¹ Nabhabhula imbombo ishi ukuti manye bhatu kakilishange. ² Ifibhakabhalishange kuse ku kuchaliki naloli isaa nyikwisa yuyo kukuti abhang'ogha itiakinong'one ukuti abwomba chisa kunongwa ya Chala. ³ Itibhaka bhabwombele imbombo ishi kunongwa yakuti bhatamumenye uBhabha pamu bhatamenye une. ⁴ Nabhabhula imbombo ishi ukutibwo akafika akabhalilo ka ishi ukufuma, mubhaghile ukukumbukana isa mumwo ingabhabhulila ugwamama gwabwo. Indakabhabhula ukuti imbombo ishi ukufuma kubwandilo ukuti ingabha pamupene numwe. ⁵ Napala, nabhabhula inghubhuka ku yula yuyo andumite; lole nayumo pakati yinyu yuyo akumbusha, "Kuya kughu?" ⁶ Kunongwa yakuti nayugha amashu agha kukwinyu, ubhusulumania bwiswele mundumbula yangu. ⁷ Nalinga lwoulo, inghubhabhula ubwanaloli: kali kisa kukwinyu ukutilakwo; papo linga indatila, ugwakubha subhasha itaise kukwinyu; lole linga nabhuka itimutume kukwinyu. ⁸ Linga isa, uyo ugwakubhalindisha itakachilingania ichisu ukukongana ni bhibhi, ukukongana nu bwanaloli nu kukongana nu bhulongi. ⁹ Ukukongana ni bhibhi, kunongwa yakuti bhatakanyitika une, ¹⁰ ukukongana nu bwanaloli, kunongwa yakuti ighubhuka kwa bhabha, na itamukambone sona; ¹¹ na ukukongana nubhulongi kunongwa ya songo ugwa chisu ichi alongigwe. ^{12 14} Indinasho nyingi isha kubhabhula, lole itamushaghania nashimwo. ¹³ Lole, umwene, Umbepo gwanaloli, linga isa itakatulongoshe ku bwanaloli bwoshi; papo itakayughe, kunongwa yake umwene; lole shoshi shisho aya apulika, itakayughe imbombo isho; na itiakalangishe kukwitu imbombo shisho itishikise. Umwene itiakambalishe une, kunongwa yakuli itiakeghe imbombo yangu nu kushilingania kukwinyu. ¹⁵ Ifindu uyoshi fiuyo alinavyo uBhabha fyope fwangu; po twoshi ulu nayugha ukuti Umbepo itiakeghe imbombo shangu nu kwangisha kukwinyu. ¹⁶ Kakali akabhalilo kapimba, ita mukambone sona; na bwokakali akabhalilo akapimba sona, itimukambone." ¹⁷ Abha sokulu bhake bhakayughisania, "Itigwini atubhule, "akabhalilo kapimba, na itamumbone sona,' na, sona akabhalilo kanandi ilimumbone nu kuti inghubhuka kwa Bhabha?" ¹⁸ Abhene bhakayugha, "Kandu kaki kako akuyugha, 'Kakali akabhalilo kapimba'? Tutamenye shisho akuyugha." ¹⁹ U Yeesu akabhabwona bhakuyonywa ukumubhusha, gwepe akabhabhula, "Mukwibhusha mubhene ukubhula, mukwibhusha mubhene uku hili, isa mumwomwo nayugha, 'Kakali akabhalilo kapimba, bhatabha kambone sona; na bwokakali akabhalilo akapimba itimukambone'? ²⁰ Nalole, nalole, inghubhabhula, itimukali nu kubhungana, lole ichisu itichikasekele, itimukabhe nu bhusulumania lole ubhuswumania bwinyu itibhukasanike ukubha lusekelo. ²¹ Umukolo akubha nu bhusulumania akabhalilo kako akubha nuubhafu kunongwa ya kuti akabhalilo ka kupapa kafika, lole linga apapa umwana, atakukumbuka sona ubhubhafu kunongwa ya lusekelo lwake ukuti umwana apapingwa pachisu. ²² Numwe sona mwinubhusulumanie ulu, lole itingabhabwone sona; ni ndumbula shinyu itishikasekele na yumo yuyo abhaghile ukutisha ulusekelo lwinyu. ²³ Ishiku iyo itamukambushe amashu. Itika, Itika, inghubhabhule, Linga mwasuma lyoshi lilakwa Bhabha, itiakabhape kungamu yangu. ²⁴ Mupaka nulu mutasunite lyoshi lila kungamu yangu; sumagha, numwe itimukapokele ukuti ulusekele lwinyu lukakamilike. ²⁵ Nayugha numwe ku jugha yiyo yitakumanyikwa, lole isa yikwisa yiyo itaingayughe ku jugha yiyo yitakumanyikwa lole papapo ingani itingabhabhule pamwelu ukwingania Ubhabha. ²⁶ Ishiku iyo itimukasume ku ngamu yangu, naitangabhabhule ukuti itingasume kwa Bhabha kunongwa yinyu; ²⁷ Papo Ubhabha umwene abhaghanile kunongwa ya kuti mumughanite umwene na kunongwa yakuti mkolite umwene na kunongwa kwa Bhabha. ²⁸ Ingafuma kwa Bhabha nu kwisa pa chisu; sona, ighutila pachisu na nukubhuka kwa Bhabha". ²⁹ Abhasukulu bhake bhakabhabhula, "Kuteshanga ulu kuyugha pamwelushe tutakumanya ifika ifi. ³⁰ Lole, tukumanya ukuti umenye imbombo shoshi, na utakumulonda umundu nayuyo akubhushe amashu. Panongwa yakuti tukwitika ukuti kufuma kwa Chala. ³¹ U Yeesu akabhamula, "Lole mwitika?" ³² Tesha, isa yikwisa, yoyiyo ya naloli yafiha, yiyo itimuka nyambone kukuti mundu nabhanyambane uitibhaka muleke mwene. Lole une indali ni mweneshe panongwa yakuti uBhabhaali nune pamupene. ³³ Inghubhabhula imbombo ishi ukuti mkuti kangu mubhe nulutengano. Mchisu mlinindamyo, lole mwipe indumbula, ishipotite isha pachisu.