¹ Ipo, umundu weka bhahantinji u anania, nu Safira umushi wakwe, bhakazizye pambali pawukabho wao, ² afisa zimo ihela zyebhakazizye (mushi wakwe wope amanyile ilyo), ahaleta zila zyezyasyala ahabhiha pavinama vyabhasondelezya. ³ Ilelo u Petro ahalonga, "Anania, hooni husetani ayizuzizye umwoyo waho kuloonga amalenga kwa mupepu umufinjile nakufisa imbali yimo iya shizi? ⁴ We ushili kukazya, wutali wukabho waho? Peewe wakazya, litali pasi pawamulo waho? yihabha bhulibhuli kubho isho mumwoyo waho? Utabhahopeye bhandu, yoli umuhopeye u Mulungu." ⁵ Wayivwa amazwi igo, u Anania ahagwa pasi ahafwa. Ilyoga ipinti lihabhaga bhondi bhebhivuye ili. ⁶ Abhatunda bhahinza pilongolela nakumugwihanya ikibha, kumufwala panzi na kumusyila. ⁷ Wegashila amasala gaotatubhulo, umushi wakwe ahinjila muhanti, atamanyile kunti honi hehabhombeshile. ⁸ U Petro ahamuzya, "nambuzye, anga mwakazizye ishizi kubeyi iyo.'' Ahaloongo, "Ee, kubeyi yiniyo.'' ⁹ Awinza u Petro ahamubhuzya, "Zibhulibhuli mupaka mukwivyana kumulinga peeka umupepu wa mweene? Yenyu ivinama vwa bhala bhebha musyilaaga umulume waho yili pamulyango, na bhantikupimbe nakutwala panzi.'' ¹⁰ Panapo ahagwa muvina vwa Petro, ahafwa, abhatunda bhala bhanjila muhanti bhahagaafuuye bhamupimba kumutwala kunzi, nakumusyila paapipi nu mulume. ¹¹ Ilyoga inpi lihiza pamwanya pashibhanza shondi, na bhondi bhebhivuye ganago. ¹² Ivilolesyo ivwinji namayele vihabha vikufumila muhanti mubhandu kushilila inyobhe zyabhasotelezya, bhali peeku munyumba ya Sulemani. ¹³ Ileelo, numo umundu uwamwaabho uwunji bhulo wamali na maha agakundatana nabho; ingalelo, bhabhapiye umwamu uwapaamwaanya na bhandu. ¹⁴ Na winza, bhebhintishile abhinji bhahonjelaga kwa mwene, inpuga impinti kubhasahala na bhandanda, ¹⁵ kuloleha kunti bhahabha mpiga abhabhimu mwidala, nakubhagonwa muvitala na mumatengo, anga kunti wu Petro akushila, ahazyunguli hakwe habhe hakukushila pamwanya yaabho. ¹⁶ Ipo winza, uwinji uwabhandu bhinzi kufuma mutuhaya zye ziyunguluye i Yerusalemu bhakubhaleta abhabhinu bhondi bhebhalemiwe ni pepu ibhibhi bhondi bhahaponwa. ¹⁷ Ilelo usongo umupinti ahayibhuna, na bhondi bhebhali peeka nawo (bhebhali bhamushibhanza masadukayo); bhahizulwa numwone, ¹⁸ bhagolosya inyombe zyabho kubhalema abhasundikwa kubhabhiha mwijeela ilya bhondi. ¹⁹ Muhabhalilo aha sha wusiku uhabhizya wa mweene ahigula amalyango aga mwigeleza nakubhaloongola paanzi na kulonga, ²⁰ "Bhalaji mwimiilile mushibhanza kubhabhuzya abhandu amazwi gondi igawumi unu.'' ²¹ Webhivya ili, bhahinjila mushibhanza we kukusha bhanda kumanyizya. Ilelo umwene musongo ahinza na bhondi bhebhali peeka na wene, nakubhilishila ipani shoondi peeke nabhogoosi bhondi abhabhandu ibha ku Israeli, na kubhasontelezya mwijeela anga bhabhalete abhasundikwa. ²² Ilelo abhabhombi bhahabhala, bhatahabhaga mwijela, bhahaduga na kufumwa ipembu, ²³ "Twaga ijeela lyigalile ahinza haani, abhakolokoloni bhimiliye pashilyango, aleelo wetu kwigula, muhanti, tuta halola umundu muhanti.'' ²⁴ Ishi ahabhaliilo jemedali uwa shibhanza numupunti ununpiti we bhivya amazwiigo, bhahalemwa nilyega ipinti kunongwa yabho bhakukwina kunti lintibhie bhuli lini ili. ²⁵ Weka ahinza kubhabhuzya, "Abhandu bhemwabhabhishile mwijeela abhandu bhimiliye mushibhanza bhakumanyizya abhandu." ²⁶ Ipo ujemedali ahabhala peeka na bhambi pebhahabhaleta, ileelo sita kubhomba kwuyanzi, kunongwa yebhabhogopile abhandu hani bhabhahomile na maawe. ²⁷ Webhabha leeta, bhahabhabhiha piloongolela pawulonji, umulonji umupinti aha bhabhuzilizya ²⁸ ahalonga, "Twabhamuye kunti mutamanyizya kwitawa ili, pee mwizuzya i Yerusalemu kumanyizyo zyinyu, nakusunguha kuleeta ibhanda lya mundu nu pamwanya yitu.'' ²⁹ Ilelo u Petro nabhasundikwa bhagalusya, "Yoli tumushindishe u Mulungu tebhandu. ³⁰ U Mulungu wa taata bhitu amazwusizye u Yesu, we mwaamugojile, nakumuhobheha pamwanya piikwi. ³¹ U Mulungu amwishiye kufuma kunyobhe yakwe iya kundiilo, kumubhiha kubha mumpinti na muponyi, kufumwa ishilapo kuu Israeli, nakuyila imbibhi. ³² Itwe twabhakeenti bhaganaago, nu mupepu umufinjile, wa Mulungu afumiizye kubhala bhebha kumwintiha.'' ³³ Asongo abhawulonji webhivwa kutishi, bhahalemwa nu mulaha bhahanzaga kubhagooga abhasundikwa. ³⁴ Ilelo falisayo webhahantinji ugamalieli, umwimilili uwindajizyo, wantinishililwe na bhandu bhondi ayimiliiye nakubhamula abhasundikwa bhabheje panzi kuhabhalilo ahafupi. ³⁵ Awinza ahabhabhuzya, "Abhasaahala abha ku Israeli, mubhe amiso nifwa nahala he mukwina kubhabhola abhandu ibha. ³⁶ Kunoongwa, izyimaandi zyezya shilile, u Theuda ayimiliye ahayidaya kubha we mundu umupinti, nu winji wabhandu kufiha imwaa zini bhamufwa, ahagoogwa, bhoondo bhebhaha mwintihaga bhahasaata nakuteega. ³⁷ Shashili umundu unu, u Yuda mgalilaya, ahimilila insiku zizi zye bhahazyaga isensa, ahakweesa abhandu abhinji kulusalo yaakwe, wope winza ahateega na bhondi bhebha muintihaga wahasataana. ³⁸ Ishi bhakubhabhuzya, yepi kubhandu ibho bhaleshe bhene, kwekunti anga ikwina izi ni mbombo ini anga yabhandu tuntitaaje. ³⁹ Ilelo anga ya Mulungu, temuwezye kubhadinda; muwezizye mwaje pamu mukulwa nu Muluungu.'' Ipo, bhahintiha na mazwi gaakwe. ⁴⁰ Awinza, bhahabhabhilishila abhasundikwa muhanti nakusyanda nakubhamula bhatalongaje kwitawa lya Yesu, pe bhaha bhaleha bhabhale izyabhoo. ⁴¹ Bhasogola mpilongoolela pawulonji bhahasha kunongwa bhabhabhazya kunti bhakwanzilwa kuyiimba na kubhazalabhula kunongwa yitawa ilyo. ⁴² Ilelo, isiku zyondi, muhanti mushibhaanza na kufuma munyumba muupaka munyumba bhahendelelaga kumanyizya na kulumbilila kunti u Yesu wu Masihi.