¹ Ulahukumi naigwe ulachehukumiwa. ² Ko ulehukumu, naigwe nakudo upehukumiwa. Ko unekipimiwa naigwe nakudo upepimiwa ikyoikyo. ³ Ngiki unelambwa kivwarikyo kidi kikeri ko uriso ja mundwanu, angwe uichi kigogo ambacho kikiri risonyi japo? ⁴ Kuda unedima deda ko mnduanu, tijumbele ngikufunye kibarandu kikeri risonyi japo, kigheri kibarandu kya ikoryo kikeri risonyi japo? ⁵ Igwe mrengi kwanza funa kibarandu kikeri risonyi japo, nyiho upedina necha ikifuna kibarandu kya kidi kikeri risonyi ja mndwanu. ⁶ Mlaninge shite kindo kiele, mlarukutwe nguvwe mbele yavwo shingi vwapeshinya mara ne shivwada na madende, naigwe vapekughalukya neikuradwa shipande shipande. ⁷ Terevwa na igure upenigwa. Shigha naigwe upepata. Kavwa tasinyi, na igwe uperughuja. ⁸ Ko icho wose aneterivwa, nyechewadija. Komicho wose echeshifha nyechepata. Na ko mundu echekavwa tarinyi nyecherughujwa. ⁹ Ana konde mndu kwanu mwana kamterevwa kibarandu kya mkate apemninga igho? ¹⁰ Ana bamterevwa ibinga, nyapenninga njwoka? ¹¹ Koja inywe vwanyamari mwiehi vwaninga vwanavwanu shindo shicha, kindo kida Papa akori ruvweu apevwa ninga shindo shicha vwaja vwachemterevwa icho? ¹² Ko kitevwi ikyo iko andu uuri utwa kindo kyokyose na vwandu uwengi, na igwe ipekupasa ivwofanyia kudokudo navwo. Ko kuwa hiyo nyisheria na manabii. ¹³ Ingwenyi koida mongo msise. Ko kua mongo nyulandahye nja ilandahye nyiyo inejisongora unyamarinyi, kode vwandu uwafoje vwaneida njiayo. ¹⁴ Mongo msise, mongo msise ni njia inevwasongora idambuka uzimenyi nyivwachache vwaneiona iingyo. ¹⁵ Kuringe na manabii vwa vwongo, vwaneche vwararikye njoni ya imondo, lakini masui vwakarije. ¹⁶ Ko matunda vwao mpevwamanya. Je vwandu navwapedima ivuma matunda mishenyi, au kidi kijode mbeu sambaruti? ¹⁷ Ko ikyo, kila kicha kicheshaa matunda mecha, kake kidi kivichwa kichashaa matunda navwichwa. ¹⁸ Kidi kicha kipeshaa matunda mavwichapo, nama kidi kivwichwa kipedima ishaa matunda mavwichwa. ¹⁹ Kila kidi kilacheshae matunda mecha kichetemwa na ikumbwa rikonyi. ²⁰ Kudo upevwamanya kitevwi na matunda vwavwo. ²¹ Kila mndu apengivwa inyipo, mndumi, mndumi apingija umanginyi oruvweu, kake nyuja echeuta shicha jo papa uja akeri ruvweu. ²² Vwandu vwengi vwapengivwia sikuhiyo Mndumi, Mndumi, jilefura unabii ko irina jake, jilefuna mapepo ko irina jake, ko irina japo jileuta shitendo shidwe shikuu? ²³ Nyiho ngapevwauwa wazi, inyi nguvwai chipo! Kurenyi kokwa anywe mcheuta mavwichwa! ²⁴ Ko ikyo, kila mndu kasriada shidedo shakwa na ishitii apefanana na mndu aode kwaria aliyeshumba numba uye ya irara. ²⁵ Mbua ikakavwa, muringa ukacha mukuma ukacha ukaingya numbwenyi hiyo, iledima igwe wandapo ko kitevwi nyilashumbwa uwe ya irara. ²⁶ Kila mndu kaichwaineno jakwa najiadanye, apefananishwa na mndu kjinga eleshumba numba yake uye ya mchanga. ²⁷ Mbua ikacha, mringa ukacha na mkuma ukacha na ikagwa numbaya, ikagwa na unyamari wake ukashika." ²⁸ Kukashika kigheri Yesu kamarija ideda shidedo shake, isanga jileing'aso shidedo shake. ²⁹ Ko kua alelosha cha mndu aondapinya, na ise cha vwareghi vwake.