¹ Une ne mukokwe umwisa nugwa naloli, nu bhabha gwangu mkulima gwa mukokwe umwisa. ² Koshi akasamba ako kali mukati yake kako kakupapa iseke, na tukumilila ukuti koshi akasamba kako kakupapa iseke tukutendekesha ukuti lyonyele ukupapaingani. ³ Umwe muliseke shisho nyisa kunongwa ya ishi lilyo imbabhulite inganila. ⁴ Mwikale mukati kangu, nune mukati kinyu, ingati tusamba tutwo tutabhaghili ukupapa twene she lole tubhe ku mukokwe, sona numwe, linga mutikala mukati kangu. ⁵ Une ne mukokwe; umwemuli tusamba. Yuyo ali mkati kangu nanune mkati kake, umundu huyo akupapa iseke nyingi, papo inga inda nene atabhaghile ukubwomba na chimwo na chimwo. ⁶ Gweshi umundu yula yuyo atabha mkati kangu, itigha mutaghe isa kasamba nukuma; abhandu itibhakabhungania utusamba nu kutangha ku mulilo, nu kupembelela. ⁷ Linga mwikala mkati kangu, na isa mwo amashi ghangu gha kwikala mkati yenyu, sumagha lyoshi lila lyomukighana, numwe itimbabwombele. ⁸ Kulili ubhabha gwangu akupaligwa, nukuti mkupapa iseke nyingi nu kuti mli bhasukulu bhangu. ⁹ Isa mwo ubhabha gwangu anganite une, nu sona imbaghanile numwe, mwikale ku lughano lwangu. ¹⁰ Linga mwakola indaghilo, itimwikale ku lughano lwangu isha mwoingolite indaghilo sha bhabha gwangu nu kwikala kulughano lwake. ¹¹ Nayugha imbombo ishi kukwinyu ukuti ulusekelo lwangu lubhe mkatinyinyu na ukuti sona ulusekelo lwinyu lubwombigwe ukubha likamilifu. ¹² Inyi yoyiyo ndaghilo yangu, ukuti mughanane mwebhene bhene isa mwo mwonabhaghanile umwe. ¹³ Na yumo umundu yuyo alinu lughano ulwosongo ukukinda ululu, nu kuli atishe ubwumi bwake kunongwa ya mmanyani gwake. ¹⁴ Umwe mlibhamanyeni bhangu linga mwamwomba shisho inghubhalaghila. ¹⁵ Indambitishe bhamwombi, papo umwombi atamenye chicho akumwomba umtwa gwake. Ingubhitisha umwe ukubha bhamanyani, kunongwa yakuti nabha lingania imbombo shisho shisho nawapulikagha ukufuma kwa Bhabha. ¹⁶ Mtakasala une, lole une ingabhasala umwe nu kubhabhika ukuti mbhuke mupape iseke, ni seke shinyu shibhe sha kwikala. Hili lili ulu ukuti chisho choshi mkusuma kwa Bhabha ku ngamu yangu, itakabhape. ¹⁷ Imbombo ishi nabhalaghila, ukuti mughanane kuti mundu nu munine. ¹⁸ Linga ichisu chabhakalalila, mumanyaghe ukuti bhangalalila une bwo bhakali ukubhakalalila numwe. ¹⁹ Linga twali bhamuchisu, ngali ichisu chitughanite ingati tulibhabwo; Lole kunongwa inyi tutabha muchisu nukunongwa atusalite ukufuma ku chisu, kwokuno ichisu chikutukalalila. ²⁰ Kumbuka ishu lilyo nabhabhulite, 'Umubwombiita gwisongo ku mtwa gwake.' Lingabhandesite une itibhakabhatese numwe; Sona linga bhakolite ishu lyangu, ngali bhalikolite ni lyitu sona. ²¹ Itibhabha mwombete imbombo shoshi isho ku nongwa ya ingamu yangu naku nongwa bhatamumenye yula yuyo andumite. ²² Linga indisile nu kubhabhula nu kubhasoka, ngali bhatabwombite imbibhi; lole ulu bhata bhakutishaukwitetela ku mbibhi yao. ²³ Yuyo akungalalila une akumukalalila nu Bhabha soma. ²⁴ Linga indabwombite imbombo mubhabwo bhalimwo mubhabhanayumo yumo yuyo abwombite, linga bhatali ni mbibhi; lole vgavwombete shoshi shibhili bhateshishe nu kungalalila une nu Bhabha gwangu. ²⁵ Hili likufuma ukuti ishu limwonekelye lisimbigwe ku lubhatiko lwabwo: 'Bhakunyalalila une chita nongwa.' ²⁶ Bwo ungwakubhalindi isa, yuyo na mtua kukwinyu ukufuma kwa Bhabha, huyo gweyo, Gwimbepogwa naloli, yuyo afumila kwa Bhabha, itiandumbilile. ²⁷ Numwe sona mukundumbilila kunongwa yakuti twabha pamupene numwe ukufuma kubwandilo.