¹ Gherija iuta shindo sha msumano mbele sa wandu ikulora, amu upepata ucha ifuma ko papa o ruvweu. ² Koikyo andu upefuna ulakawe tute na imata kumonyi cha uwarengi chandu wechiuta masinagoginyi na ipo mtaaenyi, ili wandu vwavwasifu loi ngawawaienyi, mmeidiwira wadija mbora. ³ Kake iwe ukinefuna, kooko kwapo ko kumoso kulamanye kukineuta kooko ko kujo. ⁴ Kimbi sawadi yapo ifunwa kirikarika. Nyiho Papa alambuje kirikenyi apekunenga mbora yapo. ⁵ Okinaterevwa, ulawe cha warengi, amu vwakundindye imkana na iterevwa masinagoginyi na rongodinyisa nitaani, kimbi wandu wawalambwe. Loi ngawawienyi mmeadija mbora. ⁶ Kake iwe ukenaterevwa, ingia chumbenyi. Rughwa mongo, na uterevwe ko Papa akeri kirikenyi. Nyiho andu Papa alambuje kirikenyi apekunenga mbora yapo. ⁷ Na iho ukenetereva, ula ujieujie shidedo shilaode maana chandu mataifa vwechiuta, amu vwechikusara vwechiichwa kitevi kya shidedo vweamba shifoje. ⁸ Koikyo, ulavwe chavo, amu Papa wapo nyaichi shindo uwuri kimbi ulamemterekwa. ⁹ Kokyo tereva kudi. Papa odu akeri Ruvweu, nna jiwikwa jiele. ¹⁰ Umangi wapo uche, olukundo lwapo lvutike iha orikenyi na ipo Ruvweu lvutike kudo. ¹¹ Ujienengeo mbora mkono oose. ¹² Uladiwikieo kitewonyi chandu ise naise jichiwasamehe wasile wedu. ¹³ Uladiwikieonyi kitewonyi, kake udiisieo kwacha na mnyamari. ¹⁴ Koja mpewasamehe wandu unyamari vwao, Papa oruvweu apewasamehe unyamari wanu. ¹⁵ Kake koja mlapewasamehe unyamari wavo, nama ndianu apewasamehe unyamari wanu po. ¹⁶ Shose, koja umeshinga, ulalore inyafukiana ko warenge chandu wachiuta, amu wanalema shangu wandu wawamanye wapungie. Loi ngakuwia, wameadija mbora. ¹⁷ Kake iwe kakoja umepunga, shia mafuta mdonyi kwapo na usanje kiamu kyapo. ¹⁸ Ko kudo kipekulora mbele sa wandu ke upungie, kake kipe3wa ko Papa tu akeri kirikonyi. Na Papa owapo akeri krikonyi, apekunenga mbora. ¹⁹ Ulakuderije hazina yapo kumonyi iha orikenyi andu nondo na kutu yenyamara, na waiwi wefunja na iwa. ²⁰ Tangalatu yake dera hazina yapo kumonyi ruvweu, nama nondo nama kutu sipedima nyamara po, nama waiwi wapedima funja na iwa po. ²¹ Amu andu hazina yapo ikeri, nyiho andu ngoo yapo ipendevwa. ²² Riso nyi kilangaro kya osese ko ikyo koja riso japo nyi jicha, osese iwapo lupechuriswa kilangaro. ²³ Kake koja riso japo jiwichwa, osese lwapo luichurye moma. Koikyo koja kilangaro kikeri kwapo nyi moma nyi moma mdue. ²⁴ Kuvwode nama apedima iwarundia wandumi wawi, amu apemwiria na imkunda ongi ana apekufuna ko umu na imena ongi. Mpedima imrundia Ruvwa na mali. ²⁵ Koikyo ngakuwia, ulaade mashaka kitevwi kya maisha wapo, ke upeja kiki ana mpenywa kiki ana osese lwapo, uperara kiki. Je! maisha chikela kando na osese chikela seri. ²⁶ Lambwa ndhye wawaje nama wasambwe na wakusanye na idera kahi, kake Papa oanu o ruvweu ewanenga kando. Ana inyi nyi waitori? ²⁷ Nani nyiunga kwanu ekuitama kaongerija mkono o maisha wake? ²⁸ Na nyi ngiki uowode wasiwasi na seri? Kusare maua mdemenyi, chandu wechileha. Wachiute uya wachikurarike po. ²⁹ Ade ngawawienyi Sulemani umanginyi wake alerarikwa cha uja umu o iwa. ³⁰ Okaja Ruvwa erarika mara mdemenyi, wakadamwa mkono umu na ngama ingi wakakumbwa modonyi, Je nyikokuda apewararika unywe inywe muode imuki jinina? ³¹ Ko ikyo mlave na wasiwasi naiamba, ale ngikyo dipeja? Ngikyo dipenywa? Ngiko diperara? ³² Kokyo isanga wapeshigha shindo shi na Papa oanu o mvweu aichi isho jiuri. ³³ Kake ipo kuvwoka shigheui umangi wake na haki yake na shose mmpenengwa. ³⁴ Kuikyo, ulaone shaka ko kitevi kya ngama, kake ngama ipekuutia iwenyi. Kila mkono nyuchidima iwa na ngawirana yake iwenyi.