¹ U Yeesu akayugha imbombo shoshi; sona akinula amaso ghake kumwanya ukubhukila kumwanya nu kuyugha, "Bhabha, isa yikubhiyila; mupalishe umwana inga nu mwana akupalishe nugwe - ² isa mwo gwamupile ubhuta bhala bwa kuli uyoshi viuyo ulinavyo ugwe umubhili nu kubhapa ubwumi ubwa bhwila bhala bwoshi bhabwo ukamupa. ³ Uhuu bwobwo ubwumi ubwa bwila na bwila: ukuti bhakamanye ugwe, Chala gwa naloli na uligwimwene, na yuyo umutumite, uYeesu uKilisiti. ⁴ Inga kupalisha panu pa chisu, ni kumalisha imbombo yiyo ukamba ukuti ijibwombe. ⁵ Lyoshi, wu Bhabha, gwambalishishe une pamupene nune panu panu nu kwimikigwa lwabwo indinugwe pamupene nugwe bwo ichisu chitapelegwe. ⁶ Inginghula ingamu yako ku bhandu bhabwo gwambile pa chisu. Bhali bhandu bhako; lole gwambile une. Bwope bhakolite ishu lyako. ⁷ Bwope bhamenye ukuti choshi ichindu chicho gwambile une chifumite kukwako, ⁸ kumashu ghang'o gwambile une-- Nabhapo abhene amashu agho. Bhakagha pokela ku bwanaloli, nukumanya ukuli nene une ifumite kukwako, nu kulitika ukuti ugwe gwe ghutumite. ⁹ Inghumbasumila abhene. Indakusumila ichisu lole bhala bhabwo ghambile papo bwope bhako. ¹⁰ Ifindu uyoshi uyo uyangu uyope vyako, na ijinyo nghumbile palishe ku liliyo. ¹¹ Une indalimwo soa mchisu, lole abhene bhulimwo mchisu nune sona igwisa kukwako. Ubhabha Umwelu, ubhikashe kungamu yako yila yiyo ghumbila ugwe inga bhabwo bwope ghumbile abhe nu bwapamupene, isa mumwo une nugwe tuli nu bwapene. ¹² Bwo ndinabwo, ingabhali ndilila ku ngamu yiyo ghumbile; Ingabhalindilila, nayumo yuyo akasobhalole umwana umusobhi, ukuti inga amasimbo ghabwoneke. ¹³ Lole ingwisa kukwako; lole nghuyugha ishi pachisu ukuti ulusekelo lyangu lumalishigwe mkati kabwo abhene. ¹⁴ Nabhapa ishu lyako; pachisu cha ngalalila kunongwa chisu, ingati une papo indagwa pachisu ¹⁶ Indakubha sumila ukuti ubhatishe pachisu lole ubhalindilile nu mukungu gwitu. ¹⁵ Abhene bhata bha pa chisu papo une indagwa pachisu. ¹⁷ Ubhabhike akisa ku kwako yugwegwe ku Bwanalole; ishi lyako lyolilyo lya naloli. ¹⁸ Gwandumite pachisu, nune imbatumile pa chisu. ¹⁹ Kunongwa yabwo une yunene ingwitisha kukwako ukuti na bhene bhatishe kukwako nu bwanaloli. ²⁰ Bhata bwobhabha bhene bhabwo ighubhiputila, na bhanine bhabwo linga bhitika ukughendela ishi lyako ²¹ ukuti abhene bwope abhe nulughano isa mumulo ugwe gwi Bhabha, isa mkati kangu nune mkati kako. Inghubhi putila ukuti abhene sona bhabhe bha mukati kitu inga ichisu chimanye ukwitika ukuti ugwe gwegwe ghutumite. ²² Utwa bhula bhubwo ghumbile une - imbapile abhene, ukuti bhabhe nu lughano, isa mumwo utwe tuli nu lughano - ²³ Une mukati kabwo, gwope mukati kangu, inga ukumalisha ukubhukubha nu bwanaloli ukuti ugwe gwe ghutumile, nu kubhaghana, isa gwegwe mumwoghunyanite, une. ²⁴ Ubhabha, chicho gwambile une - Inghuyonywa ukuti bwope sona bhabhe bhapamupene nune pabhuyo bhubwo indipo inga bhateshe ubhimikigwa bwangu, bhubwo ghumbile: papo ugwe ghunganite une bwoukali ukupela imisingi iya chisu. ²⁵ Ubhabha ugwa naloli, ichisu chitaka kumanya ugwe, lole une ighumenye ugwe; bhamanye ukuti gwandumite. ²⁶ Inganyibwombela ingamu yako yimanyikwe kukwabwo, na itindibwombele limanyikwe ukuti lwa lughano ukufuma kubwandilo gwanganite une ubhegwakubha mukati yao, nune une imbaghile ukubha mukati kabwo."