¹ Amashiku sita bwo iPasaka, yikali uYeesu akabhuka ku Bethania, papo akabha uLazaro, yuyo akashuka ukufuma ku ufwe. ² Akabha abhabhikila ichakulwa icha namasubha ukwo, nu Martha akamubwombela, akabhalilo ako uLazaro akabha gwiyumo gwa bhala bhabwo bhikile pakulya ichakulya pamupene nu Yeesu. ³ Po uMaliamu akegha utwisa utwakunukila ng'oghatetekeshigwe kunardo inyisa, iya mtengo umukulu, akamupakasha uYesu mutuludi, nu kumupukuta utulundi ni chingwili chake, inyumba yoshi yikisula ulunushi lya mafuta. ⁴ U Yuda Iskariote, akabhamwo mubhasukulu bhake yuyo gwenyo akamutuka uYesu, nukuyugha, ⁵ "Koni kako amafuta agha ngalibhalaghulisha ku hela imia shitatu nu kubhapa abhapina?" ⁶ Gwe akayugha isho, kutakwo kuti akabha pelela ichisa abhapina, po kuti kunongwa akabha mwivi: papo gwenyo akolite ichinya cha hela na akabha akwegha vimo vinyyo fibhikigwe humo kunongwa yake yuyo. ⁷ U Yesu akayugha, "Mweke abhike chicho alinacho kunongwaya mashiku gha kumushila kwake. ⁸ Umupina indilabhe nabwo mashiku ng'oshi; lole itamubhe nune amashikung'oshi." ⁹ Po ichilundilo ichikulu icha Wayahudi bhakabha, bhakulonda ukumanya ukuti uYesu alikuno, bwope bhakisa kutakwo kunongwa ya Yesu yene, inga bhamumubwone nu Lasaro yuyo uYesu akamushusha ukufuma ku bhafwe. ¹⁰ Bwope abwosongo na bhaputi bhakabwomba ukuyughisania ingabhamung'oghe uLazaro; ¹¹ papo kunongwa yake abhingi ukufum Abhayahudi bhakabhuka bwope bhamwitika uYesu. ¹² Ni shiku lya bhili bwake ichilundilo ichikulu bhakisa ku lusekelo. Bwobhapulika ukuti uYesu akwisa ku Yelusalemu, ¹³ bhakegha amani gha mikokwe yalusekelo nu kufuma kuse nukubhuka kukumupokela nu kukoma akama, "Hosana! Asayigwe yuyo akwisa kungamu ya Mtwa, Umuyafyale gwa Israeli." ¹⁴ U Yeesu akamwagha umwana ugwa-punda akakwela; isa mumwo yisimbigwe, ¹⁵ "Manye, bwongopaghe, mulindu Sayuni; tesha, Umuyafyale gwako akwisa akwelite pa mwana gwa-punda." ¹⁶ Abhasukulu bhake bhatakashaghania imbombo shila pabwandilo; lole Yesu akimikigwa, popo bhakakumbuka ishakuti imbombo shila akandikigwa umwene ukuti hamubwombile imbombo isho kukwake. ¹⁷ Bhala shila ichilundilo cha bhandu bwobhakabhapo pamupene nu Yesu bwobha kumwitisha uLazaro ukufuma kwipumba, nukuyugha nabhanine. ¹⁸ Na bwo nongwa iyi sona ukuti khilundilo cha bhandu bhakabhuka kukumwofwa kunongwa ya kupulika ukuti abwomba ififwani iuyo. ¹⁹ Amafarisayo bhakayughana bhene bhene, "Atabhanghi ukubwombo iyoshi lila; tesha, ichisu chikubhuka kukwake." ²⁰ Abhanine Abhayahudi bhakabha mwo mubhanine mwabhala bhabwo bhakabhapo bhakaya kukwiputa nu kusekela. ²¹ Abwo bhaka mwendela uFilipo, yuyo akafuma ku Bethsaida iya Galilaya, bhakamusuma nu kuyugha, "Mtwa, utwe tukunyonywa ukumutesha uYeesu." ²² U Filipo akabhuka akamubhula Anduleya; u Anduleya nu Filipo bhakabhuka nukumubhula uYeesu. ²³ U Yesu akabhamula, "Akayugha po kafika akapango ka Mwana ugwa Adamu ukwimikigwa. ²⁴ Naloli, naloli, ighubhabhu, ichembe ya ngano linga yitagwa ku chisu nukufwa, yikwikala ubwoshe yene she iyene; lole linga yafwa, yikupapa iseke nyingi. ²⁵ Yuyo unganite ubwumi bwake akabhusofya; lole yuyo akubhukalalila ubwumi wake pa chisu ichi iliusoshe nu bwumi ubwa bwila na bwila. ²⁶ Umundu gweshi yoakumbombela une, nu kungonga, nune poindi popo nu mubwombi gwangu indiakabhepo nu mundu gweshi yuyo akumbombela, Ubhabha indi akamughane. ²⁷ Papo ni ndumbula yangu yikwilumbusha; nune ijugheki? 'Ubhabha, upoke akabhalilo aka'? Lole ukuti yanayifikila isaa iyi. ²⁸ Bhabha, uyisaye ingamu yako." Sona ishu likisa ukufuma kumwanya nu kuyugha, "Nalisaya sona indilisayigwe sona." ²⁹ Bwo ulukomano lwima papipi nagwe bhakapulika, bhakayugha nukuti kwabha numungurumo. Abhanine bhakayugha, "Umbepo ayugha nagwe." ³⁰ U Yeesu akamula nu kuyugha, "Ishu hili litakisa kunongwa yangu, lole kunongwa yenu. ³¹ Po ubhulongi bwa chisu ichi ulipo: Po usongo gwa chisu ichi itibhaka mutaghe kuse. ³² Nune ingwinuligwa pamwanya pa chisu, indimbaghuze buloshi kukwangu." ³³ Akayugha isho ukwangisha ukuti ufwe bhuki bwo atakafwe. ³⁴ Ulukomano lukamula, "Utwe twapulika kundaghilo isha kuti uKilisiti itabhekwo bwila bwila. Nugwe kutiki, 'Umwana gwa Adamu chikulondigwa inuligwe pamwanya'? Huyu Mwana gwa Mundu gwinigwe?" ³⁵ Po uYesu akabhabhula, "Inuru bwe yilipamupene nunwe akabhalilo akanandi. Bhukagha unwe bwo mulinayo ukuti ichisu manye chibhamile. Yuyo akubhuka kuchisi atakumanya kwo akunya. ³⁶ Mwomukali mlinayo inukuyitikaghe inufu iyo inga mubhe ingati bhana bha nuru." U Yesu akayugha isho nu kubhuka kukwake kukwimama manye bhamubwone. ³⁷ Pope uYeesu akabwomba ififwani ifwingi ifwa luko ulwo mundashi yao, pope atakamwitika ³⁸ inga libwoneke ishu lya musololi uYesaya: "Lyo akayugha Mtwa gwini yo ashimweni imbombo shitu? Nu tukono utwa Mtwa inghuligwe gwini?" ³⁹ Popo nongwa abhene bhatakwiti, papo umusololi uYesaya akanyugha sona, ⁴⁰ "Abhang'oghite amaso, na abhikite nkafu indumbula shiyu; manye bhakateshaghe kumaso ghabwo nu kumanya kundumbula shabwo, ukuti bhakitika nu kubhapoka." ⁴¹ U Yesaya umusololi akayugha amashu agha papo akabhubwona ukulumba bwa Yesu nukupanga inongwa shake. ⁴² Loleshe bwope na bwosongo abhingi bhakamwitika uYesu; lole kunongwa ya Mafarisayo, bhatakitika inga amanye bhakatengigwe nabhasinagogi. ⁴³ Bhakighana ukwimikigwa na bhndu kuliko ukwimikigwa ukufuma kwa Chala. ⁴⁴ U Yesu akongela ishu nu kuyugha, "Yuyo akunyitika une, atakunyitika une ni mwene lole na yuyo andumite une, ⁴⁵ gwe yuyo akumbona une akumubwona yuyo andumite. ⁴⁶ Une nisile ingati lumuli lwa chisu inga kila mundu yuyo akunyitika une manye ikale muchisi. ⁴⁷ Linga umundu gweshi akupulike mashu ghangu lole atakukola, une indanga mulonge, papo indakisa pakul;i nga ichisu, lole ipoke ichisu. ⁴⁸ Yuyo akungana une na atakughitika amashu ghangu, gwepe yuyo akumulonga: ishu lilyo akuyugha itilika mulonge ishiku lya mwisho. ⁴⁹ Papo une indaka yugha ingati nene uneshe, umwe Ubhabha yuyo andumite umwene yuyo andaghile ishakuyugha na shoitijughe. ⁵⁰ Nune imenye ukuti indaghilo shake ubwumi bwa bwila na bwila, shoghuyugha une - ingati gwi Bhabha isa mwoayughile, popo inghuyugha kukwabwo."