¹ Gho shashika shoshi uYesu akilangisha sona kuwamanyili bhake kunyanya jha Tiebria; bhuno bhwobwo akilangisha jhujho: ² U Simoni Petro akabha pampene nu Tomaso jho bhakati Didimas, uNatanaeli ughwa kana ijha Galilaya, abhana bha Zebedayo na wamanyili abhanine bhabhili bha Yesu. ³ U Simoni Petro akabhabhula ati, "Une najha kukushikula iswi." Bhote bhakambhusha bhati." Nutwe tutabhuke nughwe." Bhakabhuka bhingila mmashua, lole ubhushika ubhwo woshi bhatakachagha nachimo. ⁴ Po pangelo ghobhwacha, uYesu akima kuchishesho, bhote n abhamanyili bhake bhatakamanya ukuti ali ghwi Yesu. ⁵ Po uYesu akabhabhuka ati, "Bhalumyana, mli ni chakulya choshi chila?" Bhope bhakati, "Nashiku." ⁶ Akabhabusha ati, "Isha inyavu shinyu akakono ka kumwisa akamashua, numwe ndumuchaghe chimo." Po bhakisha inyavu na bhakapotwa ukulighusa nongwa jha bhwingi bhwaswi. ⁷ Po umumanyili jho akamghana akambhusha uPetro ati, "Ujhu Mtwa." Gwepe uSimoni Petro gho apulika ukuti Mtwa, akipinya umwenda ghwake (papo akakalifwala akisa), poponga akiponya mnyanja. ⁸ Abhamanyili abhanine bhala bhakisa mmashua (papo bhatakabha patali na kupipi kumishi, uli ngati mita milongo kumi ukufuma kuchisheshe), bhope bhakabha bhakughusa inyavu sho shiswile iswi. ⁹ Ghobhafika kuchisheshe wakaghubhona umlilo ghwa mkaa pala na pamwanya pake pakabha niswi nu mkate. ¹⁰ U Yesu akabhabusha ati,"Sa nasho shimo iswi sho mwakola lululu." ¹¹ Po uSimoni Petro akakwela nu kusebha inyavu jho jhitabha niswi ingulu, ulingati iswi milongo 15 na shitatu papoki shikabha nyingi pope inyavu jhila jhitaka nyapuka. ¹² UYesu akabhabhusha ati, "Sagha mchaghe ichakwighula umlomu." Najhumo ummanyili jho akaghesha ukumbhusha ukuti ghwe kaki, "Bhakamanya ukuti ujhu Mtwa. ¹³ U Yesu akisa egha umkate ghula inga abhapa, akabhomba bhalabhula na kuswi shila. ¹⁴ Ili likabha lya bhutatu uYesu pakwilangisha kubhamanyili bhake ghoashuka ukufuma kubhafu. ¹⁵ Gho bhighula umulomu, uYesu akamubhusha uSimoni Petro, "Simoni mwana ghwa Jhohana, ghunganite ukupota abha?" U Petro akamghalulila, "Ati, "Inga Mtwa; "Ughwe umanye ukuti ingughanite." U Yesu akatibhula ati, "Lishanga abhonang'oshi abhakeke bhangu." ¹⁶ Akabhabhusha sona ilya kabhili, "Simoni mwana ghwa Jhohani, ghunganite?" uPetro akambhula, "Ati, Mtwa; "Ughwe umenye ukuti ingghanite. "Yesu akamwambia, "Lishanga abhonang'oshi bhangu." ¹⁷ Akambhula sona ilya bhutatu, "Simoni, mwana ghwa Jhohani, Ghunganite?" Ghwepe uPetro akasulumanya papo akambhusha ilya bhutatu, "Ghunganite?" Ghwepe akambhula ati, "Mtwa, umenye ghoshi; umenye ukuti nghughanite." UYesu akambhusha ati timagha abhonang'oshi bangu. ¹⁸ Mwomumwo, mwomumwo, ngukubhula, two ghwali mlumyana ghwisubhile utufwala imyenda nu kujha koshi ko ghwighana; lole lindi ghwaghoma, utukagholosha utukono twako, nu mundu umunine atakakufwashe imyenda nukujha nughwe ko utakulonda ukujha." ¹⁹ U Yesu akati inga ukukenganisha bhufwe bhuki uPetro bhuki uPetro ati mwinushe Uchala. Gho ajhuka isho akambhula uPetro ati, "Ngonge." ²⁰ U Petro akasanuka nu kumbhona ummanyili jhujho uYesu akamgana akubhakonga- Ujhu ghwejho akeghemela pachifubha pa Yesu pa chakulya vha namasubha nu kumubhusha, "Mtwa, ghwini atakakuleke?" ²¹ U Petro akambhona papapo akambhusha uYesu,"Mtwa, Umundu ujhu atakosheki?" ²² U Yesu akamghalulila ati, "Lindi kulonda aleme mpaka kuti ngwisea ghakukuhusu koni?" Ngonge." ²³ Po akapango aka kakamanyikwa mubhandu bhala, ukuti ummanyili jhula ata afwe. Pope uYesu atakambhula uPetro ukuti ummanyili jhula ataafwe, "Lindi ngulonda aleme mpaka kuti ngwisa shikwendana bhulele nighwe" ²⁴ Ujhu ghwejho mmanyili jho akutisha ubhwelufye bhwa mbombo ishi, sona ghwejho asimbite ishi na tumenye ukuti ubhwelufye bhwake bhwa mwa naloli. ²⁵ Kuli ni mbombo inine sho uYesu akashibhomba. Lindi kila limo limo lyandikighwanga, imbe ichisu chope chitajha pakufibhika fifyo imbe fyandikighwa.