¹ Manye gwitikishe indumbula yako ukubha pakutamigwa. Umwitikite Uchala itika sona une. ² Ku nyumba ya Bhabha gwangu kuli ningaya nyingi shakwikala; linga shitali wuwo, ngali nabhabhula, popo ighubhuka kukubhatendekesha ubhuyo kunongwa shinyu. ³ Linga nabhuka nu kutendekesha ubhuyo, sona ibhakalibishe kukwangu, inga pabhuyo bhubwo ali numwe mubhepo. ⁴ Mumenye kusila kubhuyo bwo yikuya." ⁵ U Tomaso akamubhula uYeesu, "Mtwa, tutamenye ubhuyo kwobhuli tubhaghile bhulele ukumanye isila? ⁶ U Yesu akabhabhula, "Une nene sila, ya naloli, nu bwumi, nayumo yuyo amenye kwa Bhabha linga atangendela kukwangu. ⁷ Linga mwamenye une, ngali mmenye ni Bhabha gwangu sona; ukwandila ulu nu kwendelela mummenye nukumubwona bhumwene." ⁸ U Filipo akamubhula uYeesu, "Mtwa, tulangishe Ubhabha, na ilyo tilikabhe lyanya." ⁹ U Yeesu akamubhula, "Indali numwe pamupene nunwe akabhalilo akatali na bhukali utamenye une, Filipo? Gweshi yuyo abweni une amubueni Ubhabha; Po koni kuyugha, 'Tulangishe Ubhabha'? ¹⁰ Mutakwitika ukuti une indi mkati mwa Bhabha, ni Bhabha mkati yangu? Amashu ghang'o ighuyugha kukwinu indakuyugha kunongwa yangu une; lole, gwi Bhabha gwangu yuyo akwikala mukati kangu nu kubwomba imbombo yake. ¹¹ Igeitika une, ukuti ndimukati kangu nune igwitika une kunongwa ya mbombo shangu soni. ¹² Naloli, naloli, ighubhabhula, yuyo akunyitika, une imbombo shila shisho ighubwomba, itabwombe imbomb ishi sona, na itabwombe sona imbombo ighubhuka kwa Bhabha. ¹³ Choshi chocho mukusuma kungamu yangu, ifi mbombo ukuti Bhabha abhaghile ukwimikigwa ku Mwana. ¹⁴ Linga mwasuma ichindu choshi chile kungamu yangu, icho itimbombe. ¹⁵ Linga munganite, indimukole ndaghilo shangu. ¹⁶ Na ilingamusume Ubhabha, gwepe itiakabhape ugwakutula na nagwe mumunine ukuti akabhe pamupene nagwe kubwumi bwa bwila na bwila, ¹⁷ Umbepo ugwa naloli. Ichisu chitabhaghile ukumupokela umwene kunongwa yakuti chitakumumwona, sona chitamumenye, pakinumwe nutwe tumumenye umwene, ukuti akwikala pamupene numwe naitiakabhe mukati kinyu. ¹⁸ Itangabhaleke ubhene umwe; Itingaghaluke kukwinyu. ¹⁹ Kukabhalilo akanandi, ichisu ichi tachikambone sona. Lole umwe itima ukambone, ukuti mulipamupene nune, sona tukwikala numwe. ²⁰ Kwi shiku hilyo itimukamanye ukuti nene indikwo mukati ka Bhabha, nu kuti numwe muli mkati kangu, nukuti numwe indimwo mkati kinyu. ²¹ Yuyo akukola indaghilo shangu nu kumwomba, gweyo nene anganite, na yuyo atanganite une; itiakaghanigwe nu Bhabha gwangu, na itinga mughane na itingamulangishe umwe na kukwake." ²² U Yuda (itagweyo Iskarioti) bhakamubhula uYeesu, "Mtwa, Koni! Itikatubhule ukuti itibhukilangishe yugwe kukwitu na kutaku chisu? ²³ U Yeesu akamula nu kumubhula linga yuyo angana, itiakakole ishu lyangu. Ubhabha gwangu itiaka mughane, na itiakise kukwake nu ititukasenge ubhuyo mwitu pamupene nagwe. ²⁴ Gweshi yuyo atanganite une, atakukola amashu ghangu. Ishu lya Bhabha yuyo andumite. ²⁵ imbombo ishi kukwinyu, bwongali ingwikala indimwo mumwinyu. ²⁶ Lole ulu ugwa Kubhatesha, Mbepo Umwelu, yuyo Ubhabha amutumite ku ngumu yangu, itiakabhamanyishe imbombo shoshi na india kabhape ukukumbuka shoshi shisho nayughite kukwinyu. ²⁷ Ulutengano ingubhapa ulutengano lwangu une. Indakubhapa ulu isa mwo ichisu chikutisha. Manye msulumaniange mundumbula shinyu ukuti mukuangaika, na bwogha. ²⁸ Mukapulika isa mumwonga bhabhulila, 'Inghubhuka kukwangu, na itingise kukwinyu linga munganite une, ngali mulinulusekelo kunongwa yakuti ingubhuka kwa Bhabha, papo Bhabha gwisongo kuliko une. ²⁹ Lole na mala ukubhabhula bulo likali ukuti, bwo likufuma mukamanye ukwitika. ³⁰ Itanangale numwe amashi mingi, papo usongo gwa chisu ichi akwisa. Umwene ali na maka pamwanya angu, ³¹ lole ukuti ichisu chichanghania ukumanya ukuti umughanite uBhabha, ighumwomba chicho Ubhabha andaghile une, isa mumwoambile indaghilo, tunyatuke, nu kutila pabhuyo ubhu.