¹ Mfuri sijaponyiele kure Yohana Mbatizaji ekihubiri bata ja Uyahudi kaamba. ² Dumbujenyi ko kitevwi ke umangi o ruveu uneshikya. ³ Ko ikyo icho nyicho elededwa na mkimbi Isaya, eamba ke, olodo lo mudu akefughya batenyi, itobirenyi njia ya mndumi, orosanenyi miede yake. ⁴ Nacho Yohana amonyi nyevweode nguvwo saka sa singa sa ngamia na orosu lo nyonyi mweuenyi wake na kando kyake kyekeri njighe na uki o msudunyi. ⁵ Nyikyo vwalemdambukya Yerusalemu, na Uyahudi wose na njorika sose sa kufui na Yorodani. ⁶ Nacho kavwabatiza dahu ya Yorodani kumu vwakinedumbu ja sambi sa vwo. ⁷ Eona vwafoje vwa vwaja mafarisayo na masadukayo vwakeucheja ubatizo wake, nyalevwavwia, Enywe vwaonika vwa nyoka, nyiunga alevwaitanavwa inywe idecha unyasu cho ukinecha? ⁸ Ko ikyo shaenyi matunda vwe dumbuja. ⁹ Nama mlakusare ngoonyi kwanu ke, jiode papa, nyicho Ibrahimu ko ikyo nganembienyi ke makilunga apedima maghonyi vwa imteshuja Ibrahimu mwana. ¹⁰ Na isoka jimevwikya sindenyi ya shidi, ko ikyo kidi kyo kyose kilapeshaa matunda mecha kipetemwa na ikumbwa modonyi. ¹¹ Loi inyi nganevwabatiza ko mringa ko kitevwi kye dumbuja, kake icho apecha vuma yaakwa nyaode oru iida inyi, namangashemuye iirya shaadu shake po icho nyape vwabatiza ko moo mwele na modo. ¹² Usa lungo yake nyikeri mokonyi vwake, nacho nyapensamya munugwanda ake, na isangirya ngano kahi kake mafuuri nyapevwakora modo ulapevwa rumisha. ¹³ Kigheri kyo Yesu kacha ifuma Galilaya mpaka Yorodani ko Yohana kitevwi nabatiswe. ¹⁴ Kake Yohana nyeuri na mwime, kambaa ke, inyi ngauri ngibatiswe na igwe, naigwe nyocha kokwa? ¹⁵ Yesu kamtalwa kambia, idikya lwakudi mekoje kudo kiurwa itimisa loi yose. Nayo kaidikya. ¹⁶ Nacho Yesu ebatiswa kadooja ifuma mrinyi, nalambwa tuvweu sikamshikija, kamwona moo o makilunga esoka cha hua, echa uejie yake. ¹⁷ Nalambwa olodo lofuma ruvweu lukededa, iu nyi mwanakwa nyamkundye usa ngaorokywa nacho.