¹ Yesu kadasirwa na moo batemu kimacha naregheshwe na kivwishwa. ² Kapungamfuryi makumi vwaana msanyinyi na kiyoo, kivwisha kaichwa njaa. ³ Mreghesha kamcheja kamba ukeri igwe mwana o makilunga, yavwie magho vwa yavwe mkate. ⁴ Nacho kamtalwa kaamba nyireghywa mndu apedamya ko mikate po. kake nyiko kidedo kyokyose kipefuma momunyi o makilunga. ⁵ Kivwisha kamwinya mpaka muriji mwele, kandera uye kidongolo kya hekalu, ⁶ Kambia mekoje igwe mwana o makilunga kukumbe gwanda mekoje imerzeghywa ke apekudikirya malaika vwake na mokonyi vwavwo vwapekuirya ulache kavwa mtulya kudende kwapo ighonyi. ⁷ Yesu kambia, kavwi nyireghywa, ulamregheshe mundumi makilunga wapo. ⁸ Ibilisi kamwirya mpaka fumbu jilehye munu, kamlora omaso lose lo isangenyi na sia yake. ⁹ Kambia, ishi shose ngapekuninga kogwa ko ngilikya nudi. ¹⁰ Nyiho Yesu kambia, igwedambuka Shetani mekoje nyireghywa ke, umwilikyenndi mndumi makilunga wapo, umdase icho amanyi. ¹¹ Nacho Ibilisi kamda lambwa vakacha malaika vwakadumika kwake. ¹² Koikyo Yesu eichwa ke Yohana amepungwa, nyaledambuka sake mpaka Galilaya. ¹³ Kafuma Nazareti kacha kadamya Kapernaumu, mri ukeri pwani mrasenyi ko Zabuloni na Naftali. ¹⁴ Matika kishikye kidedo kija kidedwa na mkimbi Isaya, kaamba. ¹⁵ Orika lo Zabuloni na Orika lo Naftali, njia ya bahari, ngalikoyo ya Yordani Galilaya ya isangenyi. ¹⁶ Vwandu vwaja vwadamije momenyi vwameona mwilye mdue, navwo vwadamije orikenyi na kirinyenyi kyakipa mwile umevwacheja. ¹⁷ Fuma kigheri kyo Yesu nyelevwoka ihubiri ne amba, dumbujenyi mekoje umangi o Ruvweu umeshikya. ¹⁸ Nacho ukati ekineida kidarenyi kya bahari ya Galilaya, nyelevwaona vwandwavwo vwavwi, Simoni apelaghwa Petro, na Andrea mundwavwo, vwakerikumba jarife baharinyi mekoje vwekeri wavuvi. ¹⁹ Kavwavwia ngivwadyenyi, nainyi ngapevwavikenyi ke wavuvi vwa vwandu. ²⁰ Najo vwakasida nyafu savwo vwakamvwadija. ²¹ Kaendelea dambuka kavwaona vwandwavwo vwengi vwavuvi, Yakobo o Zebedayo, na Yohana mundwavwo, vwasa vwekeri kiambonyi andwamu na Zebedayo ndiavwo, vwekeri stobira nyafu savwo kavwadikira. ²² Vwakakida kirambo na nduyavyo, vwakamvwadya. ²³ Nacho nyekeri aketengetatengeta Galilaya yose, ekinelosha masinagoginyi vwavwo na akinehubiri ologho lucha lo umangi na ikira vwaluwe na ulemwa o kila kindo ko mndu. ²⁴ Na ologho lwake lukadua Shamu yose vwakamwendye vwose vwaja vwalapedima, vwaja vwaode ndwaryi na ukivwa, vwaode pepu, vwaode kioma nguku, na vwaode uolojwa kavwachira. ²⁵ Na isanga ja vwandu vwasofoje jikambaadya, ifuma Galilaya na Dekapoli, na Yerusalemu, na Uyahudi, na ngalikoya ya Yorodani.