¹ Umwene uPilato akamwegha uYesu nukumukoma. ² Bhala abwo askari bhakapota ingoje nukutendekeshe itayi. Bhakabhika pamwanya pa mutu gwa Yesu nukumukwa umwenda gwa rangi iya zambarau. ³ Bhakisa nu kuyugha, "Ugwe uli mulyafwale gwa Bhayahudi! na sona nukumukoma kutukono twabwo. ⁴ Sona uPilato akafuma kuse nu kubhabhula abhandu, "Tesha inghubhisila nu mundu kukwinyu ingamimanye ukuti une indakalibwona ikosa nalimo mukati kake." ⁵ Po uYesu akafuma kuse; akabha afwalite itayi ya imwifwa nu umwenda gwa zambarau. Popo uPilato akamubhula, "Tesha nga umundu uyu panu!" ⁶ Po akabhalilo ako umuputi usongo na bwosongo bhakamubwona uYesu, bhakamubwona nukuyugha, "Mutesaghe, mutesaghe." U Pilato akamubhula, "Mweghe yumwemwe mukamutesaghe, papo une indakuli bwona mkati kake." ⁷ Abhayahudi bhakamwamula uPilato, "Utwe tuli ni ndaghilo, na kundaghilo huyo yibhaghile ukufwa kunonongwa iyo abwombite ukubha mwana gwa Chala." ⁸ U Pilato bwo apulika amashu agha ongile ukwogopa, ⁹ akingila Praitorio sona nu kumubhula uYesu, "Ugwe gwafuma kughu? Lyoshi ulyo, uYesu atakamula. ¹⁰ Sona uPilato akamubhula, Ugwe, hutakwangala nune? Ugwe, utamenye ukuti une ndi na madaraka gwa kukwa bhula na madaraka gha kukutesa?" ¹¹ U Yesu akamula, "Linga utali na maka ukwongela aghangu ngali bhatakupele ukufuma kumwanya. Po umundu yuyo andishishe kukwako ali ni bhibhi inghulu." ¹² Ukukongana nili amula hili, uPilato kalonda ukumuleka isabulo abhelile, lole Abhayahudi bhakakoma akama bhakayugha, "Linga gwamuleka isamwabhelile po ugwe huta mumanyani gwa Kaisari: Linga gweshi yuyo akulonda kubha muyafwale akuyugha shisho shita sha Kaisari." ¹³ U Pilato bwo apulika amashu agha, akisa nu Yesu kuse sona akikala nagwe ku chitengu cha bhulongi pabhuyo pala papo pakubwoneka ngati po pase, lole ku Kiebrania, Gabatha. ¹⁴ Ishuku lya kwi mulungu gwa pasaka bwo lya fika, mukabhalilo akamusaa ya sita. U Pilato akabhabhula Abhayahudi, "Muteshaghe umuyafwale gwinyu uyu panu!" ¹⁵ Bhakakoma akama, "Mutishe, mutishe, mutese!" Pilato akamwambia, "Numwe mutese umuyafwale gwinyu?" Gwepe Umuputi usongo akamula, "Utwe tutanagwe umuyafwale lole tuli nu Kaisari." ¹⁶ Popo uPilato akamutisha uYesu kukwabho ukuti atesigwaghe. ¹⁷ Bwope bhakamwegha uYesu, gwe akafuma, bwo ambimbite ichikobhekano chake umwene mpaka kubhuyo bhubwo bhakatingi imifupa ya mutu, ku chi Ibrania tukuti Golgotha. ¹⁸ Popo bhakamutesa uYesu, pamupene nagwe abhalisha bhabhili, yumo ulubhafu ulu umunine ulubhafu ulu, nu Yesu pakati yabwo. ¹⁹ Sona uPilato akasimba ichakulangisha nu kubhika pamwanya pa chikobhekano. Apo popasimbigwe: U YESU UMNAZARETH, UMUYAFWALE GWA WAYAHUDI. ²⁰ Abhingi Abhayahudi bhabwo bhakabhelenga ifwakulangisha hiuyo kubhuyo bhula bhubwo akatesigwa nga uYesu pakabha papipi nu kaya. Ukulangisha ukwo tisimbigwe ku Chiebrania, ku Chirumi naku Kiyunani. ²¹ Sona abwosongo na bhaputi na Bhayahudi bhakamubhula uPilato, "Manye usibhaghe, 'Umuyafwale gwa Bhayahudi; lole umwene akayugha unene muyafwale gwa Bhayahudi." ²² Gwepe uPilato akabhamula, "Shisho na simba bwo nasimba." ²³ Abhene abwo polisi aba kamutesa uYesu, bhakagha imyenda yake nu kuyabhana ku makundi fwolo, kukuti gwi polisi ichifungu chimo, thubhubwo na maselekesha, po nalila likabha bhalifumite lyoshi ukufuma pamwanya. ²⁴ Sona bhakayughisania bhene bhene, "Manye tuyibheghulalye, lole tukome ikula ukuti tinyibhe yani." Hili likafuma ukuti lila isimbo libwoneke, lilyo bhakatingi bhakayabhania imyenda yake, ni mwenda gwake bhakaghukomela ikura." ²⁵ Abwo polisi bhakabwomba imbombo isho. Umamagwake uYesu, nu mulumbmu gwa mama gwake, uMariamu Magdalena - abhakolo, abha bhaka bhabhimite papipi ni chikobhekano cha Yeesu. ²⁶ U Yeesu bwo amubwona umama gwake pamupene na yula ugwa sukulu yuyo amughanite bhakima papipi, bhakamubhula umama gwake, "Umukolo, tesha, mubwone umwana uyu pan!" ²⁷ Sona akamubhula yula ugwa sukulu, "Tesha, huyu panu umama gwako. "Ukufuma isaa yila iya gwasukulu akamwegha ukubhuka akamwegha ukubhuka kunyumba yake. ²⁸ Akabhali ako, Bwo uYesu amanya ukuti uyoshi uya shila nukumalika ukuti libwoneke mumasimbo, akayugha, "Inguyibwona iyota." ²⁹ Ichombo chikabha chiswile ubwalwa chibhikigwe pale, po abhene bhakabhika sifongo yiyo yiswile ubwalwa pamwanya pa ufito ubwa hisopo, bhakabhika mumulomu gwake. ³⁰ Gwope uYesu bwo anyanja hiyo, akayugha, "Kwamala." Sona akiswika umunu gwake, akayibhika indumbula yake. ³¹ Popo kakabha kabhalilo ka kwitekesha, na kunongwa ya mubhili yitakalondigwa kushala pamwanya pa chikobhekano pa kabhalilo ka Sabato (papo iSabato likabha lishulya mahala), abhayahudi bhakamusuma uPilato ukubha tulundi lwabwo bhala bhakabha bhakutesigwa yikomanike, nu kuti imibhili yao yike. ³² Po abwo polisi bhakisa ni kuposola utulundi twa mundu ugwa kwanda nu gwa bhubhili yuyo akatesigwa pamupene nu Yesu. ³³ Bwo bhamufikila uYesu, bhakamuwa bwa alitaya akabha amalikite ukufwa, po bhata kamuposola utulundi twake. ³⁴ Lyoshi ulwo, yumo gwa polisi akamulasa uYesu pa lumbalu nu mukuki, na sona ghakafuma amishi ni lilopa. ³⁵ Gwepe akalibwona hilyo atisha ubwanaloli, na ubwanaloli bwake ni bwa hakika, umwene amenye ukuticho ayugha cha naloli inga numwe sona mulitike. ³⁶ Imbombo ishi shikabha sha ila ishu lilyo likayughigwa ukuti libwonee, "Nayumo nu gwake yumo yuyo atakakomanike." ³⁷ Tesha isimbo inine likuyugha, "Bhake muteshanghe umwene yuyo bhamulasite" ³⁸ Bwo imbombo isho uYusufu gwa Arimathaya, papo abha ali nabhasukulu bha Yesu, lole kubhutitu nu kulong'opa Abhayahudi, akamusuma uPilato ukuti agweghe umubhili gwa Yesu. Gwepe uPilato akampa ulusa. Po uyo uYusufu akisa kukutisha umubhili gwa Yeesu. ³⁹ Gwepe uNicodemu uyuyo apo pa bwandilo bhakamukonga uYeesu pabhushuku nagwe akisa. ⁴⁰ Po bhakagwegha umubhili gwa Yeesu bhakaghupinya ku sanda ya kitani pamupene na ghala amafuta, isa mumwo yili imilaya Bhayahudi akabwaliloka kufwa. ⁴¹ Pabhuyo papo uYesu akatesigwanga kukabha ni bustani, mkati mwa yila ibusitani kukabha na mapumba amapya liyo nayumo umundu yuyo bhatamushilite lumo. ⁴² Bwo, kukabwa ni shiku lya kwitendekesha ku Bhayahundi, nakulila ipumba likabha papipi, po bhakamulasha uYesu mukati kake.