¹ Ahabhaliilo u Petro nu Yohana webhahalongaga nabhandu, abhasongo upunti uwashibhanza bhabhabhaliye. ² Bhamili vitilye nifwa kunongwa Petro nu Yohana bhahabhabha kumanyizya abhandu, kumanya u Yesu na kulalasya kuzwuha kwakwe kufuma kubhafwe. ³ Bhahabhalema nakubhabhiha, mwijeela paka ishilabhala yakwe yikufwaata, mana yali shalya bhela. ⁴ Ilelo abhandu abhinji bhala bhebhivuye amazwi bhahitishile bhahabhakilaga kubha ielufu zisanu. ⁵ We yafiha ishalabhila isiku lyelikufwaata, kunti asongo bhabho, abhagosi nabhe bha kusimba, peeka bhahomanile ku Yerusalemu. ⁶ Anasi umuputi umusongo aliipo nu Kayafa, nu Yohana, nu Iskanda, n bhondi bhabhali bhaholo bha muputi umusongo. ⁷ Webhabhabhiha u Petro nu Yohana mukasi yabho, bhabhabhuzilizya, "Kumaha gooni, awe kwitawa bhuli mwabhomba ili?" ⁸ Anihabhili, u Petro, ahabha ayizuye umupepu umufinjile, ahabhabhuzya, imwe musongo bhabhandu, na mugosi, ⁹ itwe ingisiku ilya musanyanu bha kutubhu zilizya kunongwa yimbo inyinza yeyambilwe kwa mundu unu umubhinu - kunamuna yoni umundu unu ahabhombwa kubha mwinza? ¹⁰ Twenyi limanyishe ilyo kukwinyu nakubhandu bhondi mu Israeli, kunti mwitawa lya Yesu Klisiti uwaku Nazreti, we mwatesile, we uMulungu amuzwusizye kufuma kubhafwe, kukwidala lyakwe kunti umundu unu akwimilila ipa pilongolela yinyu kunongwa ye ali nu wumi. ¹¹ U Yesu Klisiti liwe lye imwe mubhazenji mwasholanyinye, lye bhahalibhiha kubha liwe impinti ilya pa mbali. ¹² Watalipo uwoposhi na wumo kushile kwa mundu uwunji, litalipo itawa ilyingi nalimo lye bhabhepiye pansi na kumwanya, mubhandu lye kulilyo tungawezya kubha nuwu poshi." ¹³ Ishi webhalola amaha ga Petro nu Yohana, bhahamanya kunti abhandu ibha bhashinisho bhulo bhatabhazizye, bhaswiga, bhahama kunti u Petro nu Yohana bhali peeka nu Yesu. ¹⁴ Kunongwa ye bhamuwenyi umundu ula wabha muponwa ayimiliye peka nabho, bhatali ni hakulonga kushila ili. ¹⁵ Ilelo wabhali bhabhanula abhasundikwa bhepe pilongolela papuga iya wulonji, bhaholonga bhibho kubhibho. ¹⁶ Bhahalongo, tutibhombe bhuli nabhandu ibha? Yooli kunti amazenga umbwa aga mayele wubhombeshile kushilila abhene wumanyishile na wowondi ula wakubha mu ¹⁷ Yerusalemu; tutangawezya kuhaana ilyo. Ilelo, kunti iga kunti abhandu bhatahamanye, twenye tubhasoshe bhatahaloonje awinza kwa mundu wowondi kwitawa wili. ¹⁸ Bhahabhabhilishila u Petro nu Yohana muhanti nakubhamula kunti bhahalonje awe kumanyizya kwitawa lya Yesu. ¹⁹ Ilelo u Petro nu Yohana bhamula na kubhabhuzya, "Anga miza pamiso ga Mulungu tulonje munemwe. ²⁰ Ilelo itwe tutangawezya kuleha kulonga gala getugawenyi nakungivwa." ²¹ We twabhasoha hani u Petro nu Yohana, bhahabhaleha bhabhale. Bhatahawezya kuyaaga inoongu yoyondi kubhalonga, kunongwa ya bhandu bhondi bhahenupaalaga u Mulungu kuhala heha bhombeshile. ²² Umundu waposheleye ukuponnwa ihaholeheha kubha mundu uwamaha amashumi gani. ²³ Webhabhaleha bhulo, u Petro nu Yohana bhahinza kubhandu bhabho na kubhabhuzya goondi gee abhasongo abhanpiti na bhagosi zyebhabhabhuzizye. ²⁴ Webhivwa, bhahalola kwizwi impiti peeka kwa Mulungu nakulonga, "Mweene, iwe wewagombile insi nakumwanya ni sambi na handu muhanti yakwe, ²⁵ iwe we, kumupeepu umufinjile, kwilomu lya yise witu u Daudi, umubhombi waho, walonjile, "Hooni abhandu abhapanzi, abhandu bhakwina zyezitahondeye? ²⁶ Abha mwene abhamunsi bhabhambile peeka, nabhabhatabhalaye bhabhunganile peeka." ²⁷ Na yoli, bhondi u Herode nu Pontio Pilato, peeka na bhandu abhapanzi na bhandu ibha ku Israeli, bhabhunganile peeka muhaya ini kushila umubhombi waha umufinjile u Yesu, we wamupashile amafuta. ²⁸ Bhabhungaanile peeka kubhomba gondi giinyobhe yaho ulugaano lwaho galiluhusile kufuma kuwandilo shegashili kufumila. ²⁹ Ishi, mweene, yenya kwogofwa kwabho, ubhavwe abhabhombi bhaho kulonga amazwi gaho kumaha gondi inga. ³⁰ Kwee kunti anga wagolosya inyombe yaho yikuponwa, ivilolesyo na mayele viwezye kufumila kushilila kwa mubhombi waho umufinjile u Yesu." ³¹ Webhamala kuupuuta, uwupande webhali wabhanganile peeka lihayizanywa, bhondi bhahizulwa numupeepu umufinjile, nabhalonga izwu lya Mulungu kumaha. ³² Uwinji uwabhandu bhaala bhe bhintishile mwoyo weka ni umupeepu weka: atalipo numo weka walonjile kunti hohondi haliho hakwe wuyo; ilele bhali ni vindu vyondi peeka. ³³ Kumaha amampinti abhasundikwa bahhalola shanga impembu zyabho kumanyishe kuzwuha kwa mwenee wintu u Yesu, nu winza uwumpiti wali pamwayabho bhondi. ³⁴ Patali nu mundu angaweeka pebhali wapungushiliwe na hakwanza, kwe kunti abhandu bhondi bhebhali nivilolesyo ivya viyanza awe inyumba, bhakazizye nakuleta ihela iyavindu vwebhakazizye, ³⁵ na kubhiha pasi pavinaama vwabhasundukwa. Na kumupa wowondi wayintishile, kufwaatana na kila mundu sha kwanza. ³⁶ U Yusufu, mulawi, umundu kufuma Kiplo, bhamupiye itaawa ilya Barnabasi nu musundikwe (iyo bhayigalulanya, kunti mwaana wa kutoosya). ³⁷ Ali nishizi, ahakazya ahaleta ihela, ahabhiha pavinama pansi ivwabhasundikwa.