1 Bwo umundu yumo ingamu yake gwi Lazaro akabha mubhine. Akafuma ku Bethania, ubhuyo ubwa Maliamu nu gwa mwabwo gwake uMartha. 2 Akabha gwi Maliamu yula yula yo akamupaka umutwa amafuta nu kumupukuta utulundi twake naku iching'wili chake, uLazaro akabha nu ubhine. 3 Popo abhwo gula mwabwo abha bhakabhatuma kubhalongoshi abha Yesu nu kuyugha, "Utwa, tesha yula yuyo umughanite abhinite." 4 U Yesu bwo apulika akayugha, "Ubhine ubhu bhuta bwakufwa, lole, chikulangisha ukuti Uchala nu kubwoneka ukuti Mwana gwa Chala abwoneke kukwinikigwa ku ubhine." 5 U Yesu akamughana uMartha nu gwa mwabwo gwake uLazaro. 6 Bwo apulika ukuti uLazaro mubhine, uYeesu akikala amashiku abhili pabhuyo bhula. 7 Bwo likali hili akabhabhula abhasukulu bhake, "Tubhuke kuBhuyahudi sona." 8 Abhasukulu bhakamula, "Rabi, Abhayahudi bhali bhakukughela ukukulisa na mamwe, nungwe kulonda ukughaluka hukwo sona?" 9 U Yeesu akamula, "Utu tubhalilo twa pamusi yita saa kumi na mbili? Umundu linga akughenda pamusi atabhaghile ukufulala pa ongwa yakuti akutesha ulumu lwa pamusi. 10 Nalinga akughenda pabhushuku abhaghile ukufwala penongwa yakutu ulumuli lutalimwe mukati yake." 11 U Yeesu akayugha imbombo isho, na bwo imbombo isho, akabhabhula, "Umumanyani gwako uLazaro ang'onite, lole inghubhuka ukuti imulamushe ukufuma mutulo." 12 Po abhasukulu bhaka mubhula, "Mutwa, linga ang'onite, itianya tuke. 13 Akabhalilo ako uYeesu akabha akuyugha inongwa isha bhufwe ubwa Lazaro, lole abhene bhakati akuyugha inongwa isha kung'ona utulo. 14 Popo uYeesu akayugha nabwo pamwelushe, "U Lazaro afwa. 15 Indinulusekelo kunongwa nyiyu, ukuti indalipokwa ukuti mumanye ukwitika. Tubhuke kukwake." 16 Gwi Tomasi, akabha gwi Pasa, akabhabhula abhasukulu bhake,"Nutwe tubhuke sona tukafwe pamupene nu Yeesu." 17 Bwo uYesu akwisa,, akamwagha uLazaro inganila abhile mwipumba amashiku folo. 18 Yope iBethania yikabha papipi ni Yelusalemu isa ikilometa arobaini na tano ishi. 19 Abhingi pakati ukufuma kubha Yahudi bhakisa kwa Martha nu Maliamu kukubhalindisha pangwa ya gwamwabwa gwabwo. 20 Po uMartha akapulika ukuti uYeesu akwisa, akabhuka pakukomana nagwe, lole uMaliamu akongela ukwikala kunyumba. 21 Popo uMartha akamubhula uYeesu, "Mutwa, linga gwalipo panu umunyemba gwangu ngali atafwile. 22 Pope imenye, ukuti lyoshi lyogwa suma ukufuma kwa Chala, itakupe." 23 U Yeesu akabhabhula, umunyumba gwako itiakashuke sona." 24 U Martha akamubhula, imenye ukuti itiakashuke ukufuma kubhushu amashiku gwa mwisho." 25 U Yeesu akabhabhula, "Une ndi kubhushuka na kubwumi; yuyo akunyitika, isa papo indakafwe, pope indakabhe akweshela; 26 na gweshi yuyo akweshela nu kwitika une indakafwe. Igwitika iyo?" 27 Akabhabhula, "Ingwitika, Mutwa ingwitika ukuti ugwe gwe Kilisiti, Umwana gwa Chala, yuyo akwisa pa chisu." 28 Bwo abha ayugha isho, kabhuka kukwake nu kumwitisha ugwamwabwo gwake uMaliamu kubhutitu. Akayugha, mumanyishi tuli panu na tukukwitisha." 29 U Maliamu bwo apulika isho, akanyatuka lubhilo nukubhuka kwa Yesu. 30 Gwe uYeesu akabha akali mukati mubhuyo, akabha akali pa bhuyo papo bhakakomana nu Martha. 31 Po Abhayahundi bhakabha nu a Maliamu ku nyumba na bhala abha kumutesha, bwobhamuona akwima lubhilo nu kufuma kuse, bhakamukonga; bhakati akubhuka kwipumba nu kulila bhukwo. 32 Po uMaliamu, akafika pala pa Yesu papo akamuonagha nu kugwa pase pa tuluneli twake nukumubhula, "Mutwa, linga gwalipo panu ugwa mwinyu gwaka ngali atafwile." 33 U Yeesu bwo amubwona akulila, na Bhayahudi bhakisa pamupene nagwe bwope bhakalila nagwe bwo akulila kundumbula nu kwinong'ona; 34 akayugha, "Bhamung'onekite kwoki? bhakamubhula, Utwa, isangha uteshe." 35 U Yeesu akalila. 36 Po Abhayahudi bhakayugha, "Tesha amunghanite uLazaro!" 37 Lole abhanine pakati yao bhayugha, "Atagwiyu, umundu akighwa amaso gha ywe umufwa maso, atakamanya ukubwomba uyu umundu afwe?' 38 Bwo uYesu, akali akulila mundu yake sona, akabhuka kwipuruka, jikabha mbako, ni jondo libhikigwe pamwanya yake. 39 U Yeesu akayugha, "Litishe iyondo." U Martha, ugwa mwabwo gwake nu Lazaro, umwene akafwa, akamubhula uYesu, "U Mutwa, ku kabhalilo aka, umubhili itighubhe ngwakwola, ku mufimba amashiku fwolo." 40 U Yesu akamubhula, "Une inda kukubhula iya kuti, linga gwitika indukabhubulo ubhwimikigwa bwa Chala?" 41 Abhene bhakalitisha iyondo. U Yesu akinula amaso gwake kumwanya nu kuyugha, "Bhabha, ighukupalisha papo gwambulikisha. 42 Namenye ukuti kupulikisha akabhalilo koshi, lole panongwa lya chiluvidilo chicho chimite nukusulumania nu kuti ijughe ishi, nukuti bhamanye ukwitika ukuti ugwe ghundumite." 43 Bwo ayugha ishi, akalila nu kukwa ishu ikulu, "Lazaro fuma kuse!" 44 Ufwe akafuma kuse bhapinyite utukono nu tulundi pi mwokoshi lya kumshilila na pamaso ghake bhaka pinya ni chitambala." UYeesu akabhabhula, "Mwighulile mumweke abhukaghe." 45 Po Abhayahudi abhingi bhakisa nu Maliamu nu kutesha uYeesu chicho abwomba, bhakamwitika; 46 lole abhanine bhamu bhakabhuka ku Mafarisayo nu kubhabhula imbombo sha Yeesu. 47 Po abwosongo na bhaputi na Mafarisayo bhakabhungana pamupene kuseshoni nu kuyugha, "Tubwombe koni? Umundu uyu akubwomba ififwani ifingi. 48 Linga twamweka panu mwene, bwoshi itibhamwitike; Abharumi itibhakise nu kwegha uyoshi pa bhuyo mwitu ni chisu chitu." 49 Pope ulyo, umundu yumufyene pakati yabwo, uKayafa, yuyo akabha muputi usongo ichinja icho, akabhabhula, "Mutamenye na chimo ichinine. 50 Mutakwinong'ona ukuti kubhaghile kunongwa nyiyu ukuti umundu yumo abhaghile ukufwa kunongwa ya bhandu abha muchisu choshi ukulongingwa." 51 Tesha mutakayugha kunongwa yake, ukuti papo ali gwikuhani usongo gwake yula, akasolola ukuti uYeesu itakafwi kunongwa ya chisu; 52 na kuta ku chisu hake chine, lole uYesu abwanghe bhala bhala nu kubhungana abhana abha Chala bhabwo bhanyambanite mubhuyo patali patali. 53 Po ukwandila ishiku ilyo nukubhuka bhakapanga isha kumung'ogha uYesu. 54 U Yesu atakaghenda sona nu kwong'opa pa Bhayahudi, lole akati la hapo nu kubhuka ku chisu chila chicho chili papipi nu lungala ngala ku chisu chicho bhakatingi Efraimu. Apo akikala na bhasukulu. 55 Bwo iPasaka ya Bhayahudi yili papipi na bhingi bhakakwela ukubhuka ku Yelusalemu kuse ya chisu bwo iPasaka yikali bhabhe bhitakasa bhenebhene. 56 Bhakabha bhakumulunda uYeesu, nu kuyugha kila mundu bwo imite muchaliki, "Mukwing'ona kono? Ukuti atakwisa kulusekelulo?" 57 Akabhalilo ako abwo songo na bhaputi na Mafarisayo bhakabha bhatishe ndaghilo ukuti yumo amanya uYeesu apoali, chikulondigwa atishe itaarifa ukuti bhamwaghe bhamukole.