¹ Yesu eona Isanga kakure kadambuka ifumbunyi. Kadamiya wanda, waloshwa vwake vwakacha kwake. ² Kapungwa momu wake kavwalosha kakeda, ³ "Keba vwakeri vwakivwa vwa ngoo maana umangi o Ruvweu nywa vwo. ⁴ Keba Vwaode Kisaro maana vwapetaramwa. ⁵ Keba vwaoloje maana vwapeada orika. ⁶ Keba vwaode Njaa na Nyoda ya loi, maana vwapetaramwa. ⁷ Keba vwaode rehema maana vwapepata rehema. ⁸ Keba vwaode ngoo njicha maana vwapemona Ruvwa. ⁹ Keba vabatanishi, maana vwapedikirwa vwana va Ruvwa. ¹⁰ Keba vwakenaviniswa kitevi kwa loi, maana umangi o Ruvwa nywavo. ¹¹ Keba inywe vwadu vakevakumbia shidengo na ivinisa na ideda shidedo shivichwa kitevi kwanu ko vongo kitevi kwakwa. ¹² Muorokinywa na ikiva ngulili maana mpengerijwa shidue ipo ruveu. Kudo vandu veleta ko Manabii kabla yanu. ¹³ Inywe monyo o orika. Kake monyo ukadesa iloda jake ipedima va nyicha ko kikise sepo bali ipekubwa nja na lvandwa na madende vya vandu. ¹⁴ Inywe kilangaro kwa wandu. Mri oshumbwa uye ya mfumu upekurika sepo. ¹⁵ Kake vandu vapeasa ta na idera kikapunye po bali uye matika uanginye vwakeri kanyi. ¹⁶ Tia kilangaro kilangariye vandu vecha vamteshe papa nu akeri ruveu. ¹⁷ Mlakusare ngacha ichenyamara sheria na manabii wai ngacha ichenyarapo ba ikanilisha. ¹⁸ Loi ngavavia kee mbingu na njorika sose sipeida kake nama nukuta imu ya sheria ipefunwapo mpaka shose shitimizwe. ¹⁹ Kwaikwo kofunya amri njiina ya amri na iloshia kudo apedirwa mnina katika umangi o ruva. Kake uja apeada na iloshia apedikirwa mdue katika umangi o ruva. ²⁰ Kake navavia kee loi yonu ilemeide loi ya mafarisayo ko vwo vwose mpeingwa katika umangi o ruvapo. ²¹ Mleichwa kwe dedwa kala kee, ulaghe na uja apeangha nyakeri kipungonyi. ²² Keke ngavavia kee icho amsujee mnduavwa apeva kipungonyi, na icho apembia mnduro igwe uvwapo opeva kipungonyi na icho apembia igwe mtondo apevwa hatari ya modo o jehanamu. ²³ Koikioo kofuna sadaka yapo madhabahunyi na nyuichi ungode kidedo na nacho. ²⁴ Itie sadaka yapo madhabahunyi udambuke undepatana nacho kwanza na mnduanu unache ufune sadaka yapo. ²⁵ Patana na mshitaki wapo parapara mkeri njia moodambuka mahakamenyi alachekutia ko hakimu na hakimu nakudere mookonyi mo asikari na ikumbwa kipungonyi. ²⁶ Lo ngavia kee upefumapo mpaka ulipe senti ya mwisho ya hela ukenedaiwa. ²⁷ Moichwa kededwa kee mlazini. ²⁸ Kake ngavavinyi icho amlambwa mndumka na imtamani tayari amezini nacho ngoonyi kwake. ²⁹ Na riso japo ja kujo jikakulemba, jikurwe ujikumbe kwacha, nyi keba kilungo kimo osesenyi lwapo ukifune kuliko osese lose ikumbwe jehanamu. ³⁰ Koja kooko ko kujo kukakudesa, dumbwa uukumbe kwacha, keba kilungo kimu osesenyi kinyamarika kuliko usese lose ikumbwa jehanamu. ³¹ Kilededwa icho amdichira mkaake namnge talaka. ³² Kake ngavavia kee icho amtia mkaake, ko zinaa nyivika iva mzinzi na icho ambuirya nyapeuta urichwa o zinaa. ³³ Tena ngeleichwa kwe dedwa ko vaja vya kala mlaape ko vwongo kake shiapo shenu ko ruva. ³⁴ Ngavavia kee mlaape nama kiina nama na ruveu, maana kitiri kwa ruva. ³⁵ Nama na orika, maana nyiandu kodera kitiri kovadiya madende vake, nama Yerusalemu maana mri o mangu mdue. ³⁶ Nama ulaape na mdo wapo maana upedima tebira mbii nama umu po uve onyuu ana uliyepo. ³⁷ Kake shidedo shapo shive ee ive ee na wai ive wai, shikazi ihoo shafuma ko mnyamari. ³⁸ Mmeichwa kwe dedwa riso ko riso na igha ko igho. ³⁹ Kake ngavavia kee mlashindane na mndu mnyamari, kake mndu kakukava ovari lo kujo mghalusiye na kumoso. ⁴⁰ Na icho apekunda dambuka na igwe mahekanani na ikusoka nguvo yapo mdeje wa lyo ingi. ⁴¹ Na icho yoyose apekuitikya idambuka maeli imu enda nacho ya kaavi. ⁴² Naicho yoyose apekutereva mninge ulamdiche, icho aghuri mkopeshe. ⁴³ Mleichwa mkunde jirani wapo na umsue mkituvwa. ⁴⁴ Kake ngavavia vakundenyi vakituvwa vanu, vaterevinyi vakenakulushira. ⁴⁵ Ili mve vana va ndianu akeri ruveu, kitevi akenavika vavichwa na vecha na iende mmbua ko vecha na vavichwa. ⁴⁶ Koja mkavakunda vaja vwavwakundiye mpepata mbora njiki? Amu vandu va kodi na kudo vechiuta. ⁴⁷ Na koja mkadikira vandu anu mpepata faida njiki zaidi ya vengi. ⁴⁸ Koikyo mkena shighwa muve vaanunufu cha kukundu ndianu o ruveu akeri mwaminifu