona uYesu akabhabhula sona,"Ulutengano lubhe numwe. Ingati ulu bwo uBhabha andumite une, lyoshi ulyo nune ingubhatuma umwe." ²² U Yesu bwo amala ukuyugha isho, akamwatamila akamubhula, Pokela Umbepo Umwelu. ²³ Gweshi amuhobwokela ibhibhi, abhahobwokile; na bhala mwabhapinyila itabhakapinyigwe." ²⁴ U Thomasi, yumo gwa bhala kalongo na bhabhili, akabha gwi Didimas, atakabha na bhasukulu abhanine uYesu bwo bhisa. ²⁵ Bhala abhasukulu abhanine, bhaka bhamula pakatashi, "Twamubwona Umtwa." Gwepe akamubhula, "Linga indatesha ialama sha musumari ku tukono twake, nu kubhika inyobhe shake ku shishi, isho alama na sona nu kubhika akakono kangu kulubhavu lwake indangitike." ²⁶ Bwo amashiku nane abhasukulu bhakabha kuchumba sona, gwepe uThomasi akabhabha pamupene nagwe. Bwo imilyango yikabha yipingigwe uYesu akima pakati yabwo. nu kuyugha, "Amani na iwe nanyi." ²⁷ Kisha akamwambia Thomaso, panu nu tukono twako nu kubhika kulubhavu lwangu; manye isubhu isa yula yuyo atakwitika lole yuyo akwitika." ²⁸ Gwepe uThomasi akamula nu kuyugha, "Umtwa gwangu nu Chala gwangu." ²⁹ U Yesu akamubhula, papo gwalesha, gwitika. Bhasayigwe abhane bhabwo bhakwitika, na linga bhatatesha." ³⁰ Sona uYesu akabwomba ifi fwani fingi mundashi mubhasukulu shisho shikabha shisimbigwe kuchitabhu hichi; ³¹ lole ishi shisimbigwe ukuti mumanye ukwitika ukuti uYesu ngweyo gwi Kilisiti, mwana gwa Chala, nu kuti linga mukwitika mubhe nu bwumi ku ngamu yake.