¹ Kigheri Yesu nyelesoka gwanda ifuma ifumbunyi, isanga jidue jilemvadya. ² Lambwa, mkoma nyelecha na ilikandi oshang'unyi lwake, kaamba, "mndumi mekoja ukeri necha, upedima ungiute ngive mcha." ³ Yesu kaorwa kooko kwake kamtula kaamba, "ngakeri necha. Uve mcha." naiho ihokasanjwa ukoma wake. ⁴ Yesu kambia, "Lambwa keuladede ko mundu wowose ada njiapo, na ukulore kumonyi ko. kuhani na ufune sawadi isa Musa aleduma, ko kitevi kya ushuhuda wavo." ⁵ Kigheri Yesu ashikye Kaperinaumu, Jemedari kacha kwake kamvesera. ⁶ Kaamba, "Mndumi, mdumwa okwa nyalee kanyi nyaoloja na nyanevaviwa mnu." ⁷ Yesu kambia, "Ngapecha ngimchire." ⁸ Jemadari kamtalwa kambia, "Mndumi, inyi nyosamanike uche uingye mmbenyi kahinyi kokwa, deda kidedo na mndumwa okwa apekuchira. ⁹ Mekoje inyi nyi mndu ngaode uitoria na nyi ngaode masikari vakeri gwanda aakwa. Ngaamba ko ichu ke, "dambuka na nyedambuka" na ko ongi "njiyo" nacho nyecha, na mdumwa o kwa, uta kudi nacho naute kudo." ¹⁰ Kigheri Yesu aleichwa ishi, nyelerijwa na kavavia vaja vekerimvadija" Loi nganevavia ngamuonie mundu usa aode imani chakundu ichu ko Israeli. ¹¹ Ngambienyi vafoje wapecha ifuma mashariki na magharibi, vapedamija ko mesa andwamu na Abrahamu, Isaka na Yakobo ko umangi o ruveu. ¹² Kake vana va umangi vapekumbwa mumenyi o nya andu kupeva ifugha na isua maigho." ¹³ Yesu kavavia Jemadari, "Dambuka! Chakundu ukeriamini na iutike kudo kwapo." na mdumwa kachirwa saa so. ¹⁴ Kigheri Yesu eleshika numbenyi ko Petro, nyelemwo na mamkowakwe Petro alee akeri alumwe ndwari. ¹⁵ Yesu kamtula koko kakwe, na ihuwa jake jikamlekeja. Kake katukwa kaanza msumbukya. ¹⁶ Na yeshikya kyukwanyi, vandu vakamwendye Yesu vafoje vaode pepo. Kavadichira pepo na vaja vakeri valuevakachiha. ¹⁷ Ko kitevi iki shashikya shija shilemededwa na Isaya nabii, icho amonyi nyelerya ndwari sedu na urya ndwari sedu. ¹⁸ Nayo Yesu eona isanga jimtengelye nyelefuna ilorija ye dambuka uvari ungi o olubalubalu lo Galilaya. ¹⁹ Najo mreghya kacha kwake nembia, "Mwalimu, ngapekuvadya kokose kuja upeenda. ²⁰ Yesu kavavia, "Masui vaode marungu na ndeghe sa ruveu siode singi, kake mwana o Adamu aode andu kolara mdo wakepo." ²¹ Mloshwa ungi kambia, "Mndumi, ngatereva mbele ngidambuke ndemrika papaokwa." ²² Kake Yesu kavavia, "ngivadye mjina mvade vapije varike vapije vavo." ²³ Yesu eingya ngalawenyi valoshwa vake vakambadya ngalawenyi. ²⁴ Lambwa, ikafumya dhoruba ndue uye ya olibaribari, ikatevi ngalawa ikashikijwa na mawimbi kake Yesu njekeri amelaa. ²⁵ Valoshwa vakacha kwake imtukura veamba, "mudumi jilese ise jnedambukya ipa!" ²⁶ Yesu kavavia, "Ngiki mneogwa, inywe muode imkye njinina?" Nyiho katukwa na ikiimbya mkuma o olibaribari. Nayo kukava na ioloja jidue. ²⁷ Vomi vakaadwa na irijwa vakamba, "mndu chu nyakeri kuda, kitevi mkuma na olibaribari shinemwadanya icho?" ²⁸ Kigheri Yesu emecha uvari ungi o orika lo Magadala, vomi vavii vaitorywa na mkuma valekojana nacho. Vekeri vanefumya makaburinyi na vekeri vakenta unangwa munu, ko kitevi kwede mkyaro apedima ida nyiya ya. ²⁹ Lambwa velekava olodo veamba "ngikyo jiode kye uta kwapo. mwana o Makilunga? Nyocha iha ijivimise kabila kigheri kitameshika? ³⁰ Lwaha ndiki jiduwa ja nguve jekeri jikeombya, kokeri kwacha munu handu velweri, ³¹ Ijini vale endelea inunusuka ko Yesu ne amba "mekoje upejitorya ifuma, jidamade komdikila nguke" ³² Yesu kavavia, "endenyi!" majini vakafuma vakadambuka nguve. Lambwa, indiki jose jikasoka ifuma ifumbunyi isokya olubalibalinyi na jose jikapia mringenyi. ³³ Vomi vekuri vakineombya ngure veledicho na vedamka mrinyi vakadedya kila kindo kija kilefumya ko vomi vaitorywa wa majini. ³⁴ Lambwa, mri ose ukacha ukakojana na Yesu. Vemuona velemtereva na kure mkowanyi wavo.