¹ Yesu ire tsa/a'n gauxaa' naqimoo' i ale ire waaraahh nar baraa' tlaangw tlawi ire harda'h ay baraa' gixsada' ino's hooti. ² Hee' tiqtir solaalo kure huu'w dir Yesu i ale aa qaa't gawaa' qatni, Yesu haratlintaaor'in ngawa ar ire oo' dir heedoo tqitr solaalo' barwaaee qwalaa laa tlakweemaawo'k kaa gurtlay'. ³ Intsaahhatuuser hara'eyar Musa ta bahha' kaahi baraa' muner'ine "Heewi i Mungu' gotliit." ⁴ Yesu tada' ta baraa' muner'in i axweesi ngire tsaahh ire oo' moroosi tlakw mus axwesa "baraa' munerhuunge?" ⁵ Gar' ak inslaahh a gala a ooar gidaabahee "Tlakweemaawo'k kaa gurtlay, laqaa' sahhiit hi'iit? ⁶ Ala kuunga' xuaak gidaaba Garmaa' Hee slee sleeme ngu kon baraa' yaamuuwo oo tlakweema hangeesa' Tiqtusmooda" ngure ba'y sihhiit qatniro'k gagaareek waa'tl amo'r do'owo'k." ⁷ Heeda' ire sihhiit ire waa'tl amo'r doowo's. ⁸ Boo/ayda dida i dirii idooda kawa ar tare da'ayuu't Mungu' kure xirfeemiis oo aleesleemuu idoori ngwa hariis dir mu'k i ale. ⁹ Yesu ire tla'y didae qoomar iwa waraarahhi haeko nguna a'r oo aa iwiit dir doo ohome umoo'qoo's a matayo, ngure ba'y Ani digir deelang ire tlay ngure digir deel. ¹⁰ Nee qoomar dir Yesu awa iwiit dir moroo /ayma dir doo matayo, ohomuuser koodi ar yaariir nee mu'k tlakuuse tare harda'h tare iwiit dinkwa nee Yesu nee eeharuuseero's. ¹¹ Mu'k Farisayo idooda kawa a'r eeharuuser Yesu kare ba'y "ihii asma mila intsahhatusmoohung gar sa/ayina dinkwa nee ohomuuser koodi nee mu'k tlakuuse?" ¹² Yesu idoosi ngawa axaa's ngire ba'y "Mu'k slaqo hho' i qwaslarmoo /ee/ehhiiti'ika' aqo har tiqtuuse. ¹³ Ala i hariin tlawse' gidaaba'r /ayme'eerika kawa aldakwa " Gar ni slaa' a ilahhoo arooka ala a kuunga tiwa kiloohung gurtleera' Ani na xawiika asma mu'k ganaa nguwa /akakaa' ala a mu'k tlakuuse. ¹⁴ Qoomaadae eeharuuser Yohana Yesu ngure hardaqaye ngure ba'ye " /hii ate'n nee mu'k Farisayo ma gwaa warimaan ala eeharuuseerok gaalay i gwaawawiin? ¹⁵ Yesu ngire ba'y war/e heo duuxuuxuu'm idor ir hhimaair kona a idoola qoomar barta dinkwar i dirii nee heeda duuxuuxuum? Ala deelo i xeer ar heeda duuxuuxuu'm kuwa hengeesi Daqada an qooma'r inooin tawa as gwaawin. ¹⁶ Hee i kaahh oo warqamo ngu tsaa't gawaa' irqwaarir /aben wa lae ngure waraaq gawaa' inqwaarir a qaruur. Asma warqamooda' /abe'n ta waraa'q inqwaarida qaren ngi hhitin feehhimi ire tla'hh. ¹⁷ Tam muu buura'r hame ngi qamaminka' baraa' dahheerii garen ala birnga qaa's buuraada'r hame dahheeriida ngi tsu/ buura ire ku'ut nee dahheeri ire hhitiruutiya. Ala Buura'r hame dir ka i qamamin a baraa' dahheerii /aber daqade moroowi tsarkwawo ku saxamaar. ¹⁸ Idoori ngiwa dir' in i alki/iiti nanga'y heeko u'r oo mu'k Yahudi nina harda'h ngure i guruunguureei it ngure ba'y "Dasiree hisitir kila ina qwa' ala kuung qwalang dakok ti i qaa's daqade ino's i sla'f." ¹⁹ Yesu ir tlay ngur digir deel ino's nee eeharuuseero'se. ²⁰ Qoomaaasar kilaa /ameenirka wa'k nina harda't ar tiqaaqiim tiqtir ubingw moro kureeri miba'nee tsa'r. Aluuwo's nginar at paslta i nqwaariro's ngire kwatit. ²¹ Asma baraa' muunooowose ina oo' paslta inqwaariro's baraa' as kwatiit a hhooaw. ²² Yesu ire warqay aluu i ale ngire ar ngire ba'y mune hhe'ee's daser'ee' haratlintaaoorok aa hhooe's sii iadar kilae /ameenida ire hhoooee'r. ²³ Yesu awa harda'h dir doo' waawutumooda mu'k filimbay ifhhaam nguna dida i ay nee boo/aay muu oo hhimaauu's. ²⁴ Yesu ire oo Quutle asma dasiiri aa gwa ika in gu' kure lo' wa wa qase'n. ²⁵ Ala boo/ayda kwawa quutlliis Yesu nia da'h dasiida ngure dawa o'h ire oo' sihhit. ²⁶ Idigoowi ire xu'uutii baraa' yaamuua' sleemeerowo. ²⁷ Yesu awa tlay didae awageera i komiit mu'k tsa'r oo tampupu ngure digir deelii oo tsee imiima' kahaa "Ate'n ti gurtleer Garmaa' Daudi." ²⁸ Yesu awa as harda'h do'oo i ale' kure haradaqay nee tampupuda Yesu ngire ba'y kuunga aka haratlinti'ii gidaaba ani idoosi tlehhemeko a aleeslaw? ²⁹ Nangay Yesu ilaain ngire kwatimiit ire oo "Tisi taa haratlintie' i tleehharut dirhhunge. ³⁰ Ilaain ire qaytsitii' Ala Yesu ngire gurbuu' gidaaba "idigooqi mu bo/oo hee' bawaara. ³¹ Ala mukwi tsarkwawo inooin tare tlay idigoowi kure tsifafaaq baraa' yaamuuda' slee'meerowo. ³² Tam mukwi tsa'r qoomar' iwa ququtlina hee afa wasl oo neetlaamer koom kungure huu'w dir Yesu. ³³ Neetlaameeda kuwa hengee's heeda afa wasl ire axwees, boo/ay muu ire waa/oo/ ire ka'h ido'r dor ti aka bo/oo araamka' bo/oo wake baraa' Israeliro. ³⁴ Ala mu'k Farisayo taana oo i neetlaamar gusiisin nar /uuruu' ur kwadoo' neetlaame'. ³⁵ Yesu ina hi'iimiit gixsadu slee'meero wa ale, nee ayeemo ire intsaahaatimis baraa' maaee' slaiingw in wa le ya/abtor hho'ar waawuti'iima'r Mungu' ngire alki/iit nee tiqti slee'meero ngire hhooeemiis nee wanene'er dimbabay. ³⁶ Yesu boo/ay muu ngwa wa a'r ire gurhaamuu't asma boo/ayda aa ditsoo kuutii nee taa diyaayaa/aa't idor bee/angw de'eemusmo wasl. ³⁷ Yesu eeharuuseero's ngire ba'y "Buu'ngw ku yaariir ala mu'k gadiyee't ku niinaw. ³⁸ Ala gawaa' idoorihe Aakoo' bu'uungw nee firiimaak mu'k gadiyeet nguwa ya/aawi baraa' bu'uungo's.